ਖ਼ੁਦਕੁਸ਼ੀ ਲਈ ਉਕਸਾਉਣ ਦੇ ਦੋਸ਼ ਹੇਠ ਮਹਿਲਾ ਗ੍ਰਿਫ਼ਤਾਰ
ਪ੍ਰੇਮਿਕਾ ਨਾਲ ਝਗੜੇ ਤੋਂ ਕਥਿਤ ਪ੍ਰੇਸ਼ਾਨ ਹੋ ਕੇ ਵਿਅਕਤੀ ਵੱਲੋਂ ਖ਼ੁਦਕੁਸ਼ੀ ਕਰਨ ਸਬੰਧੀ ਸਤਨਾਮਪੁਰਾ ਪੁਲੀਸ ਨੇ ਮਹਿਲਾ ਖਿਲਾਫ਼ ਧਾਰਾ 108 ਬੀਐਨਐਸ ਤਹਿਤ ਕੇਸ ਦਰਜ ਕਰਕੇ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਐੱਸ.ਪੀ. ਗੁਰਮੀਤ ਕੌਰ ਚਾਹਲ ਨੇ ਦੱਸਿਆ ਕਿ ਪੁਲੀਸ ਨੂੰ ਦਿੱਤੇ ਬਿਆਨਾਂ ’ਚ ਕੁਲਵਿੰਦਰ ਕੌਰ ਪਤਨੀ ਲੇਟ ਅਮਰਜੀਤ ਸਿੰਘ ਵਾਸੀ ਚਾਚੋਕੀ ਨੇ ਦੱਸਿਆ ਕਿ ਉਸ ਦਾ ਲੜਕਾ ਅਵਤਾਰ ਸਿੰਘ ਸੁਮਨ ਕੁਮਾਰੀ ਪਤਨੀ ਦਿਨੇਸ਼ ਕੁਕਰੇਜਾ ਵਾਸੀ ਗਾਬਾ ਕਾਲੋਨੀ ਆਦਰਸ਼ ਨਗਰ ਦੀ ਸ਼ਗੁਨ ਇੰਟਰਪ੍ਰਾਇਜਿਜ਼ ਕੰਪਨੀ ਜਲੰਧਰ ਵਿੱਚ ਨੌਕਰੀ ਕਰਦਾ ਸੀ ਜਿੱਥੇ ਉਸਦੇ ਲੜਕੇ ਦੇ ਸੁਮਨ ਕੁਮਾਰੀ ਨਾਲ ਸਬੰਧ ਬਣ ਗਏ ਅਤੇ ਇਹ ਦੋਵੇਂ ਜਣੇ ਇਕੱਠੇ ਰਹਿਣ ਲੱਗ ਪਏ। ਵਿਆਹੀ ਹੋਣ ਦੇ ਬਾਵਜੂਦ ਸੁਮਨ ਕੁਮਾਰੀ ਉਸ ’ਤੇ ਵਿਆਹ ਕਰਵਾਉਣ ਲਈ ਜ਼ੋਰ ਪਾਉਂਦੀ ਸੀ। 31 ਅਗਸਤ ਨੂੰ ਉਸ ਦਾ ਲੜਕਾ ਸੁਮਨ ਕੁਮਾਰੀ ਦੇ ਘਰ ਉਸ ਦੀ ਲੜਕੀ ਦੇ ਜਨਮ ਦਿਨ ਦੀ ਪਾਰਟੀ ’ਚ ਗਿਆ ਸੀ ਜਿੱਥੇ ਇਨ੍ਹਾਂ ਦਾ ਝਗੜਾ ਹੋ ਗਿਆ ਜਿਸ ਤੋਂ ਦੁਖੀ ਹੋ ਕੇ ਅਵਤਾਰ ਸਿੰਘ ਵੱਲੋਂ ਪੱਖੇ ਨਾਲ ਫ਼ਾਹਾ ਲੈ ਕੇ ਆਤਮ ਹੱਤਿਆ ਕਰ ਲਈ। ਜਿਸ ਸਬੰਧ ’ਚ ਪੁਲੀਸ ਨੇ ਸੁਮਨ ਕੁਮਾਰੀ ਵਾਸੀ ਗਾਬਾ ਕਾਲੋਨੀ ਆਦਰਸ਼ ਨਗਰ ਖਿਲਾਫ਼ ਕੇਸ ਦਰਜ ਕੀਤਾ ਹੈ।
