ਸਟੇਸ਼ਨ ਮਾਸਟਰ ਦੀ ਚੌਕਸੀ ਕਾਰਨ ਹਾਦਸਾ ਟਲਿਆ

Alert station master averts train accident in Punjab after spotting sparks in freight train ਪੰਜਾਬ ਵਿੱਚ ਅੱਜ ਸਟੇਸ਼ਨ ਮਾਸਟਰ ਵਿਜੈ ਕੁਮਾਰ ਦੀ ਚੌਕਸੀ ਕਾਰਨ ਰੇਲ ਹਾਦਸਾ ਟਲ ਗਿਆ। ਇੱਥੋਂ ਲੰਘ ਰਹੀ ਇੱਕ ਮਾਲ ਗੱਡੀ ਵਿੱਚੋਂ ਧੂੰਆਂ ਅਤੇ ਚੰਗਿਆੜੀਆਂ ਨਿਕਲਣ ਲੱਗੀਆਂ ਜਦੋਂ ਇਹ ਰੇਲ ਗੱਡੀ ਭੰਗਾਲਾ ਤੇ ਮੁਕੇਰੀਆਂ ਦਰਮਿਆਨ ਪੈਂਦੇ ਸਟੇਸ਼ਨ ਵਿਚੋਂ ਗੁਜ਼ਰੀ ਤਾਂ ਸਟੇਸ਼ਨ ਮਾਸਟਰ ਨੇ ਇਸ ਦੀ ਸੂਚਨਾ ਉਚ ਅਧਿਕਾਰੀਆਂ ਨੂੰ ਦਿੱਤੀ ਤੇ ਗੱਡੀ ਨੂੰ ਰੈਡ ਸਿਗਨਲ ਦੇ ਦਿੱਤਾ। ਇਸ ਤੋਂ ਬਾਅਦ ਇਸ ਰੇਲ ਗੱਡੀ ਨੂੰ ਰੋਕ ਦਿੱਤਾ ਗਿਆ। ਰੇਲਵੇ ਅਧਿਕਾਰੀਆਂ ਨੇ ਦੱਸਿਆ ਕਿ ਜਦੋਂ ਟਰੇਨ ਮੈਨੇਜਰ ਰਾਜੇਂਦਰ ਪਾਲ ਨੇ ਇਸ ਗੱਡੀ ਦਾ ਮੁਆਇਨਾ ਕੀਤਾ ਤਾਂ ਤਕਨੀਕੀ ਖਾਮੀਆਂ ਮਿਲੀਆਂ। ਉਨ੍ਹਾਂ ਇਸ ਸਮੱਸਿਆ ਨੂੰ ਦੂਰ ਕੀਤਾ। ਜੰਮੂ ਰੇਲਵੇ ਡਿਵੀਜ਼ਨ ਦੇ ਡੀਆਰਐਮ ਵਿਵੇਕ ਕੁਮਾਰ ਨੇ ਵਿਜੈ ਕੁਮਾਰ ਵਲੋਂ ਦਿਖਾਈ ਗਈ ਚੌਕਸੀ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਵਿਜੈ ਕੁਮਾਰ ਅਤੇ ਟਰੇਨ ਮੈਨੇਜਰ ਰਾਜੇਂਦਰ ਪਾਲ ਦੀ ਚੌਕਸੀ ਕਾਰਨ ਹਾਦਸਾ ਟਲ ਗਿਆ। ਪੀ.ਟੀ.ਆਈ