ਏਅਰ ਇੰਡੀਆ ਅਤੇ ਏਅਰ ਕੈਨੇਡਾ ਦੀ ਮੁੜ ਸਾਂਝੇਦਾਰੀ !

ਏਅਰ ਇੰਡੀਆ ਨੇ ਏਅਰ ਕੈਨੇਡਾ ਨਾਲ ਆਪਣੀ ਕੋਡਸ਼ੇਅਰ ਸਾਂਝੇਦਾਰੀ (Codeshare partnership) ਨੂੰ ਦੁਬਾਰਾ ਸ਼ੁਰੂ ਕਰਨ ਦਾ ਐਲਾਨ ਕੀਤਾ ਹੈ। ਇਹ ਸਾਂਝੇਦਾਰੀ ਪੰਜ ਸਾਲ ਤੋਂ ਵੱਧ ਸਮੇਂ ਤੋਂ ਕੋਰੋਨਾ ਮਹਾਂਮਾਰੀ (Pandemic) ਕਾਰਨ ਬੰਦ ਸੀ।

ਹੁਣ ਏਅਰ ਇੰਡੀਆ ਦੇ ਯਾਤਰੀ ਵੈਨਕੂਵਰ (Vancouver) ਅਤੇ ਲੰਡਨ ਹੀਥਰੋ (London Heathrow) ਰਾਹੀਂ ਕੈਨੇਡਾ ਦੇ ਛੇ ਹੋਰ ਸ਼ਹਿਰਾਂ ਤੱਕ ਜਾ ਸਕਣਗੇ। ਏਅਰ ਇੰਡੀਆ ਇਨ੍ਹਾਂ ਰੂਟਾਂ ’ਤੇ ਏਅਰ ਕੈਨੇਡਾ ਦੁਆਰਾ ਸੰਚਾਲਿਤ ਉਡਾਣਾਂ ’ਤੇ ਆਪਣਾ ਏਆਈ (AI) ਕੋਡ ਲਗਾਏਗਾ।

ਏਅਰ ਕੈਨੇਡਾ ਦੇ ਯਾਤਰੀਆਂ ਨੂੰ ਦਿੱਲੀ ਰਾਹੀਂ ਅੰਮ੍ਰਿਤਸਰ, ਅਹਿਮਦਾਬਾਦ, ਮੁੰਬਈ, ਹੈਦਰਾਬਾਦ ਅਤੇ ਕੋਚੀ, ਅਤੇ ਲੰਡਨ ਰਾਹੀਂ ਦਿੱਲੀ ਅਤੇ ਮੁੰਬਈ ਵਰਗੇ ਭਾਰਤੀ ਸ਼ਹਿਰਾਂ ਤੱਕ ਆਸਾਨੀ ਨਾਲ ਕਨੈਕਟੀਵਿਟੀ (connectivity) ਮਿਲੇਗੀ।

ਇਸ ਨਾਲ ਯਾਤਰੀ ਵੱਖ-ਵੱਖ ਉਡਾਣਾਂ ’ਤੇ ਵੀ ਇੱਕ ਹੀ ਟਿਕਟ ’ਤੇ ਸਫ਼ਰ ਕਰ ਸਕਦੇ ਹਨ।

ਜ਼ਿਕਰਯੋਗ ਹੈ ਕਿ ਇਸ ਸਮੇਂ, ਇਹ ਏਅਰ ਇੰਡੀਆ ਦੀ ਕਿਸੇ ਉੱਤਰੀ ਅਮਰੀਕੀ ਕੈਰੀਅਰ (North American carrier) ਨਾਲ ਇਕਲੌਤੀ ਕੋਡਸ਼ੇਅਰ ਸਾਂਝੇਦਾਰੀ ਹੈ। ਮਹਾਂਮਾਰੀ ਦੌਰਾਨ, ਸਰਕਾਰੀ ਮਲਕੀਅਤ ਵਾਲੀ ਏਅਰ ਇੰਡੀਆ ਨੇ ਸਾਰੀਆਂ ਕੋਡਸ਼ੇਅਰ ਸਾਂਝੇਦਾਰੀਆਂ ਬੰਦ ਕਰ ਦਿੱਤੀਆਂ ਸਨ। ਹੁਣ ਏਅਰ ਇੰਡੀਆ ਦੇ ਕੁੱਲ 23 ਕੋਡਸ਼ੇਅਰ ਅਤੇ 96 ਇੰਟਰਲਾਈਨ (interline) ਸਾਂਝੇਦਾਰ ਹਨ।