ਸਕੂਲਾਂ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ ਅਫ਼ਵਾਹ ਨਿਕਲੀ

ਕੌਮੀ ਰਾਜਧਾਨੀ ਵਿੱਚ ਅੱਜ ਸਵੇਰੇ ਇੱਕ ਵਾਰ ਫਿਰ ਉਸ ਸਮੇਂ ਹਫੜਾ-ਦਫੜੀ ਮਚ ਗਈ ਜਦੋਂ ਚਾਰ ਸਕੂਲਾਂ ਨੂੰ ਈ-ਮੇਲ ਰਾਹੀਂ ਬੰਬ ਨਾਲ ਉਡਾਉਣ ਦੀ ਧਮਕੀ ਮਿਲੀ। ਦਿੱਲੀ ਫਾਇਰ ਸਰਵਿਸ (ਡੀ.ਐੱਫ.ਐੱਸ.) ਦੇ ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਧਮਕੀਆਂ ਮਿਲਣ ਤੋਂ ਤੁਰੰਤ ਬਾਅਦ...

PTI

ਨਵੀਂ ਦਿੱਲੀ, 04:39 AM Oct 25, 2025 IST

ਕੌਮੀ ਰਾਜਧਾਨੀ ਵਿੱਚ ਅੱਜ ਸਵੇਰੇ ਇੱਕ ਵਾਰ ਫਿਰ ਉਸ ਸਮੇਂ ਹਫੜਾ-ਦਫੜੀ ਮਚ ਗਈ ਜਦੋਂ ਚਾਰ ਸਕੂਲਾਂ ਨੂੰ ਈ-ਮੇਲ ਰਾਹੀਂ ਬੰਬ ਨਾਲ ਉਡਾਉਣ ਦੀ ਧਮਕੀ ਮਿਲੀ। ਦਿੱਲੀ ਫਾਇਰ ਸਰਵਿਸ (ਡੀ.ਐੱਫ.ਐੱਸ.) ਦੇ ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਧਮਕੀਆਂ ਮਿਲਣ ਤੋਂ ਤੁਰੰਤ ਬਾਅਦ ਅਧਿਕਾਰੀਆਂ ਨੇ ਸਕੂਲਾਂ ਨੂੰ ਖਾਲੀ ਕਰਵਾ ਲਿਆ ਅਤੇ ਪੂਰੀ ਤਰ੍ਹਾਂ ਜਾਂਚ-ਪੜਤਾਲ ਕੀਤੀ, ਪਰ ਇਹ ਸਾਰੀਆਂ ਧਮਕੀਆਂ ਅਫਵਾਹ ਸਾਬਤ ਹੋਈਆਂ। ਫਾਇਰ ਵਿਭਾਗ ਅਨੁਸਾਰ ਪਹਿਲੀ ਕਾਲ ਸਵੇਰੇ 8:15 ਵਜੇ ਦਵਾਰਕਾ ਦੇ ਸੈਕਟਰ-16 ਸਥਿਤ ਸੀ.ਆਰ.ਪੀ.ਐੱਫ. ਸਕੂਲ ਤੋਂ ਮਿਲੀ, ਜਿਸ ਤੋਂ ਬਾਅਦ 8:20 ਵਜੇ ਨਾਂਗਲੋਈ ਦੇ ਸੰਤ ਦਰਸ਼ਨ ਪਬਲਿਕ ਸਕੂਲ ਤੋਂ ਧਮਕੀ ਦੀ ਸੂਚਨਾ ਆਈ। ਤੀਜੀ ਧਮਕੀ ਸਵੇਰੇ 8:51 ਵਜੇ ਦੇ ਕਰੀਬ ਗੋਇਲਾ ਡੇਅਰੀ ਇਲਾਕੇ ਦੇ ਸ਼ਾਂਤੀ ਗਿਆਨ ਨਿਕੇਤਨ ਸਕੂਲ ਨੂੰ ਮਿਲੀ ਅਤੇ ਚੌਥੀ ਧਮਕੀ ਸਵੇਰੇ 10:33 ਵਜੇ ਪ੍ਰਸਾਦ ਨਗਰ ਦੇ ਆਂਧਰਾ ਸਕੂਲ ਨੂੰ ਦਿੱਤੀ ਗਈ।