ਹਾਦਸੇ ਵਿੱਚ ਭਰਾ ਦੀ ਮੌਤ, ਦੋ ਭੈਣਾਂ ਜ਼ਖਮੀ

ਪਿਕਅੱਪ ਵਾਹਨ ਦੀ ਮੋਟਰਸਾਈਕਲ ਨਾਲ ਟੱਕਰ ਕਾਰਨ ਲੜਕੇ ਦੀ ਮੌਤ ਹੋ ਗਈ ਜਦਕਿ ਉਸ ਦੀ ਦੋ ਚਚੇਰੀਆਂ ਭੈਣਾਂ ਜ਼ਖ਼ਮੀ ਹੋ ਗਈਆਂ। ਮ੍ਰਿਤਕ ਦੀ ਪਛਾਣ ਜੋਗੀ ਮਾਜਰਾ ਦੇ ਕੁਰਨਾਲ ਵਜੋਂ ਹੋਈ ਹੈ ਜੋ 11ਵੀਂ ਕਲਾਸ ਦਾ ਵਿਦਿਆਰਥੀ ਸੀ। ਜਾਣਕਾਰੀ ਮੁਤਾਬਕ ਅੱਜ...

patar prerak

ਸ਼ਾਹਬਾਦ ਮਾਰਕੰਡਾ, 05:16 AM Dec 08, 2025 IST

ਪਿਕਅੱਪ ਵਾਹਨ ਦੀ ਮੋਟਰਸਾਈਕਲ ਨਾਲ ਟੱਕਰ ਕਾਰਨ ਲੜਕੇ ਦੀ ਮੌਤ ਹੋ ਗਈ ਜਦਕਿ ਉਸ ਦੀ ਦੋ ਚਚੇਰੀਆਂ ਭੈਣਾਂ ਜ਼ਖ਼ਮੀ ਹੋ ਗਈਆਂ। ਮ੍ਰਿਤਕ ਦੀ ਪਛਾਣ ਜੋਗੀ ਮਾਜਰਾ ਦੇ ਕੁਰਨਾਲ ਵਜੋਂ ਹੋਈ ਹੈ ਜੋ 11ਵੀਂ ਕਲਾਸ ਦਾ ਵਿਦਿਆਰਥੀ ਸੀ। ਜਾਣਕਾਰੀ ਮੁਤਾਬਕ ਅੱਜ ਕੁਰਨਾਲ ਮੋਟਰਸਾਈਕਲ ’ਤੇ ਆਪਣੇ ਚਾਚੇ ਦੀਆਂ ਦੋ ਲੜਕੀਆਂ ਅੰਕਿਤਾ ਤੇ ਮਹਿਕ ਨਾਲ ਬਾਬੈਨ ਸਕੂਲ ਜਾ ਰਿਹਾ ਸੀ। ਜਦੋਂ ਉਹ ਕੰਦੋਲੀ ਬੱਸ ਅੱਡੇ ਕੋਲ ਪਹੁੰਚੇ ਤਾਂ ਸਿੰਲਡਰਾਂ ਨਾਲ ਭਰੀ ਪਿਕਅੱਪ ਗਡੀ ਨੇ ਮੋਟਰਸਾਈਕਲ ਟੱਕਰ ਮਾਰ ਦਿੱਤੀ, ਜਿਸ ਕਾਰਨ ਉਹ ਤਿੰਨੇ ਜਣੇ ਸੜਕ ’ਤੇ ਡਿੱਗ ਕੇ ਜ਼ਖ਼ਮੀ ਹੋ ਗਏ। ਰਾਹਗੀਰਾਂ ਨੇ ਉਨ੍ਹਾਂ ਨੂੰ ਸਰਕਾਰੀ ਹਸਪਤਾਲ ਬਾਬੈਨ ਪਹੁੰਚਾਇਆ, ਜਿੱਥੇ ਡਾਕਟਰਾਂ ਨੇ ਕੁਰਨਾਲ ਨੂੰ ਮ੍ਰਿਤਕ ਕਰਾਰ ਦੇ ਦਿੱਤਾ ਤੇ ਅੰਕਿਤਾ ਤੇ ਮਹਿਕ ਨੂੰ ਇਲਾਜ ਲਈ ਰੈਫਰ ਕਰ ਦਿੱਤਾ। ਬਾਬੈਨ ਪੁਲੀਸ ਨੇ ਕੁਰਨਾਲ ਦੀ ਲਾਸ਼ ਕੁਰੂਕਰਸ਼ੇਤਰ ਤੋਂ ਪੋਸਟਮਾਰਟਮ ਕਰਵਾ ਕੇ ਪਰਿਵਾਰ ਨੂੰ ਸੌਂਪ ਦਿੱਤੀ।