ਪੁਤਲਾ ਸਾੜਨ ਨੂੰ ਲੈ ਕੇ ਦੋ ਗੁੱਟਾਂ ਵਿੱਚ ਝੜਪ ਵੱਡੀ ਝੜਪ

ਰਾਵਨ ਦਾ ਪੁਤਲਾ ਸਾੜਨ ਨੂੰ ਲੈ ਕੇ ਜੇਐੱਨਯੂ ਵਿੱਚ ਬੀਤੇ ਦਿਨ ਦੁਸਹਿਰੇ ਦੇ ਜਲੂਸ ਦੌਰਾਨ ਵੱਡੀ ਝੜਪ ਹੋਈ। ਜੇਐੱਨਯੂਐੱਸਯੂ ਦੇ ਪ੍ਰਧਾਨ ਨਿਤੀਸ਼ ਕੁਮਾਰ ਨੇ ਦਾਅਵਾ ਕੀਤਾ ਕਿ ਉਮਰ ਖਾਲਿਦ ਅਤੇ ਸ਼ਰਜੀਲ ਇਮਾਮ ਦੇ ਪੁਤਲੇ ਦਿਖਾਏ ਗਏ 'ਰਾਵਣ ਦਹਿਨ' ਦਾ...

Mandhir Singh Deol

ਨਵੀਂ ਦਿੱਲੀ, 01:07 PM Oct 03, 2025 IST

SS: Vaibhav Meena/X

ਰਾਵਨ ਦਾ ਪੁਤਲਾ ਸਾੜਨ ਨੂੰ ਲੈ ਕੇ ਜੇਐੱਨਯੂ ਵਿੱਚ ਬੀਤੇ ਦਿਨ ਦੁਸਹਿਰੇ ਦੇ ਜਲੂਸ ਦੌਰਾਨ ਵੱਡੀ ਝੜਪ ਹੋਈ। ਜੇਐੱਨਯੂਐੱਸਯੂ ਦੇ ਪ੍ਰਧਾਨ ਨਿਤੀਸ਼ ਕੁਮਾਰ ਨੇ ਦਾਅਵਾ ਕੀਤਾ ਕਿ ਉਮਰ ਖਾਲਿਦ ਅਤੇ ਸ਼ਰਜੀਲ ਇਮਾਮ ਦੇ ਪੁਤਲੇ ਦਿਖਾਏ ਗਏ 'ਰਾਵਣ ਦਹਿਨ' ਦਾ ਐਲਾਨ ਕਰਦੇ ਪੋਸਟਰ ਆਨਲਾਈਨ ਸਾਹਮਣੇ ਆਉਣ ਤੋਂ ਬਾਅਦ ਤਣਾਅ ਵਧ ਗਿਆ।

ਜਵਾਹਰ ਲਾਲ ਨਹਿਰੂ ਯੂਨੀਵਰਸਿਟੀ (JNU) ਵਿੱਚ ਸ਼ੁੱਕਰਵਾਰ ਰਾਤ ਨੂੰ ਵਿਜੇਦਸ਼ਮੀ ਦੇ ਮੌਕੇ ’ਤੇ ਕੱਢੀ ਗਈ 'ਵਿਸਰਜਨ ਸ਼ੋਭਾ ਯਾਤਰਾ' ਦੌਰਾਨ ਇੱਕ ਹਿੰਸਕ ਟਕਰਾਅ ਹੋਇਆ, ਜਿਸ ਨਾਲ ਕੈਂਪਸ ਤਣਾਅਪੂਰਨ ਹੋ ਗਿਆ ਅਤੇ ਵਿਚਾਰਧਾਰਕ ਲੀਹਾਂ ’ਤੇ ਵੰਡਿਆ ਗਿਆ। ਇਹ ਝੜਪ ਵਿਦਿਆਰਥੀ ਗਰੁੱਪਾਂ ਵੱਲੋਂ ਪ੍ਰਤੀਕਮਈ ਪ੍ਰਦਰਸ਼ਨਾਂ ਦੇ ਬਰਾਬਰ ਮੁਕਾਬਲੇ ਤੋਂ ਹੋਈ। ਇਸ ਦੌਰਾਨ ਦੋਹਾਂ ਧਿਰਾਂ ਨੇ ਨੇ ਇੱਕ ਦੂਜੇ ’ਤੇ ਭੜਕਾਉਣ ਦਾ ਦੋਸ਼ ਲਗਾਇਆ।

