ਕਿਰਚ ਮਾਰ ਕੇ ਨੌਜਵਾਨ ਦਾ ਕਤਲ

ਪਿੰਡ ਚੌਂਤਾ ’ਚ ਝਗੜੇ ਕਾਰਨ ਕਿਰਚ ਮਾਰ ਕੇ ਨੌਜਵਾਨ ਦਾ ਕਤਲ ਕਰ ਦਿੱਤਾ ਗਿਆ। ਮੁਨੀਸ਼ ਕੁਮਾਰ (25) ਨਿੱਜੀ ਸਕੂਲ ਦੀ ਵੈਨ ਚਲਾਉਂਦਾ ਸੀ। ਬੀਤੀ ਰਾਤ ਮੁਨੀਸ਼ ਆਪਣੇ ਪਿਤਾ ਤਰਸੇਮ ਲਾਲ ਨਾਲ ਪਿੰਡ ਚੌਂਤਾ ਵਿੱਚ ਇੱਕ ਸਮਾਗਮ ’ਚ ਗਿਆ ਸੀ। ਮਾਮੂਲੀ...

Nijji Pattar Parerak

ਦੀਨਾਨਗਰ, 03:30 AM Nov 11, 2025 IST

ਪਿੰਡ ਚੌਂਤਾ ’ਚ ਝਗੜੇ ਕਾਰਨ ਕਿਰਚ ਮਾਰ ਕੇ ਨੌਜਵਾਨ ਦਾ ਕਤਲ ਕਰ ਦਿੱਤਾ ਗਿਆ। ਮੁਨੀਸ਼ ਕੁਮਾਰ (25) ਨਿੱਜੀ ਸਕੂਲ ਦੀ ਵੈਨ ਚਲਾਉਂਦਾ ਸੀ। ਬੀਤੀ ਰਾਤ ਮੁਨੀਸ਼ ਆਪਣੇ ਪਿਤਾ ਤਰਸੇਮ ਲਾਲ ਨਾਲ ਪਿੰਡ ਚੌਂਤਾ ਵਿੱਚ ਇੱਕ ਸਮਾਗਮ ’ਚ ਗਿਆ ਸੀ। ਮਾਮੂਲੀ ਝਗੜੇ ਤੋਂ ਬਾਅਦ ਤਰਸੇਮ ਸਿੰਘ ਨੇ ਆਪਣੀ ਪਤਨੀ ਤੇ ਤਿੰਨ ਧੀਆਂ ਸਣੇ ਮੁਨੀਸ਼ ਕੁਮਾਰ ’ਤੇ ਕਿਰਚ ਨਾਲ ਹਮਲਾ ਕਰ ਦਿੱਤਾ। ਉਸ ਨੂੰ ਸਿਵਲ ਹਸਪਤਾਲ ਗੁਰਦਾਸਪੁਰ ਲਿਜਾਣ ’ਤੇ ਡਾਕਟਰਾਂ ਨੇ ਮ੍ਰਿਤਕ ਐਲਾਨ ਦਿੱਤਾ। ਮ੍ਰਿਤਕ ਦੇ ਪਿਤਾ ਤਰਸੇਮ ਲਾਲ ਦੇ ਬਿਆਨਾਂ ’ਤੇ ਦੀਨਾਨਗਰ ਪੁਲੀਸ ਸਟੇਸ਼ਨ ’ਚ ਤਰਸੇਮ ਸਿੰਘ, ਉਸ ਦੀ ਪਤਨੀ ਰੇਖਾ ਦੇਵੀ ਤੇ ਉਨ੍ਹਾਂ ਦੀਆਂ ਤਿੰਨ ਧੀਆਂ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਹੈ। ਪੁਲੀਸ ਨੇ ਸਾਰੇ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਡੀ ਐੱਸ ਪੀ ਮਿਨਹਾਸ ਨੇ ਦੱਸਿਆ ਕਿ ਮੁਨੀਸ਼ ਨੇ ਕੁਝ ਦਿਨ ਪਹਿਲਾਂ ਤਰਸੇਮ ਦੇ ਖ਼ਾਲੀ ਪਲਾਟ ’ਚ ਸਕੂਲ ਵੈਨ ਖੜ੍ਹੀ ਕੀਤੀ ਸੀ, ਇਸ ਕਾਰਨ ਉਹ ਉਸ ਨਾਲ ਗੁੱਸੇ ਸੀ।