ਪੰਜਾਬ ਦੀ ਅਬਾਦੀ ਕੰਟਰੋਲ ਕਰਨ ਬਾਰੇ ਪ੍ਰਾਈਵੇਟ ਬਿੱਲ ਦੀ ਲੋੜ ਨਹੀਂ: ਛਿੱਬਰ

ਸ਼ਸ਼ੀ ਪਾਲ ਜੈਨ

ਖਰੜ, 3 ਜੁਲਾਈ

ਅੱਜ ਇੱਥੇ ਪ੍ਰੈਸ ਨੂੰ ਸੰਬੋਧਨ ਨੋਟ ਰਾਹੀਂ ਆਮ ਆਦਮੀ ਪਾਰਟੀ ਪੰਜਾਬ ਦੇ ਸੀਨੀਅਰ ਆਗੂ ਹਰਮੀਤ ਸਿੰਘ ਛਿੱਬਰ ਸਾਬਕਾ ਈਟੀਓ ਨੇ ਕਾਂਗਰਸ ਐੱਮਐੱਮਐੱਲਏ ਅਵਤਾਰ ਸਿੰਘ ਜੂਨੀਅਰ ਵੱਲੋਂ ਪੰਜਾਬ ਅੰਦਰ ਆਬਾਦੀ ਕੰਟਰੋਲ ਬਾਰੇ ਪ੍ਰਾਈਵੇਟ ਬਿੱਲ ਲਿਆਉਣ ਦੀ ਮੰਗ ਦਾ ਵਿਰੋਧ ਕਰਦੇ ਹੋਏ ਸਰਕਾਰ ਨੂੰ ਸੁਝਾਅ ਦਿੱਤਾ ਕਿ ਉਹ ਅਜਿਹਾ ਬਿੱਲ ਲਿਆਉਣ ਦੀ ਬਜਾਏ ਪੰਜਾਬ ਅੰਦਰ ਪ੍ਰਵਾਸੀਆਂ ਦੇ ਦਾਖ਼ਲੇ ਨੂੰ ਸੀਮਤ ਕਰਨ ਲਈ ਯੋਗ ਕਦਮ ਚੁੱਕਣ। ਉਨ੍ਹਾਂ ਕਿਹਾ ਕਿ ਪੰਜਾਬ ਅੰਦਰ ਅਸਲ ਪੰਜਾਬੀਆਂ ਦੀ ਜਨਸੰਖਿਆ ਪਹਿਲਾਂ ਹੀ ਘੱਟ ਹੈ ਜਦੋਂ ਕਿ ਪ੍ਰਵਾਸੀ ਲੋਕਾਂ ਦੀ ਗਿਣਤੀ ਪੰਜਾਬੀਆਂ ਤੋਂ ਵੱਧ ਹੋਵੇਗੀ। ‘ਆਪ’ ਆਗੂ ਨੇ ਕਿਹਾ ਕਿ ਅੱਜ ਸਮੇਂ ਦੀ ਮੁੱਖ ਮੰਗ ਹੈ ਕਿ ਪੰਜਾਬ ਅੰਦਰ ਪ੍ਰਵਾਸੀਆਂ ਤੇ ਹਿਮਾਚਲ ਦੀ ਤਰਜ ’ਤੇ ਜ਼ਮੀਨ ਖਰੀਦਣ, ਅਧਾਰ/ਰਾਸ਼ਨ ਕਾਰਡ ਬਣਾਉਣ ’ਤੇ ਪਾਬੰਦੀ ਲਾਉਣੀ ਜ਼ਰੂਰੀ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਸਰਕਾਰ ਨੂੰ ਸੁਝਾਅ ਦਿੱਤਾ ਕਿ ਪ੍ਰਵਾਸੀਆਂ ਨੂੰ ਪ੍ਰਾਪਰਟੀ ਦੇ ਅਧਿਕਾਰ ਨਾ ਦੇਣ, ਅਧਾਰ/ਰਾਸ਼ਨ ਕਾਰਡ ਨਾ ਬਣਾਉਣ ਸਬੰਧੀ ਅਤੇ ਹਿਮਾਚਲ ਪ੍ਰਦੇਸ਼ ਤੋਂ ਪੰਜਾਬ ਅੰਦਰ ਦਾਖ਼ਲ ਹੋਣ ਵਾਲੇ ਵਾਹਨਾਂ ’ਤੇ ਦਾਖ਼ਲਾ ਫੀਸ ਵਸੂਲੀ ਸਬੰਧੀ ਵਿਧਾਨ ਸਭਾ ਵਿੱਚ ਬਿਲ ਪਾਸ ਕਰਨਾ ਜ਼ਰੂਰੀ ਹੈ।