Supreme Court ਵਿਸਤਾਰ ਪ੍ਰੋਜੈਕਟ ’ਚ ਬੂਟੇ ਲਾਉਣ ਬਾਰੇ ਪਟੀਸ਼ਨ 'ਤੇ High Court ਦਾ ਨੋਟਿਸ

ਸੁਪਰੀਮ ਕੋਰਟ ਦੇ ਅਹਾਤੇ ਅੰਦਰ 26 ਬੂਟੇ ਲਾਉਣ ਬਾਰੇ ਦਖਲਅੰਦਾਜ਼ੀ ਪਟੀਸ਼ਨ ’ਤੇ ਹਾਈ ਕੋਰਟ ਨੇ ਕੀਤੀ ਕਾਰਵਾਈ

ਨਵੀਂ ਦਿੱਲੀ, 25 ਜਨਵਰੀ

ਦਿੱਲੀ ਹਾਈ ਕੋਰਟ (Delhi High Court) ਨੇ ਸੁਪਰੀਮ ਕੋਰਟ (Supreme Court of India) ਦੇ ਅਹਾਤੇ ਦੇ ਅੰਦਰ 26 ਬੂਟੇ ਲਾਉਣ ਦੀ ਇਜਾਜ਼ਤ ਦੀ ਮੰਗ ਕਰਦੀ ਇੱਕ ਦਖਲਅੰਦਾਜ਼ੀ ਅਰਜ਼ੀ (Intervention Application - IA) ਤਹਿਤ ਨੋਟਿਸ ਜਾਰੀ ਕੀਤਾ ਹੈ। ਇਹ ਬੂਟੇ/ਰੁੱਖ ਸੁਪਰੀਮ ਕੋਰਟ ਦੀ ਇਮਾਰਤ ਦਾ ਵਿਸਤਾਰ ਕਰਨ ਦੇ ਚੱਲ ਰਹੇ ਪ੍ਰੋਜੈਕਟ ਦਾ ਹਿੱਸਾ ਹਨ, ਜਿਸ ਦਾ ਮਕਸਦ ਸੰਵਿਧਾਨਕ ਅਦਾਲਤ ਸਮੇਤ ਵਾਧੂ ਅਦਾਲਤਾਂ ਬਣਾਉਣ ਦੇ ਨਾਲ-ਨਾਲ ਜੱਜਾਂ ਲਈ ਨਵੇਂ ਚੈਂਬਰ ਅਤੇ ਵਕੀਲਾਂ ਅਤੇ ਮੁਕੱਦਮੇਬਾਜ਼ਾਂ ਲਈ ਵਧੀਆਂ ਸਹੂਲਤਾਂ ਦੇਣਾ ਹੈ।

ਜਸਟਿਸ ਜਸਮੀਤ ਸਿੰਘ (Justice Jasmeet Singh) ਦੇ ਬੈਂਚ ਨੇ ਦਿੱਲੀ ਹਾਈ ਕੋਰਟ ਦੇ ਸਾਹਮਣੇ ਜ਼ੇਰੇ-ਗ਼ੌਰ ਭਵਰੀਨ ਕੰਧਾਰੀ ਬਨਾਮ ਸੀ.ਡੀ. ਸਿੰਘ ਅਤੇ ਹੋਰ (Bhavreen Kandhari vs. C.D. Singh & Ors.) ਮਾਮਲੇ ਵਿੱਚ ਉੱਤਰਦਾਤਾਵਾਂ ਦੀ ਨਵੀਂ ਦਖਲਅੰਦਾਜ਼ੀ ਅਰਜ਼ੀ ਵਿੱਚ ਜਵਾਬ ਮੰਗੇ। ਇਸ ਮਾਮਲੇ ਦੀ ਅਗਲੀ ਸੁਣਵਾਈ 31 ਜਨਵਰੀ ਨੂੰ ਤੈਅ ਕੀਤੀ ਗਈ ਹੈ।

