ਸੈਣੀ ਨੇ ਪੰਚਕਮਲ ’ਚ ਸੁਣੀ ‘ਮਨ ਦੀ ਬਾਤ’

ਮੁੱਖ ਮੰਤਰੀ ਨੇ ਦਫ਼ਤਰ ’ਚ ਰੁਦਰਾਕਸ਼ ਦਾ ਬੂਟਾ ਲਗਾਇਆ

Pattar Parerak

ਪੰਚਕੂਲਾ, 05:11 AM Jul 28, 2025 IST

ਪੰਚਕੂਲਾ ਵਿੱਚ ਭਾਜਪਾ ਦੇ ਸਟੇਟ ਦਫ਼ਤਰ ਪੰਚਕਮਲ ਵਿੱਚ ਪ੍ਰੋਗਰਾਮ ਦੇਖਦੇ ਹੋਏ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਅਤੇ ਹੋਰ।

ਹਰਿਆਣਾ ਦੇ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਨੇ ਭਾਜਪਾ ਦੇ ਸਟੇਟ ਦਫ਼ਤਰ ਪੰਚਕਮਲ ਵਿੱਚ ਬਹਿ ਕੇ ਪ੍ਰਧਾਨ ਮੰਤਰੀ ਦਾ ‘ਮਨ ਕੀ ਬਾਤ’ ਪ੍ਰੋਗਰਾਮ ਸੁਣਿਆ। ਉਨ੍ਹਾਂ ਕਿਹਾ ਕਿ ਇਸ ਪ੍ਰੋਗਰਾਮ ਰਾਹੀਂ ਆਮ ਲੋਕਾਂ ਦੀ ਪ੍ਰਤਿਭਾ, ਸਾਡੀ ਸੰਸਕ੍ਰਿਤੀ ਦੇ ਬਾਰੇ ਲੋਕਾਂ ਨੂੰ ਦੱਸਿਆ ਜਾਂਦਾ ਹੈ ਅਤੇ ਕਈ ਮਹਾਨ ਵਿਅਕਤੀਆਂ ਦੇ ਜੀਵਨ ਬਾਰੇ ਜਾਣਕਾਰੀ ਮਿਲਦੀ ਹੈ। ਸੀਈਟੀ ਬਾਰੇ ਮੁੱਖ ਮੰਤਰੀ ਨੇ ਕਿਹਾ ਇਮਤਿਹਾਨ ਦੇਣ ਵਾਲੇ ਉਮੀਦਵਾਰਾਂ ਨੂੰ ਸਰਕਾਰ ਨੇ ਸਾਰੀਆਂ ਸਹੂਲਤਾਂ ਮੁਹੱਈਆ ਕਰਵਾਈਆਂ ਹਨ। ਉਨ੍ਹਾਂ ਕਿਹਾ ਕਿ ਨੌਜਵਾਨ ਖੁਸ਼ਨੁਮਾ ਮਹੌਲ ਵਿੱਚ ਇਹ ਇਮਤਿਹਾਨ ਦੇ ਰਹੇ ਹਨ। ਇਸ ਮੌਕੇ ਭਾਜਪਾ ਦੇ ਸਟੇਟ ਦਫਤਰ ਪੰਚਕਮਲ ਪੰਚਕੂਲਾ ਵਿੱਚ ਰੁਦਰਾਕਸ਼ ਦਾ ਇੱਕ ਬੂਟਾ ਵੀ ਲਗਾਇਆ ਗਿਆ। ਇਸ ਮੌਕੇ ਜ਼ਿਲ੍ਹਾ ਭਾਜਪਾ ਦੇ ਪ੍ਰਧਾਨ ਅਜੇ ਮਿੱਤਲ, ਸੀਨੀਅਰ ਨੇਤਾ ਬੰਤੋ ਕਟਾਰੀਆ ਅਤੇ ਹੋਰ ਕਈਆਂ ਨੇ ਮੁੱਖ ਮੰਤਰੀ ਦਾ ਸਟੇਟ ਦਫ਼ਤਰ ਪੰਚਕਮਲ ਆਉਣ ’ਤੇ ਸਵਾਗਤ ਕੀਤਾ।