ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ’ਤੇ ਟਰਮੀਨਲ 2ਦਾ ਉਦਘਾਟਨ 

ਸ਼ਹਿਰੀ ਹਵਾਬਾਜ਼ੀ ਮੰਤਰੀ ਕੇ ਰਾਮਮੋਹਨ ਨਾਇਡੂ ਨੇ 25 ਅਕਤੂਬਰ ਨੂੰ ਦਿੱਲੀ ਦੇ ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਨਵੀਨੀਕਰਨ ਕੀਤੇ ਟਰਮੀਨਲ 2ਦਾ ਉਦਘਾਟਨ ਕੀਤਾ ਜੋ ਐਤਵਾਰ (26 ਅਕਤੂਬਰ) ਤੋਂ ਕਾਰਜਸ਼ੀਲ ਹੋ ਜਾਵੇਗਾ।

ਮੂਲ ਰੂਪ ਵਿੱਚ ਏਅਰਪੋਰਟ ਅਥਾਰਟੀ ਆਫ਼ ਇੰਡੀਆ (ਏਏਆਈ) ਵੱਲੋਂ ਲਗਭਗ ਚਾਰ ਦਹਾਕੇ ਪਹਿਲਾਂ ਬਣਾਇਆ ਗਿਆ, ਟੀ2 ਨੂੰ ਇਸ ਸਾਲ ਅਪਰੈਲ ਵਿੱਚ ਵਿਆਪਕ ਮੁਰੰਮਤ ਕਾਰਜਾਂ ਲਈ ਅਸਥਾਈ ਤੌਰ 'ਤੇ ਬੰਦ ਕਰ ਦਿੱਤਾ ਗਿਆ ਸੀ। ਅੱਪਗ੍ਰੇਡ ਕੀਤੇ ਟਰਮੀਨਲ ਵਿੱਚ ਹੁਣ 15 ਮਿਲੀਅਨ ਯਾਤਰੀਆਂ ਦੀ ਸਾਲਾਨਾ ਸਮਰੱਥਾ ਹੈ ਜਿਸ ਨਾਲ ਹਵਾਈ ਅੱਡੇ ਦੀ ਸਮੁੱਚੀ ਕੁਸ਼ਲਤਾ ਅਤੇ ਆਰਾਮ ਦੇ ਪੱਧਰ ਵਿੱਚ ਵਾਧਾ ਹੋਇਆ ਹੈ। ਭਾਰਤ ਦਾ ਇਸ ਸਭ ਤੋਂ ਵੱਡਾ ਹਵਾਈ ਅੱਡੇ  ਵਿੱਚ ਤਿੰਨ ਟਰਮੀਨਲ (ਟੀ1, ਟੀ2 ਅਤੇ ਟੀ3) ਅਤੇ ਚਾਰ ਰਨਵੇ ਹਨ ਜੋ ਰੋਜ਼ਾਨਾ 1,300 ਤੋਂ ਵੱਧ ਉਡਾਣਾਂ ਦੀ ਆਵਾਜਾਈ ਦਾ ਪ੍ਰਬੰਧਨ ਕਰਦੇ ਹਨ।

ਉਦਘਾਟਨ ਸਮਾਰੋਹ ਵਿੱਚ ਬੋਲਦੇ ਹੋਏ ਦਿੱਲੀ ਇੰਟਰਨੈਸ਼ਨਲ ਏਅਰਪੋਰਟ ਲਿਮਟਿਡ (ਡਾਇਲ)ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਵਿਦੇਹ ਕੁਮਾਰ ਜੈਪੁਰੀਅਰ ਨੇ ਕਿਹਾ ਕਿ ਹਵਾਈ ਅੱਡੇ ਦੀ ਕੁੱਲ ਸਾਲਾਨਾ ਯਾਤਰੀ ਸੰਭਾਲਣ ਦੀ ਸਮਰੱਥਾ ਹੁਣ 100 ਮਿਲੀਅਨ ਤੋਂ ਵੱਧ ਹੈ। ਡਾਇਲ, ਜੀਐੱਮਆਰ ਗਰੁੱਪ ਦੀ ਅਗਵਾਈ ਵਾਲਾ ਇੱਕ ਸੰਗਠਨ ਇੱਕ ਜਨਤਕ-ਨਿੱਜੀ ਭਾਈਵਾਲੀ ਮਾਡਲ ਦੇ ਤਹਿਤ ਹਵਾਈ ਦਾ ਸੰਚਾਲਨ ਅਤੇ ਪ੍ਰਬੰਧਨ ਕਰਦਾ ਹੈ।

20 ਮਾਰਚ ਨੂੰ ਡਾਇਲ ਨੇ ਐਲਾਨ ਕੀਤਾ ਕਿ ਫੈਲਾਇਆ ਗਿਆ ਟਰਮੀਨਲ 1 ਹੁਣ ਸਾਲਾਨਾ 40 ਮਿਲੀਅਨ ਯਾਤਰੀਆਂ ਨੂੰ ਸੰਭਾਲ ਸਕਦਾ ਹੈ, ਜਦੋਂ ਕਿ ਟਰਮੀਨਲ 3 ਹਰ ਸਾਲ 45 ਮਿਲੀਅਨ ਯਾਤਰੀਆਂ ਨੂੰ ਸੰਭਾਲਣ ਲਈ ਤਿਆਰ ਹੈ।