ਪੀ ਜੀ ਆਈ ਕੰਟਰੈਕਟ ਵਰਕਰਾਂ ਦੀ ਭੁੱਖ ਹੜਤਾਲ ਜਾਰੀ

ਇਸ ਤੋਂ ਪਹਿਲਾਂ ਐਕਸ਼ਨ ਕਮੇਟੀ ਦੇ ਵਾਈਸ ਚੇਅਰਮੈਨ ਸ੍ਰੀਪਾਲ ਅਤੇ ਸੁਰੱਖਿਆ ਗਾਰਡ ਪ੍ਰਦੀਪ ਕੁਮਾਰ ਨੂੰ ਉਨ੍ਹਾਂ ਦੀ 24 ਘੰਟੇ ਦੀ ਭੁੱਖ ਹੜਤਾਲ ਖਤਮ ਕਰਨ ਲਈ ਜੂਸ ਪਿਲਾਇਆ ਗਿਆ।

ਜੁਆਇੰਟ ਐਕਸ਼ਨ ਕਮੇਟੀ ਦੇ ਚੇਅਰਮੈਨ ਅਸ਼ਵਨੀ ਕੁਮਾਰ ਮੁੰਜਾਲ ਨੇ ਦੱਸਿਆ ਕਿ ਲਗਭਗ 70 ਕੰਟਰੈਕਟ ਵਰਕਰਾਂ ਦਾ ਇੱਕ ਵਫ਼ਦ ਅੱਜ ਰਾਤ 1 ਦਸੰਬਰ ਨੂੰ ਜੰਤਰ-ਮੰਤਰ ਚੌਕ ਦਿੱਲੀ ਵਿੱਚ ਧਰਨਾ ਦੇਣ ਲਈ ਰੇਲ ਰਾਹੀਂ ਰਵਾਨਾ ਹੋਵੇਗਾ ਅਤੇ ਪੀ ਐੱਮ ਓ, ਕੇਂਦਰੀ ਸਿਹਤ ਅਤੇ ਕਿਰਤ ਮੰਤਰਾਲੇ ਨੂੰ ਮੰਗ ਪੱਤਰ ਸੌਂਪੇਗਾ।

ਉਨ੍ਹਾਂ ਦੱਸਿਆ ਕਿ 2 ਦਸੰਬਰ ਨੂੰ ਐਕਸ਼ਨ ਕਮੇਟੀ ਦੀ ਮੀਟਿੰਗ ਪੀ ਜੀ ਆਈ ਦੀ ਪੁਲੀਸ ਪੋਸਟ ਦੀ ਮਹਿਲਾ ਅਧਿਕਾਰੀ ਵੱਲੋਂ ਵਰਤ ਰੱਖਣ ਵਾਲੇ ਠੇਕਾ ਕਰਮਚਾਰੀਆਂ ਲਈ ਟੈਂਟ ਉਖਾੜਨ ਲਈ ਕੀਤੀ ਗਈ ਮੰਦਭਾਗੀ, ਅਣਮਨੁੱਖੀ ਅਤੇ ਜ਼ਾਲਮ ਕਾਰਵਾਈ ਬਾਰੇ ਫੈਸਲਾ ਲੈਣ ਲਈ ਹੋਵੇਗੀ।

ਉਨ੍ਹਾਂ ਦੱਸਿਆ ਕਿ ਵਰਕਰਾਂ ਦੀਆਂ ਹੋਰਨਾਂ ਮੰਗਾਂ ਵਿੱਚ ਮੈਡੀਕਲ ਸਹੂਲਤਾਂ, ਜਿਨ੍ਹਾਂ ਵਿੱਚ ਮਹਿਲਾ ਠੇਕਾ ਸਟਾਫ ਨੂੰ ਜਣੇਪਾ ਛੁੱਟੀ ਦੇ ਲਾਭ, ਬੋਨਸ, ਨਵੰਬਰ-2024 ਵਿੱਚ ਹਟਾਏ ਗਏ 4 ਸੁਰੱਖਿਆ ਗਾਰਡਾਂ ਨੂੰ ਬਹਾਲ ਕਰਵਾਉਣਾ ਸ਼ਾਮਲ ਹਨ।

ਸਾਂਝੀ ਐਕਸ਼ਨ ਕਮੇਟੀ ਨੇ ਭਾਜਪਾ ਚੰਡੀਗੜ੍ਹ ਦੇ ਪ੍ਰਧਾਨ ਜਤਿੰਦਰਪਾਲ ਮਲਹੋਤਰਾ ਨੂੰ ਇੱਕ ਮੰਗ ਪੱਤਰ ਸੌਂਪਣ ਅਤੇ ਚੰਡੀਗੜ੍ਹ ਪੁਲੀਸ ਵੱਲੋਂ ਕੀਤੀ ਗਈ ਧੱਕੇਸ਼ਾਹੀ ਬਾਰੇ ਉਨ੍ਹਾਂ ਦੇ ਦਖ਼ਲ ਦੀ ਮੰਗ ਕਰਨ ਲਈ ਮੁਲਾਕਾਤ ਦੀ ਮੰਗ ਕੀਤੀ ਹੈ।