ਦਿ ਟ੍ਰਿਬਿਊਨ ਰੀਅਲ ਅਸਟੇਟ ਕਨਕਲੇਵ-2025 ਅੱਜ
ਲੋਕਾਂ ਨੂੰ ਰੀਅਲ ਅਸਟੇਟ ਸੈਕਟਰ ਬਾਰੇ ਦਿੱਤੀ ਜਾਵੇਗੀ ਜਾਣਕਾਰੀ
‘ਦਿ ਟ੍ਰਿਬਿਊਨ ਰੀਅਲ ਅਸਟੇਟ ਕਨਕਲੇਵ-2025’ 15 ਨਵੰਬਰ ਨੂੰ ਇੱਥੋਂ ਦੇ ਹਯਾਤ ਰਿਜੈਂਸੀ ਹੋਟਲ ਵਿੱਚ ਹੋਵੇਗਾ, ਜਿਸ ਵਿੱਚ ਰੀਅਲ ਅਸਟੇਟ ਸੈਕਟਰ ਨਾਲ ਜੁੜੇ ਲੋਕਾਂ ਨੂੰ ਵਧੀਆ ਜਾਣਕਾਰੀ ਮੁਹੱਈਆ ਕਰਵਾਈ ਜਾਵੇਗੀ।
ਸ਼ਾਮ ਕਰੀਬ ਸਵਾ 6 ਵਜੇ ਤੋਂ ਸ਼ੁਰੂ ਹੋਣ ਵਾਲੀ ਇਸ ਕਨਕਲੇਵ ਵਿੱਚ ਹਾਊਸਿੰਗ ਅਤੇ ਸ਼ਹਿਰੀ ਵਿਕਾਸ, ਮਾਲੀਆ, ਪੁਨਰਵਾਸ ਅਤੇ ਆਫ਼ਤ ਪ੍ਰਬੰਧਨ, ਜਲ ਸਪਲਾਈ ਅਤੇ ਸੈਨੀਟੇਸ਼ਨ ਮੰਤਰੀ ਪੰਜਾਬ ਹਰਦੀਪ ਸਿੰਘ ਮੁੰਡੀਆਂ ਮੁੱਖ ਮਹਿਮਾਨ ਵਜੋਂ ਸ਼ਾਮਿਲ ਹੋਣਗੇ ਜਦਕਿ ਪ੍ਰਮੁੱਖ ਸਕੱਤਰ ਹਾਊਸਿੰਗ ਅਤੇ ਸ਼ਹਿਰੀ ਵਿਕਾਸ ਵਿਭਾਗ ਵਿਕਾਸ ਗਰਗ ਆਈ ਏ ਐੱਸ ਵਿਸ਼ੇਸ਼ ਤੌਰ ’ਤੇ ਸ਼ਾਮਿਲ ਹੋਣਗੇ।
ਇਹ ਰੀਅਲ ਅਸਟੇਟ ਕਨਕਲੇਵ ਡਿਵੈੱਲਪਰਾਂ, ਰੈਗੂਲੇਟਰਾਂ ਅਤੇ ਨਿਵੇਸ਼ਕਾਂ ਵਿਚਕਾਰ ਅਰਥਪੂਰਨ ਗੱਲਬਾਤ ਦੀ ਸਹੂਲਤ ਲਈ ਕਰਵਾਈ ਜਾ ਰਹੀ ਹੈ ਤਾਂ ਜੋ ਵਿਕਾਸ, ਪਾਰਦਰਸ਼ਤਾ ਅਤੇ ਸਹਿਯੋਗ ਦਾ ਇੱਕ ਉਚਿਤ ਵਾਤਾਵਰਨ ਪੈਦਾ ਕੀਤਾ ਜਾ ਸਕੇ। ਇਸ ਦਾ ਉਦੇਸ਼ ਸਰਕਾਰ ਅਤੇ ਰੇਰਾ ਅਧਿਕਾਰੀਆਂ ਨਾਲ ਸਿੱਧੀਆਂ ਗੱਲਬਾਤਾਂ ਰਾਹੀਂ ਨੀਤੀ ਸਪੱਸ਼ਟਤਾ ਪੈਦਾ ਕਰਨਾ ਹੈ।
