‘ਜੌਲੀ ਐੱਲ ਐੱਲ ਬੀ 3’ ਨੇ 59 ਕਰੋੜ ਕਮਾਏ

ਅਦਾਕਾਰ ਅਕਸ਼ੈ ਕੁਮਾਰ ਅਤੇ ਅਰਸ਼ਦ ਵਾਰਸੀ ਦੀ ਫਿਲਮ ‘ਜੌਲੀ ਐੱਲ ਐੱਲ ਬੀ 3’ ਨੇ ਰਿਲੀਜ਼ ਹੋਣ ਦੇ ਪਹਿਲੇ ਹਫ਼ਤੇ ਦੇ ਅੰਦਰ ਹੀ ਘਰੇਲੂ ਬਾਕਸ ਆਫਿਸ ’ਤੇ 59 ਕਰੋੜ ਤੋਂ ਜ਼ਿਆਦਾ ਦੀ ਕਮਾਈ ਕੀਤੀ ਹੈ। ਇਹ ਫਿਲਮ 19 ਸਤੰਬਰ ਨੂੰ ਸਿਨੇਮਾ ਘਰਾਂ ਵਿੱਚ ਰਿਲੀਜ਼ ਹੋਈ ਸੀ। ਇਹ ‘ਕੋਰਟਰੂਮ ਕਾਮੇਡੀ’ ਫਿਲਮ ਲੜੀ ਦਾ ਤੀਜਾ ਭਾਗ ਹੈ। ਇਸ ਦੀ ਸ਼ੁਰੂਆਤ ਸਾਲ 2013 ਵਿੱਚ ਆਈ ਫਿਲਮ ‘ਜੌਲੀ ਐੱਲ ਐੱਲ ਬੀ’ ਨਾਲ ਹੋਈ ਸੀ। ਇਸ ਵਿੱਚ ਅਰਸ਼ਦ ਵਾਰਸੀ ਨੇ ਮੇਰਠ ਦੇ ਵਕੀਲ ਜੌਲੀ ਤਿਆਗੀ ਦੀ ਭੂਮਿਕਾ ਨਿਭਾਈ ਸੀ। ਇਸ ਤੋਂ ਬਾਅਦ ਸਾਲ 2017 ਵਿੱਚ ‘ਜੌਲੀ ਐੱਲ ਐੱਲ ਬੀ 2’ ਆਈ ਸੀ ਜਿਸ ਵਿੱਚ ਅਕਸ਼ੈ ਕੁਮਾਰ ਨੇ ਕਾਨਪੁਰ ਦੇ ਵਕੀਲ ਜੌਲੀ ਮਿਸ਼ਰਾ ਦਾ ਕਿਰਦਾਰ ਨਿਭਾਇਆ ਸੀ। ਫਿਲਮਾਂ ਦੀ ਕਮਾਈ ’ਤੇ ਨਜ਼ਰ ਰੱਖਣ ਵਾਲੀ ਵੈੱਬਸਾਈਟ ਸੈਫਨਿਲਕ ਅਨੁਸਾਰ ਫਿਲਮ ਨੇ ਰਿਲੀਜ਼ ਦੇ ਪਹਿਲੇ ਹਫ਼ਤੇ ਵਿੱਚ ਘਰੇਲੂ ਬਾਕਸ ਆਫਿਸ ’ਤੇ 59 ਕਰੋੜ ਤੋਂ ਜ਼ਿਆਦਾ ਦੀ ਕਮਾਈ ਕੀਤੀ ਹੈ। ਇਸ ਫਿਲਮ ਦਾ ਨਿਰਮਾਣ ਸਟਾਰ ਸਟੂਡੀਓਜ਼ 18 ਵੱਲੋਂ ਕੀਤਾ ਗਿਆ ਹੈ ਜਦੋਂਕਿ ਨਿਰਦੇਸ਼ਨ ਸੁਭਾਸ਼ ਕਪੂਰ ਨੇ ਕੀਤਾ ਹੈ।