ਸੈਣੀ ਪ੍ਰੈੱਸ ਰਿਪੋਰਟਰ ਵੈਲਫੇਅਰ ਫਾਊਂਡੇਸ਼ਨ ਦੇ ਸੂਬਾ ਪ੍ਰਧਾਨ ਨਿਯੁਕਤ

ਮੁਕਤੀ ਸ਼ਰਮਾ ਨੂੰ ਸਬ ਡਿਵੀਜ਼ਨ ਡੇਰਾਬੱਸੀ ਜਥੇਬੰਦੀ ਦਾ ਪ੍ਰਧਾਨ ਬਣਾਇਆ

Nijji Pattar Parerak

ਜ਼ੀਰਕਪੁਰ, 05:25 AM Jul 28, 2025 IST

ਨਵੇਂ ਚੁਣੇ ਗਏ ਪ੍ਰਧਾਨ ਸੁਖਵਿੰਦਰ ਸੈਣੀ ਹੋਰਨਾਂ ਮੈਂਬਰਾਂ ਨਾਲ। -ਫੋਟੋ: ਰੂਬਲ

ਪੰਜਾਬ ਪ੍ਰੈੱਸ ਰਿਪੋਰਟਰ ਵੈਲਫੇਅਰ ਫਾਊਂਡੇਸ਼ਨ ਦੇ ਮੈਂਬਰਾਂ ਵੱਲੋਂ ਅੱਜ ਪ੍ਰੈਸ ਕਲੱਬ ਵਿੱਚ ਇੱਕ ਅਹਿਮ ਮੀਟਿੰਗ ਕੀਤੀ ਗਈ ਜਿਸ ਦੌਰਾਨ ਸੁਖਵਿੰਦਰ ਸੈਣੀ ਨੂੰ ਸਰਬ ਸੰਮਤੀ ਨਾਲ ਪੰਜਾਬ ਪ੍ਰੈੱਸ ਰਿਪੋਰਟ ਵੈਲਫੇਅਰ ਫਾਊਂਡੇਸ਼ਨ ਦਾ ਪ੍ਰਧਾਨ ਨਿਯੁਕਤ ਕੀਤਾ ਗਿਆ। ਇਸ ਮੌਕੇ ਫੈਸਲਾ ਲਿਆ ਗਿਆ ਕਿ ਪੰਜਾਬ ਪੱਧਰ ’ਤੇ ਜਥੇਬੰਦੀ ਦੀਆਂ ਜ਼ਿਲ੍ਹਾ ਪੱਧਰੀ ਕਮੇਟੀਆਂ ਬਣਾਈਆਂ ਜਾਣਗੀਆਂ। ਜਿਸ ਤਹਿਤ ਅੱਜ ਸਬ ਡਿਵੀਜ਼ਨ ਡੇਰਾਬੱਸੀ ਲਈ ਪੱਤਰਕਾਰ ਮੁਕਤੀ ਸ਼ਰਮਾ ਨੂੰ ਸਾਰੇ ਮੈਂਬਰਾਂ ਦੀ ਸਰਬਸੰਮਤੀ ਨਾਲ ਪ੍ਰਧਾਨ ਨਿਯੁਕਤ ਕੀਤਾ ਗਿਆ। ਇਸ ਤੋਂ ਇਲਾਵਾ ਪੀਐੱਸ ਮਿੱਠਾ ਨੂੰ ਸਬ ਡਿਵੀਜ਼ਨ ਦਾ ਚੇਅਰਮੈਨ, ਰਾਹੁਲ ਗੋਇਲ ਸੀਨੀਅਰ ਵਾਈਸ ਪ੍ਰਧਾਨ, ਬਿੰਦਰ ਸਿੰਘ ਜਨਰਲ ਸਕੱਤਰ ਦੇਵ ਸ਼ਰਮਾ ਸੰਯੁਕਤ ਸਕੱਤਰ ਰਿਤੇਸ਼ ਮਹੇਸ਼ਵਰੀ ਪ੍ਰੈਸ ਸਕੱਤਰ ਅਤੇ ਕੈਸ਼ੀਅਰ ਅਮਰ ਸ਼ਰਮਾ ਨੂੰ ਨਿਯੁਕਤ ਕੀਤਾ ਗਿਆ। ਇਸ ਮੌਕੇ ਸਮੂਹ ਮੈਂਬਰਾਂ ਵੱਲੋਂ ਸਰਬ ਸੰਮਤੀ ਨਾਲ ਇਹ ਫੈਸਲਾ ਲਿਆ ਗਿਆ ਕਿ ਪੰਜਾਬ ਪੱਧਰ ਦੀ ਕਮੇਟੀ ਦਾ ਗਠਨ ਅਗਲੀ ਮੀਟਿੰਗ ਵਿੱਚ ਕੀਤਾ ਜਾਵੇਗਾ। ਇਸ ਮੌਕੇ ਧਾਮੀ ਸ਼ਰਮਾ, ਵਿਨੋਦ ਗੁਪਤਾ, ਦਮਨਜੀਤ ਸਿੰਘ, ਮੁਕੇਸ਼ ਚੌਹਾਨ, ਸੰਜੇ ਮਿਸ਼ਰਾ, ਪ੍ਰੀਆ ਸ਼ਰਮਾ ਅਤੇ ਰਮਨ ਜਨੇਜਾ ਹਾਜ਼ਰ ਸਨ।