ਪੋਸਟਮਾਰਟਮ ’ਤੇ ਪੂਰਨ ਕੁਮਾਰ ਦੀ ਪਤਨੀ ਨੇ ਜਤਾਇਆ ਇਤਰਾਜ਼ ‘ਇੰਨੀ ਕਾਹਦੀ ਕਾਹਲੀ ਸੀ’

ਅਮਨੀਤ ਪੀ ਕੁਮਾਰ ਨੇ ਕਿਹਾ, ‘‘ਚੰਡੀਗੜ੍ਹ ਪੁਲੀਸ ਨੇ ਮੇਰੇ ਮ੍ਰਿਤਕ ਪਤੀ, ਜੋ ਕਿ ਦਲਿਤ ਭਾਈਚਾਰੇ ਨਾਲ ਸਬੰਧਿਤ ਸਨ, ਪ੍ਰਤੀ ਕੋਈ ਮਾਣ-ਸਨਮਾਨ ਨਹੀਂ ਦਿਖਾਇਆ। ਮੈਂ ਪੋਸਟਮਾਰਟਮ ਲਈ ਸਹਿਮਤ ਹੋ ਗਈ ਪਰ ਸਪੱਸ਼ਟ ਤੌਰ ’ਤੇ ਕਿਹਾ ਕਿ ਬੱਚੇ ਲਾਸ਼ ਨੂੰ ਪ੍ਰਕਿਰਿਆ ਲਈ ਲਿਜਾਣ ਤੋਂ ਪਹਿਲਾਂ ਆਪਣੇ ਪਿਤਾ ਨੂੰ ਅੰਤਿਮ ਸ਼ਰਧਾਂਜਲੀ ਦੇਣਗੇ। ਹਾਲਾਂਕਿ ਇਸ ਨੂੰ ਪੂਰੀ ਤਰ੍ਹਾਂ ਅਣਦੇਖਿਆ ਕਰਦਿਆਂ ਪੁਲੀਸ ਪਰਿਵਾਰਕ ਮੈਂਬਰ ਦੀ ਗੈਰਹਾਜ਼ਰੀ ਦੇ ਬਾਵਜੂਦ ਰਸਮੀ ਕਾਰਵਾਈਆਂ ਲਈ ਲਾਸ਼ ਨੂੰ ਹਸਪਤਾਲ ਤੋਂ ਲੈ ਗਈ।’’

ਇਹ ਕਹਿੰਦਿਆਂ ਕਿ ਉਹ ਇੱਕ ਦਲਿਤ ਵਿਧਵਾ ਸੀ ਜਿਸ ਨੂੰ ਉਸ ਦੇ ਪਤੀ ਦੀ ਲਾਸ਼ ਨੂੰ ਸੰਭਾਲਣ ਵਿੱਚ ਮਾਣ-ਸਨਮਾਨ ਤੋਂ ਇਨਕਾਰ ਕੀਤਾ ਜਾ ਰਿਹਾ ਸੀ, ਅਮਨੀਤ ਨੇ ਗੁੱਸੇ ’ਚ ਕਿਹਾ, ‘‘ਹੁਣ ਜ਼ਿੰਮੇਵਾਰੀ ਚੰਡੀਗੜ੍ਹ ਪੁਲੀਸ ਦੀ ਹੈ। ਜੇਕਰ ਪਰਿਵਾਰ ਦੀ ਸਹਿਮਤੀ ਇੰਨੀ ਹੀ ਅਪ੍ਰਸੰਗਿਕ ਹੈ ਤਾਂ ਉਨ੍ਹਾਂ ਨੂੰ ਲਾਸ਼ ਨਾਲ ਜੋ ਕਰਨਾ ਚਾਹੀਦਾ ਹੈ ਕਰਨ ਦਿਓ। ਮੈਂ ਹੁਣ ਤੱਕ ਚੁੱਪ ਰਹਿ ਕੇ ਮਾਣ-ਸਨਮਾਨ ਬਣਾਈ ਰੱਖਿਆ ਹੈ। ਹਾਲਾਂਕਿ, ਇਹ ਮਾਮਲਾ ਹੁਣ ਪੂਰੀ ਤਰ੍ਹਾਂ ਹੱਥੋਂ ਨਿਕਲ ਰਿਹਾ ਹੈ। ਜਲਦਬਾਜ਼ੀ ਕੀ ਸੀ? ਚੰਡੀਗੜ੍ਹ ਪੁਲੀਸ ਨੂੰ ਉਨ੍ਹਾਂ ਦੇ ਵਿਵਹਾਰ ਬਾਰੇ ਦੱਸਣ ਦਿਓ।’’

ਚੰਡੀਗੜ੍ਹ ਪੁਲੀਸ ਦੇ ਡੀਜੀਪੀ ਸਾਗਰ ਪ੍ਰੀਤ ਹੁੱਡਾ ਨਾਲ ਸੰਪਰਕ ਕਰਨ ’ਤੇ ਮੰਨਿਆ ਕਿ ਗੱਲਬਾਤ ’ਚ ਗਲਤਫਹਿਮੀ ਸੀ। ਉਨ੍ਹਾਂ ਕਿਹਾ, ‘‘ਗੱਲਬਾਤ ਕਰਨ ਵੇਲੇ ਗਲਤਫਹਿਮੀ ਹੋਈ ਹੈ। ਅਸੀਂ ਪੋਸਟਮਾਰਟਮ ਉਦੋਂ ਤੱਕ ਅੱਗੇ ਨਹੀਂ ਵਧਾਵਾਂਗੇ ਜਦੋਂ ਤੱਕ ਪਰਿਵਾਰ ਆਪਣੀ ਸਹਿਮਤੀ ਨਹੀਂ ਦਿੰਦਾ। ਐੱਸਐੱਸਪੀ ਲਾਸ਼ ਦੇ ਨਾਲ ਹਨ ਅਤੇ ਇਹ ਪ੍ਰਕਿਰਿਆ ਸਿਰਫ਼ ਉਦੋਂ ਹੀ ਸ਼ੁਰੂ ਹੋਵੇਗੀ ਜਦੋਂ ਪਰਿਵਾਰ ਮਨਜ਼ੂਰੀ ਦੇ ਦੇਵੇਗਾ।’’

ਇਸ ਦੌਰਾਨ ਪਰਿਵਾਰ ਨੇ ਦੱਸਿਆ ਕਿ ਉਹ ਇਨ੍ਹਾਂ ਘਟਨਾਵਾਂ ਤੋਂ ਬਹੁਤ ਪ੍ਰੇਸ਼ਾਨ ਹੈ। ਪੋਸਟਮਾਰਟਮ ਅਜੇ ਸ਼ੁਰੂ ਨਹੀਂ ਹੋਇਆ ਹੈ, ਹਾਲਾਂਕਿ ਲਾਸ਼ ਨੂੰ ਪੀਜੀਆਈ ਲਿਜਾਇਆ ਗਿਆ ਹੈ।