ਬਿਜਲੀ ਚੋਰੀ ਕਰਨ ਦੇ ਦੋਸ਼ ਹੇਠ ਸਾਢੇ ਨੌਂ ਲੱਖ ਰੁਪਏ ਜੁਰਮਾਨਾ

ਪੱਤਰ ਪ੍ਰੇਰਕ ਜਲੰਧਰ, 13 ਜੂਨ ਪਿਛਲੇ ਦਿਨੀਂ ਆਦਮਪੁਰ ਏਰੀਏ ਅੰਦਰ ਇਨਫੋਰਸਮੈਂਟ ਜਲੰਧਰ ਦੀ ਸਕੁਐਡ-3 ਵਲੋਂ ਕੀਤੀ ਗਈ ਅਚਨਚੇਤ ਛਾਪੇਮਾਰੀ ਦੌਰਾਨ ਇੱਕ ਫਾਸਟ-ਫੂਡ ਰੈਸਟੋਰੈਂਟ ਨੂੰ ਮੀਟਰ ਨਾਲ ਛੇੜ-ਛਾੜ ਕਰਕੇ ਬਿਜਲੀ ਚੋਰੀ ਕਰਦੇ ਫੜਿਆ ਗਿਆ। ਇਸ ਰੈਸਟੋਰੈਂਟ ਵਲੋਂ 32 ਕਿਲੋ ਵਾਟ ਦਾ...

sukhitribune

03:01 AM Jun 14, 2025 IST

ਪੱਤਰ ਪ੍ਰੇਰਕ

ਜਲੰਧਰ, 13 ਜੂਨ

ਪਿਛਲੇ ਦਿਨੀਂ ਆਦਮਪੁਰ ਏਰੀਏ ਅੰਦਰ ਇਨਫੋਰਸਮੈਂਟ ਜਲੰਧਰ ਦੀ ਸਕੁਐਡ-3 ਵਲੋਂ ਕੀਤੀ ਗਈ ਅਚਨਚੇਤ ਛਾਪੇਮਾਰੀ ਦੌਰਾਨ ਇੱਕ ਫਾਸਟ-ਫੂਡ ਰੈਸਟੋਰੈਂਟ ਨੂੰ ਮੀਟਰ ਨਾਲ ਛੇੜ-ਛਾੜ ਕਰਕੇ ਬਿਜਲੀ ਚੋਰੀ ਕਰਦੇ ਫੜਿਆ ਗਿਆ। ਇਸ ਰੈਸਟੋਰੈਂਟ ਵਲੋਂ 32 ਕਿਲੋ ਵਾਟ ਦਾ ਵਪਾਰਕ ਕੈਟਾਗਰੀ ਅਧੀਨ ਕੁਨੈਕਸ਼ਨ ਲਿਆ ਪਾਇਆ ਗਿਆ ਅਤੇ ਖਪਤਕਾਰ ਦੇ ਅਹਾਤੇ ਉਪਰ ਐਲ.ਟੀ/ਸੀ.ਟੀ ਮੀਟਰ ਲੱਗਿਆ ਪਾਇਆ ਗਿਆ। ਬਿਜਲੀ ਮੀਟਰ ਦੀ ਚੈਕਿੰਗ ਦੌਰਾਨ ਮੀਟਰ ਉਪਰ ਦੋ ਨੰਬਰ ਫੇਜ਼ਾਂ ਦਾ ਕਰੰਟ ਮੀਟਰ ਉਪਰ ਜ਼ੀਰੋ ਰਿਕਾਰਡ ਹੁੰਦਾ ਪਾਇਆ ਗਿਆ ਜਦ ਕਿ ਇਹਨਾਂ ਦੋਵਾਂ ਫੇਜ਼ਾਂ ਉਪਰ ਖਪਤਕਾਰ ਦਾ ਲੋਡ ਚੱਲ ਰਿਹਾ ਸੀ ਅਤੇ ਕਲੈਂਪ ਮੀਟਰ ਨਾਲ ਚੈੱਕ ਕਰਨ ’ਤੇ ਲਗਪਗ 10 ਐਂਪੀਅਰ ਕਰੰਟ ਚਲਦਾ ਪਾਇਆ ਗਿਆ। ਇਸ ਦੌਰਾਨ ਖਪਤਕਾਰ ਦੇ ਰੈਸਟੋਰੈਂਟ ਦਾ 24.69 ਕਿ.ਵਾ ਲੋਡ ਚਲਦਾ ਪਾਇਆ ਗਿਆ। ਇਸ ਗਲਤੀ ਲਈ 7.82 ਲੱਖ ਰੁਪਏ ਬਿਜਲੀ ਚੋਰੀ ਜੁਰਮਾਨਾ ਕੀਤਾ ਅਤੇ 1,60,000/- ਰੁਪਏ ਕੰਪਾਉਂਡਿੰਗ ਚਾਰਜਿਜ਼ ਵਜੋਂ ਚਾਰਜ ਕਰਦੇ ਹੋਏ ਕੁੱਲ 9.42 ਲੱਖ ਰੁਪਏ ਜੁਰਮਾਨਾ ਲਾਇਆ ਗਿਆ।

