ਈਡੀ ਵੱਲੋਂ Myntra ਖ਼ਿਲਾਫ਼ 1,654 ਕਰੋੜ ਦੀ FDI ਦੀ 'ਉਲੰਘਣਾ' ਦੇ ਦੋਸ਼ ਹੇਠ ਕੇਸ ਦਰਜ

ਐੱਨਫੋਰਸਮੈਂਟ ਡਾਇਰੈਕਟੋਰੇਟ (ED) ਨੇ ਈ-ਕਾਮਰਸ ਪਲੇਟਫਾਰਮ Myntra ਅਤੇ ਇਸ ਨਾਲ ਜੁੜੀਆਂ ਕੰਪਨੀਆਂ ਅਤੇ ਨਿਰਦੇਸ਼ਕਾਂ ਵਿਰੁੱਧ 1,654 ਕਰੋੜ ਰੁਪਏ ਤੋਂ ਵੱਧ ਦੀ FDI ਉਲੰਘਣਾ ਲਈ ਕੇਸ ਦਰਜ ਕੀਤਾ ਹੈ। ਇਹ ਸ਼ਿਕਾਇਤ ਸੰਘੀ ਜਾਂਚ ਏਜੰਸੀ ਦੇ ਬੰਗਲੁਰੂ ਜ਼ੋਨਲ ਦਫਤਰ ਦੁਆਰਾ ਵਿਦੇਸ਼ੀ ਮੁਦਰਾ ਪ੍ਰਬੰਧਨ ਐਕਟ (FEMA) ਦੀ ਇੱਕ ਧਾਰਾ ਦੇ ਤਹਿਤ "ਭਰੋਸੇਯੋਗ ਜਾਣਕਾਰੀ" ਦੇ ਆਧਾਰ 'ਤੇ ਦਰਜ ਕੀਤੀ ਗਈ ਸੀ ਕਿ Myntra ਡਿਜ਼ਾਈਨ ਪ੍ਰਾਈਵੇਟ ਲਿਮਟਿਡ, ਜਿਸਦਾ ਨਾਮ Myntra ਹੈ ਅਤੇ ਇਸ ਦੀਆਂ ਸਬੰਧਤ ਕੰਪਨੀਆਂ ਮਲਟੀ-ਬ੍ਰਾਂਡ ਵਪਾਰ ਕਰ ਰਹੀਆਂ ਹਨ।

ਏਜੰਸੀ ਵੱਲੋਂ ਕਿਹਾ ਗਿਆ ਕਿ ਇਹ ਕਥਿਤ ਤੌਰ 'ਤੇ ਵਿਦੇਸ਼ੀ ਸਿੱਧੇ ਨਿਵੇਸ਼ (FDI) ਦਿਸ਼ਾ-ਨਿਰਦੇਸ਼ਾਂ ਅਤੇ FEMA ਦੇ ਉਪਬੰਧਾਂ ਦੀ ਉਲੰਘਣਾ ਹੈ।

ਦੇਸ਼ ਦੀ ਮੌਜੂਦਾ FDI ਨੀਤੀ ਈ-ਕਾਮਰਸ ਦੇ ਵਸਤੂ-ਅਧਾਰਤ ਮਾਡਲ ਵਿੱਚ FDI ਦੀ ਆਗਿਆ ਨਹੀਂ ਦਿੰਦੀ ਹੈ। ਸਿਰਫ਼ ਉਨ੍ਹਾਂ ਫਰਮਾਂ ਨੁੂੰ ਛੱਡ ਕੇ ਜੋ ਸਿਰਫ਼ 'ਮਾਰਕੀਟਪਲੇਸ ਮਾਡਲ' ਰਾਹੀਂ ਕੰਮ ਕਰ ਰਹੀਆਂ ਹਨ। ਦਾਇਰ ਕੀਤੀ ਗਈ ਸ਼ਿਕਾਇਤ ਵਿੱਚ Myntra ਅਤੇ ਇਸਦੇ ਸਹਿਯੋਗੀਆਂ 'ਤੇ FEMA ਦੀ ਧਾਰਾ 6(3)(B) ਅਤੇ FDI ਦੀਆਂ ਨੀਤੀਆਂ ਦੀ ਉਲੰਘਣਾ ਕਰਨ ਦਾ ਦੋਸ਼ ਲਗਾਇਆ ਗਿਆ ਹੈ। ਇਸ ਕਥਿਤ ਉਲੰਘਣਾ ਦੀ ਕੁੱਲ ਕੀਮਤ 1,654.35 ਕਰੋੜ ਰੁਪਏ ਦੱਸੀ ਗਈ ਹੈ।

ਉੱਧਰ Myntra ਦੇ ਤਰਜਮਾਨ ਨੇ ਕਿਹਾ ਕਿ ਕੰਪਨੀ ਅਧਿਕਾਰੀਆਂ ਨਾਲ ਸਹਿਯੋਗ ਕਰੇਗੀ। ਅਸੀਂ ਦੇਸ਼ ਦੇ ਸਾਰੇ ਲਾਗੂ ਕਾਨੂੰਨਾਂ ਨੂੰ ਕਾਇਮ ਰੱਖਣ ਅਤੇ ਪਾਲਣਾ ਅਤੇ ਇਮਾਨਦਾਰੀ ਦੇ ਉੱਚਤਮ ਮਿਆਰਾਂ ਨਾਲ ਕੰਮ ਕਰਨ ਲਈ ਪੂਰੀ ਤਰ੍ਹਾਂ ਵਚਨਬੱਧ ਹਾਂ। ਹਾਲਾਂਕਿ ਸਾਨੂੰ ਅਧਿਕਾਰੀਆਂ ਦਸਤਾਵੇਜ਼ ਪ੍ਰਾਪਤ ਨਹੀਂ ਹੋਏ ਪਰ ਅਸੀਂ ਹਰ ਸਮੇਂ ਅਧਿਕਾਰੀਆਂ ਨਾਲ ਸਹਿਯੋਗ ਕਰਨ ਲਈ ਪੂਰੀ ਤਰ੍ਹਾਂ ਵਚਨਬੱਧ ਹਾਂ। ਉਸ ਨੇ ਕਿਹਾ ਕਿ ਅਜਿਹਾ ਕਰਕੇ ਅਸੀਂ ਦੇਸ਼ ਭਰ ਵਿੱਚ ਵੱਡੇ ਪੱਧਰ 'ਤੇ ਰੁਜ਼ਗਾਰ ਅਤੇ ਉੱਦਮਤਾ ਦੇ ਮੌਕੇ ਪੈਦਾ ਕੀਤੇ ਹਨ।