ਅਥਲੈਟਿਕਸ: ਮਨਜੀਤ ਬੈਦਵਾਣ ਨੇ ਤਗ਼ਮੇ ਜਿੱਤੇ

ਚੇਨੱਈ ਵਿੱਚ ਹੋਈ 23ਵੀਂ ਏਸ਼ੀਅਨਜ਼ ਮਾਸਟਰਜ਼ ਅਥਲੈਟਿਕਸ ਚੈਂਪੀਅਨਸ਼ਿਪ ਵਿੱਚ ਨੇੜਲੇ ਪਿੰਡ ਮੌਲੀ ਬੈਦਵਾਣ ਦੇ ਨਾਮਵਰ ਬੈਲ ਗੱਡੀਆਂ ਦੇ ਦੌੜਾਕ ਹਰਨੇਕ ਸਿੰਘ ਬੈਦਵਾਣ ਦੀ ਧੀ ਅਤੇ ਮੁਹਾਲੀ ਵਿੱਚ ਜ਼ਿਲ੍ਹਾ ਖੇਡ ਸੁਪਰਵਾਈਜ਼ਰ ਵਜੋਂ ਸੇਵਾਵਾਂ ਨਿਭਾਅ ਰਹੀ ਮਨਜੀਤ ਕੌਰ ਬੈਦਵਾਣ ਨੇ ਕਾਂਸੀ ਦੇ...

ਖੇਤਰੀ ਪ੍ਰਤੀਨਿਧ

ਐੱਸ ਏ ਐੱਸ ਨਗਰ (ਮੁਹਾਲੀ), 05:49 AM Nov 10, 2025 IST

ਚੇਨੱਈ ਵਿੱਚ ਹੋਈ 23ਵੀਂ ਏਸ਼ੀਅਨਜ਼ ਮਾਸਟਰਜ਼ ਅਥਲੈਟਿਕਸ ਚੈਂਪੀਅਨਸ਼ਿਪ ਵਿੱਚ ਨੇੜਲੇ ਪਿੰਡ ਮੌਲੀ ਬੈਦਵਾਣ ਦੇ ਨਾਮਵਰ ਬੈਲ ਗੱਡੀਆਂ ਦੇ ਦੌੜਾਕ ਹਰਨੇਕ ਸਿੰਘ ਬੈਦਵਾਣ ਦੀ ਧੀ ਅਤੇ ਮੁਹਾਲੀ ਵਿੱਚ ਜ਼ਿਲ੍ਹਾ ਖੇਡ ਸੁਪਰਵਾਈਜ਼ਰ ਵਜੋਂ ਸੇਵਾਵਾਂ ਨਿਭਾਅ ਰਹੀ ਮਨਜੀਤ ਕੌਰ ਬੈਦਵਾਣ ਨੇ ਕਾਂਸੀ ਦੇ ਦੋ ਤਗ਼ਮੇ ਜਿੱਤ ਕੇ ਪੰਜਾਬ ਅਤੇ ਭਾਰਤ ਦਾ ਨਾਮ ਚਮਕਾਇਆ ਹੈ। ਉਨ੍ਹਾਂ ਇਹ ਤਗ਼ਮੇ ਸ਼ਾਟਪੁੱਟ ਅਤੇ ਡਿਸਕਸ ਥਰੋਅ ਵਿਚ ਜਿੱਤੇ। ਮੁਹਾਲੀ ਜ਼ਿਲ੍ਹਾ ਐਥਲੈਕਿਟਸ ਐਸੋਸੀਏਸ਼ਨ ਦੇ ਕੋਚ ਮਲਕੀਅਤ ਸਿੰਘ ਬੈਦਵਾਣ ਕੋਲ ਨਿਰੰਤਰ ਅਭਿਆਸ ਕਰਨ ਵਾਲੀ ਮਨਜੀਤ ਕੌਰ ਬੈਦਵਾਣ ਵੱਲੋਂ ਦੋ ਤਗ਼ਮੇ ਜਿੱਤਣ ’ਤੇ ਐਸੋਸੀਏਸ਼ਨ ਨੇ ਖੁਸ਼ੀ ਪ੍ਰਗਟਾਈ। ਮਨਜੀਤ ਕੌਰ ਬੈਦਵਾਣ ਨੇ ਆਪਣੀ ਪ੍ਰਾਪਤੀ ’ਤੇ ਖੁਸ਼ੀ ਪ੍ਰਗਟ ਕਰਦਿਆਂ ਭਵਿੱਖ ਵਿਚ ਹੋਰ ਵਧੀਆ ਕਰਨ ਦਾ ਅਹਿਦ ਲਿਆ।