‘ਪੰਜਾਬੀ ਟ੍ਰਿਬਿਊਨ’ ਪੰਜਾਬ ਦਾ ਮਿਆਰੀ ਅਖ਼ਬਾਰ ਅਤੇ ਟ੍ਰਿਬਿਊਨ ਟਰੱਸਟ ਦਾ ਇੱਕ ਅਹਿਮ ਪ੍ਰਕਾਸ਼ਨ ਹੈ। ਟ੍ਰਿਬਿਊਨ ਅਖ਼ਬਾਰ ਸਮੂਹ ਦਾ ਬੂਟਾ ਪੰਜਾਬ ਤੇ ਭਾਰਤ ਦੇ ਮਹਾਨ ਸਪੂਤ ਸਰਦਾਰ ਦਿਆਲ ਸਿੰਘ ਮਜੀਠੀਆ ਨੇ 2 ਫਰਵਰੀ 1881 ਨੂੰ ਲਾਹੌਰ ਵਿੱਚ ਅੰਗਰੇਜ਼ੀ ਅਖ਼ਬਾਰ ‘ਦਿ ਟ੍ਰਿਬਿਊਨ’ ਆਰੰਭ ਕਰਕੇ ਲਾਇਆ ਸੀ।

‘ਪੰਜਾਬੀ ਟ੍ਰਿਬਿਊਨ’ ਦੀ ਪ੍ਰਕਾਸ਼ਨਾ 15 ਅਗਸਤ 1978 ਤੋਂ ਸ਼ੁਰੂ ਹੋਈ ਸੀ ਅਤੇ ਇਸ ਨੂੰ ਨਿੱਗਰ ਤੇ ਨਿਰਪੱਖ ਸੋਚ ਦਾ ਪਹਿਰੇਦਾਰ ਮੰਨਿਆ ਜਾਂਦਾ ਹੈ। ਸਨਸਨੀਖੇਜ਼ ਭਾਸ਼ਾ ਤੇ ਵਿਚਾਰਾਂ ਤੋਂ ਗੁਰੇਜ਼ ਕਰਨਾ ਅਤੇ ਲੋਕਾਂ ਨੂੰ ਦਰਪੇਸ਼ ਮੁਸ਼ਕਲਾਂ ਤੇ ਸਮੱਸਿਆਵਾਂ ਨੂੰ ਸੁਚਾਰੂ ਢੰਗ ਨਾਲ ਅੱਗੇ ਲਿਆਉਣਾ ‘ਪੰਜਾਬੀ ਟ੍ਰਿਬਿਊਨ’ ਦਾ ਅਕੀਦਾ ਰਿਹਾ ਹੈ।

‘ਪੰਜਾਬੀ ਟ੍ਰਿਬਿਊਨ’ ਦੀ ਪ੍ਰਕਾਸ਼ਨਾ ਨਾਲ ਨਵੀਂ ਤਰਜ਼ ਵਾਲੀ ਪੰਜਾਬੀ ਪੱਤਰਕਾਰੀ ਦੀ ਸ਼ੁਰੂਆਤ ਹੋਈ ਸੀ। ਸਮੇਂ ਨਾਲ ਬਹੁਤ ਕੁਝ ਬਦਲ ਗਿਆ ਹੈ ਪਰ ਟ੍ਰਿਬਿਊਨ ਸਮੂਹ ਵੱਲੋਂ ਪੱਤਰਕਾਰੀ ਵਿੱਚ ਸੰਦਲੀ ਪੈੜਾਂ ਪਾਉਣ ਦੀ ਪਿਰਤ ਜਿਉਂ ਦੀ ਤਿਉਂ ਕਾਇਮ ਹੈ।.

Designed and developed by :

Related News