Portfolios alloted ਮੁੱਖ ਮੰਤਰੀ ਰੇਖਾ ਗੁਪਤਾ ਤੇ ਕੈਬਨਿਟ ਨੂੰ ਵਿਭਾਗਾਂ ਦੀ ਵੰਡ

ਪੰਜਾਬੀ ਟ੍ਰਿਬਿਊਨ ਵੈੱਬ ਡੈਸਕ

ਨਵੀਂ ਦਿੱਲੀ, 20 ਫਰਵਰੀ

ਮੁੱਖ ਮੰਤਰੀ ਰੇਖਾ ਗੁਪਤਾ ਦੀ ਅਗਵਾਈ ਵਾਲੀ ਕੈਬਨਿਟ ਨੂੰ ਪੋਰਟਫੋਲੀਓਜ਼ ਦੀ ਵੰਡ ਕਰ ਦਿੱਤੀ ਗਈ ਹੈ। ਮੁੱਖ ਮੰਤਰੀ ਰੇਖਾ ਗੁਪਤਾ ਨੇ ਫਾਇਨਾਂਸ, ਪਲਾਨਿੰਗ, ਸਰਵਸਿਜ਼, ਰੈਵੇਨਿਊ, ਲੈਂਡ ਤੇ ਬਿਲਡਿੰਗ, ਵਿਜੀਲੈਂਸ ਆਦਿ ਮਹਿਕਮੇ ਆਪਣੇ ਕੋਲ ਰੱਖੇ ਹਨ।

ਰਾਜੌਰੀ ਗਾਰਡਨ ਤੋਂ ਵਿਧਾਇਕ ਮਨਜਿੰਦਰ ਸਿੰਘ ਸਿਰਸਾ ਨੂੰ ਫੂਡ ਤੇੇ ਸਪਲਾਈ, ਜੰਗਲਾਤ ਤੇ ਵਾਤਾਵਰਨ ਤੇ ਇੰਡਸਟਰੀਜ਼ ਮੰਤਰਾਲੇ ਦਿੱਤੇ ਗਏ ਹਨ।

ਨਵੀਂ ਦਿੱਲੀ ਹਲਕੇ ਤੋਂ ਵਿਧਾਇਕ ਪਰਵੇਸ਼ ਸਾਹਿਬ ਸਿੰਘ ਵਰਮਾ ਨੂੰ ਪੀਡਬਲਿਊਡੀ, ਵਿਧਾਨਕ ਮਾਮਲੇ, ਆਈਐਂਡਐੱਫਸੀ, ਜਲ ਤੇ ਗੁਰਦੁਆਰਾ ਚੋਣਾਂ ਜਦੋਂਕਿ ਆਸ਼ੀਸ਼ ਸੂਦ ਨੂੰ ਗ੍ਰਹਿ, ਬਿਜਲੀ, ਯੂਡੀ, ਸਿੱਖਿਆ, ਉੱਚ ਸਿੱਖਿਆ, ਟਰੇਨਿੰਗ ਤੇ ਤਕਨੀਕੀ ਸਿੱਖਿਆ ਮਹਿਕਮਿਆਂ ਦੀ ਕਮਾਨ ਸੌਂਪੀ ਗਈ ਹੈ।

ਰਵਿੰਦਰ ਸਿੰਘ ਇੰਦਰਾਜ ਨੂੰ ਕਾਨੂੰਨ ਤੇ ਨਿਆਂ, ਲੇਬਰ ਵਿਭਾਗ, ਰੁਜ਼ਗਾਰ ਵਿਭਾਗ, ਡਿਵੈਲਪਮੈਂਟ, ਆਰਟ ਐਂਡ ਕਲਚਰ, ਭਾਸ਼ਾ ਵਿਭਾਗ ਤੇ ਸੈਰਸਪਾਟਾ ਵਿਭਾਗ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ।

ਡਾ.ਪੰਕਜ ਕੁਮਾਰ ਸਿੰਘ ਨੂੰ ਸਿਹਤ ਤੇ ਪਰਿਵਾਰ ਭਲਾਈ, ਟਰਾਂਸਪੋਰਟ ਤੇ ਸੂਚਨਾ ਤਕਨਾਲੋਜੀ ਵਿਭਾਗ ਮਿਲੇ ਹਨ।