ਐਡਵੋਕੇਟ ਸੁਧੀਰ ਮਿਸ਼ਰਾ ਵੱਲੋਂ ਦਾਇਰ ਕੀਤੀ ਗਈ ਦਖਲਅੰਦਾਜ਼ੀ ਅਰਜ਼ੀ (IA) ਵਿਚ ਦਲੀਲ ਦਿੱਤੀ ਗਈ ਹੈ ਕਿ ਲੇਆਊਟ ਯੋਜਨਾ ਦੀ ਨਿਸ਼ਾਨਦੇਹੀ ਦੌਰਾਨ ਇਹ ਪਾਇਆ ਗਿਆ ਕਿ ਪ੍ਰਸਤਾਵਿਤ ਵਿਸਤਾਰ ਖੇਤਰ ਜੋ ਕਿ ਲਗਭਗ 2.03 ਏਕੜ ਹੈ, ਦੀ ਇਮਾਰਤ ਅਤੇ ਖੁਦਾਈ ਲਾਈਨਾਂ ਦੇ ਅੰਦਰ ਲਗਭਗ 61 ਰੁੱਖ ਡਿੱਗ ਗਏ ਹਨ। ਇਸ ਦੇ ਵਾਤਾਵਰਨ ’ਤੇ ਪ੍ਰਭਾਵ ਨੂੰ ਘੱਟ ਕਰਨ ਦੇ ਮਕਸਦ ਨਾਲ ਲਾਏ ਜਾਣ ਵਾਲੇ ਬੂਟਿਆਂ/ਰੁੱਖਾਂ ਦੀ ਗਿਣਤੀ ਘਟਾਉਣ ਦੇ ਯਤਨ ਕੀਤੇ ਗਏ ਹਨ।

ਸ਼ੁਰੂ ਵਿੱਚ ਇਹ ਗਿਣਤੀ 61 ਸੀ, ਜਿਹੜੀ ਘਟਾ ਕੇ 47 ਕਰ ਦਿੱਤੀ ਗਈ ਸੀ ਅਤੇ ਅਖ਼ੀਰ ਵਿਚ ਅੰਤਿਮ ਗਿਣਤੀ ਨੂੰ 26 ਕਰ ਦਿੱਤਾ ਗਿਆ, ਜਦੋਂ ਕਿ 35 ਰੁੱਖਾਂ ਨੂੰ ਸਫਲਤਾਪੂਰਵਕ ਸੰਭਾਲ ਲਿਆ ਗਿਆ।

ਐਡਵੋਕੇਟ ਸੁਧੀਰ ਮਿਸ਼ਰਾ ਨੇ ਇਸ ਗੱਲ 'ਤੇ ਜ਼ੋਰ ਦਿੱਤਾ ਕਿ ਇਸ ਦੌਰਾਨ 675 ਸੈਂਟੀਮੀਟਰ ਦੇ ਘੇਰੇ ਵਾਲੇ ਇੱਕ ਮਹੱਤਵਪੂਰਨ ਪੁਰਾਣੇ ਬੋਹੜ ਦੇ ਰੁੱਖ ਨੂੰ ਬਚਾਉਣ ਲਈ ਵਿਸ਼ੇਸ਼ ਯਤਨ ਕੀਤੇ ਗਏ ਸਨ, ਜੋ ਅਸਲ ਵਿੱਚ ਇਮਾਰਤ ਦੀ ਬੇਸਮੈਂਟ ਯੋਜਨਾ ਵਿੱਚ ਸੀ। ਇਸ ਰੁੱਖ ਨੂੰ ਬਰਕਰਾਰ ਰੱਖਣ ਲਈ, ਬੇਸਮੈਂਟ ਲੇਆਉਟ, ਰੈਂਪ ਪਲੇਸਮੈਂਟ ਅਤੇ ਅੰਦਰੂਨੀ ਸੜਕ ਡਿਜ਼ਾਈਨ ਨੂੰ ਬਦਲਿਆ ਗਿਆ ਸੀ। ਏਐਨਆਈ

supreme court, tree transplantation, Delhi HC, notice, plea