ਮਤਰੇਈ ਮਾਂ ਨੂੰ ਭਾਰਤੀ ਹਵਾਈ ਫੌਜ ਦੇ ਨਿਯਮਾਂ ਤਹਿਤ ਪਰਿਵਾਰਕ ਪੈਨਸ਼ਨ ਨਹੀਂ ਦਿੱਤੀ ਜਾ ਸਕਦੀ: ਕੇਂਦਰ

Stepmother can't be given family pension under IAF rules: Centre to SC ਕੇਂਦਰ ਨੇ ਅੱਜ ਸੁਪਰੀਮ ਕੋਰਟ ਨੂੰ ਸੂਚਿਤ ਕੀਤਾ ਕਿ ਇੱਕ ਮਤਰੇਈ ਮਾਂ ਨੂੰ ਭਾਰਤੀ ਹਵਾਈ ਸੈਨਾ ਦੇ ਨਿਯਮਾਂ ਅਧੀਨ ਪਰਿਵਾਰਕ ਪੈਨਸ਼ਨ ਲਈ ਵਿਚਾਰਿਆ ਨਹੀਂ ਜਾ ਸਕਦਾ ਹੈ ਕਿਉਂਕਿ ਪੈਨਸ਼ਨ ਇਨਾਮ ਨਹੀਂ ਹੈ ਅਤੇ ਮਤਰੇਈ ਮਾਂ ਦਾ ਦਰਜਾ ਕਾਨੂੰਨੀ ਅਤੇ ਕੁਦਰਤੀ ਮਾਂ ਤੋਂ ਵੱਖਰਾ ਹੈ।

ਕੇਂਦਰ ਨੇ ਜਸਟਿਸ ਸੂਰਿਆ ਕਾਂਤ, ਉੱਜਲ ਭੂਈਆਂ ਅਤੇ ਐਨ. ਕੋਟੀਸ਼ਵਰ ਸਿੰਘ ਦੇ ਬੈਂਚ ਸਾਹਮਣੇ ਪੱਖ ਰੱਖਦਿਆਂ ਰੱਖ-ਰਖਾਅ ਅਤੇ ਹੋਰ ਭਲਾਈ ਲਾਭਾਂ ਨਾਲ ਸਬੰਧਤ ਸਿਖਰਲੀ ਅਦਾਲਤ ਦੇ ਵੱਖ-ਵੱਖ ਫੈਸਲਿਆਂ ਦਾ ਹਵਾਲਾ ਦਿੱਤਾ। ਕੇਂਦਰ ਨੇ ਇਹ ਜਾਣਕਾਰੀ ਜੈ ਸ਼੍ਰੀ ਵਾਈ ਜੋਗੀ ਨੂੰ ਵਿਸ਼ੇਸ਼ ਪਰਿਵਾਰਕ ਪੈਨਸ਼ਨ ਦੇਣ ਤੋਂ ਇਨਕਾਰ ਕਰਨ ਵਾਲੇ ਆਰਮਡ ਫੋਰਸਿਜ਼ ਟ੍ਰਿਬਿਊਨਲ ਦੇ ਆਦੇਸ਼ ਨੂੰ ਚੁਣੌਤੀ ਦੇਣ ਵਾਲੀ ਪਟੀਸ਼ਨ ਦੇ ਸਬੰਧ ਵਿਚ ਦਿੱਤੀ।

ਭਾਰਤੀ ਹਵਾਈ ਫੌਜ ਵਿਚ ਏਅਰਮੈਨ ਵਜੋਂ ਕੰਮ ਕਰਦੇ ਵਿਅਕਤੀ ਦੀ ਮੌਤ ਹੋ ਗਈ ਸੀ ਤੇ ਉਸ ਦੀ ਮਾਂ ਦਾ ਪਹਿਲਾਂ ਹੀ ਦੇਹਾਂਤ ਹੋ ਚੁੱਕਿਆ ਸੀ ਤੇ ਉਸ ਦੇ ਪਿਤਾ ਨੇ ਦੂਜਾ ਵਿਆਹ ਕਰਵਾ ਰਿਹਾ। ਉਸ ਵੇਲੇ ਉਹ ਛੇ ਸਾਲਾਂ ਦਾ ਸੀ ਤਾਂ ਉਸ ਨੂੰ ਜੋਗੀ ਨੇ ਪਾਲਿਆ। ਉਸ ਦੀ ਮੌਤ ਹੋਣ ਤੋਂ ਬਾਅਦ ਜੋਗੀ ਨੇ ਪਰਿਵਾਰਕ ਪੈਨਸ਼ਨ ਹਾਸਲ ਕਰਨ ਲਈ ਦਾਅਵਾ ਪੇਸ਼ ਕੀਤਾ ਪਰ ਕੇਂਦਰ ਨੇ ਸੁਪਰੀਮ ਕੋਰਟ ਵਿਚ ਆਪਣਾ ਪੱਖ ਰੱਖਦਿਆਂ ਕਿਹਾ ਕਿ ਮਤਰੇਈ ਮਾਂ ਪਰਿਵਾਰਕ ਪੈਨਸ਼ਨ ਲੈਣ ਦੀ ਹੱਕਦਾਰ ਨਹੀਂ ਹੈ।