*जेएनयू में छात्रसंघ संयुक्त सचिव वैभव मीना के आह्वान पर किया गया वामपंथी, नक्सलवादी, राष्ट्रविरोधी तत्वों का रावण दहन*
आज विजय दशमी के अवसर पर आज जेएनयू के साबरमती ग्राउंड में वामपंथी, राष्ट्रविरोधी ताकतों का समर्थन करने वाले ताकतों रूपी दशानन का रावण दहन आयोजित किया गया। इस… pic.twitter.com/hT7xxs6anV
— Vaibhav Meena (@i_VaibhavMeena) October 2, 2025

ਜੇਐੱਨਯੂਐੱਸਯੂ ਦੇ ਸੰਯੁਕਤ ਸਕੱਤਰ ਵੈਭਵ ਮੀਨਾ ਅਨੁਸਾਰ ਯੂਨੀਵਰਸਿਟੀ ਦੇ ਵਿਦਿਆਰਥੀ ਯੂਨੀਅਨ ਨੇ ਵਿਜੇਦਸ਼ਮੀ ਦੇ ਜਸ਼ਨਾਂ ਦੇ ਹਿੱਸੇ ਵਜੋਂ ਸਾਬਰਮਤੀ ਢਾਬੇ ’ਤੇ ਰਾਵਣ ਦਹਿਨ ਦਾ ਆਯੋਜਨ ਕੀਤਾ ਸੀ। ਇਸ ਰਸਮ ਦੌਰਾਨ ਖੱਬੇ ਪੱਖੀ ਲਹਿਰਾਂ ਨਾਲ ਜੁੜੇ ਵਿਅਕਤੀਆਂ ਦੇ ਪੁਤਲੇ ਅਤੇ ਪੋਸਟਰ ਸਾੜੇ ਗਏ, ਜਿਨ੍ਹਾਂ ਵਿੱਚ ਅਫਜ਼ਲ ਗੁਰੂ, ਉਮਰ ਖਾਲਿਦ, ਸ਼ਰਜੀਲ ਇਮਾਮ, ਜੀ ਸਾਈਂ ਬਾਬਾ ਅਤੇ ਚਾਰੂ ਮਜੂਮਦਾਰ ਸ਼ਾਮਲ ਸਨ।

ਮੀਨਾ ਨੇ ਕਿਹਾ ਕਿ ਇਹ ਕਾਰਵਾਈ ਕੈਂਪਸ ਵਿੱਚ "ਨਕਸਲੀਆਂ ਵਰਗੀਆਂ ਤਾਕਤਾਂ" ਵਜੋਂ ਦਰਸਾਈਆਂ ਗਈਆਂ ਗੱਲਾਂ ਨੂੰ ਰੱਦ ਕਰਨ ਦੇ ਉਦੇਸ਼ ਨਾਲ ਕੀਤੀ ਗਈ ਸੀ। ਉਨ੍ਹਾਂ ਦੱਸਿਆ ਕਿ ਪੁਤਲ ਪੁਤਲਾ ਸਾੜਨ ਤੋਂ ਬਾਅਦ 'ਵਿਸਰਜਨ ਸ਼ੋਭਾ ਯਾਤਰਾ' ਦਾ ਵੀ ਆਯੋਜਨ ਕੀਤਾ ਗਿਆ ਸੀ ।

Tags :

JNU Vaibhav Meena