ਇਹ ਕਨਕਲੇਵ ਡਿਵੈੱਲਪਰਾਂ ਅਤੇ ਉਦਯੋਗ ਦੇ ਹਿੱਸੇਦਾਰਾਂ ਲਈ ਟ੍ਰਾਈਸਿਟੀ ਦੇ ਰੀਅਲ ਅਸਟੇਟ ਲੈਂਡਸਕੇਪ ਨੂੰ ਆਕਾਰ ਦੇਣ ਵਾਲੇ ਉੱਭਰਦੇ ਰੁਝਾਨਾਂ, ਚੁਣੌਤੀਆਂ ਅਤੇ ਮੌਕਿਆਂ ਬਾਰੇ ਸੂਝ-ਬੂਝ ਦਾ ਆਦਾਨ-ਪ੍ਰਦਾਨ ਕਰਨ ਲਈ ਇੱਕ ਪਲੇਟਫਾਰਮ ਵਜੋਂ ਕੰਮ ਕਰੇਗਾ। ਇਸ ਸਮਾਗਮ ਦਾ ਉਦੇਸ਼ ਸਹਿਯੋਗ, ਗਿਆਨ ਸਾਂਝਾ ਕਰਨ ਅਤੇ ਨੈੱਟਵਰਕਿੰਗ ਨੂੰ ਉਤਸ਼ਾਹਿਤ ਕਰਨਾ ਹੈ, ਰੀਅਲ ਅਸਟੇਟ ਖੇਤਰ ਵਿੱਚ ਵਿਚਾਰ ਲੀਡਰਸ਼ਿਪ ਦੇ ਕਨਵੀਨਰ ਵਜੋਂ ‘ਦ ਟ੍ਰਿਬਿਊਨ’ ਨੂੰ ਸਥਾਪਿਤ ਕਰਨਾ ਹੈ।
ਹੈਂਪਟਨ ਹੋਮਜ਼ ਟਾਈਟਲ ਸਪਾਂਸਰ, ਏ ਆਈ ਬਾਸਿਰ ਗਰੁੱਪ ਆਫ਼ ਇੰਡਸਟਰੀਜ਼ ਗਿਫ਼ਟਿੰਗ ਪਾਰਟਨਰ ਅਤੇ ਆਈ ਜੇ ਐੱਮ ਸਟਾਰ ਡਰਾਈਵ ਪਾਰਟਨਰ ਹੋਣਗੇ। ਕਨਕਲੇਵ ਵਿੱਚ ਪੈਨਲਿਸਟਾਂ ਦੇ 45-45 ਮਿੰਟ ਦੇ ਦੋ ਸ਼ੈਸ਼ਨ ਕਰਵਾਏ ਜਾਣਗੇ ਜਿਨ੍ਹਾਂ ਵਿੱਚ ਪਹਿਲੇ ਸੈਸ਼ਨ ਵਿੱਚ ਹੈਂਪਟਨ ਹੋਮਜ਼ ਤੋਂ ਅਮਿਤ ਬਜਾਜ, ਈ ਵੀ ਓ ਕਿਯੂ ਤੋਂ ਗੌਰਵ ਗੋਇਲ, ਅੰਬਿਕਾ ਰੀਅਲਕੌਨ ਪ੍ਰਾਈਵੇਟ ਲਿਮਟਿਡ ਤੋਂ ਹਰਮਿਲ ਠਾਕੁਰ, ਐੱਸ ਬੀ ਪੀ ਗਰੁੱਪ ਤੋਂ ਅਮਨਦੀਪ ਸਿੰਗਲਾ, ਐੱਫ ਟਾਵਰਸ ਗਲੈਨਵਰਲਡ ਰਿਐਲਟੀ ਤੋਂ ਗਗਨ ਯੁਵਰਾਜ ਸ਼ਾਮਿਲ ਹੋਣਗੇ। ਦੂਸਰੇ ਸੈਸ਼ਨ ਵਿੱਚ ਐੱਸ ਐੱਲ ਪੀ ਬੀ ਸਕਾਈਟੱਚ ਪੀਰਮੁਛੱਲਾ ਤੋਂ ਮੁਨੀਤ ਗਰਗ ਅਤੇ ਸੁਨੀਲ ਬੰਸਲ, ਅਟਲੈਂਟਿਸ ਤੋਂ ਦੀਪਤ ਗਰਗ, ਹਰਮਿਟੇਜ ਗਰੁੱਪ ਤੋਂ ਆਸ਼ੀਸ਼ ਅਰੋੜਾ, ਮੈਜਸਟਿਕ ਰਾਈਸ ਤੋਂ ਸੰਜੀਵ ਠਾਕੁਰ, ਰਾਈਸੋਨਿਕ ਤੋਂ ਨਿਤਿਨ ਭੱਟਾਚਾਰੀਆ ਸ਼ਾਮਿਲ ਹੋਣਗੇ।
