ਇੰਡੀਗੋ ਸੰਕਟ: ਦਿੱਲੀ ਹਵਾਈ ਅੱਡੇ ’ਤੇ ਅੱਜ ਹਾਲਾਤ ਆਮ ਵਾਂਗ ਹੋਣ ਦੇ ਆਸਾਰ
ਦਿੱਲੀ ਹਵਾੲੀ ਅੱਡਾ ਪ੍ਰਬੰਧਨ ਵਲੋਂ ਅੈਡਵਾਇਜ਼ਰੀ ਜਾਰੀ; ਸਪਾੲੀਸਜੈੱਟ ਨੇ ਦਿੱਲੀ ਤੋਂ ਹੋਰ ੳੁਡਾਣਾਂ ਸ਼ੁਰੂ ਕੀਤੀਆਂ; ਭਾਰਤੀ ਰੇਲਵੇ ਅੱਠ ਵਿਸ਼ੇਸ਼ ਰੇਲ ਗੱਡੀਆਂ ਚਲਾਏਗੀ
ਦੇਸ਼ ਦੀ ਸਭ ਤੋਂ ਵੱਡੀ ਏਅਰਲਾਈਨ ਇੰਡੀਗੋ ਨੂੰ ਪਾਇਲਟਾਂ ਤੇ ਸਟਾਫ ਦੇ ਸੰਕਟ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਜਿਸ ਕਾਰਨ ਇਸ ਏਅਰਲਾਈਨ ਨੇ ਸ਼ੁੱਕਰਵਾਰ ਨੂੰ ਇੱਕ ਦਿਨ ਵਿੱਚ 1,000 ਤੋਂ ਵੱਧ ਉਡਾਣਾਂ ਰੱਦ ਕਰ ਦਿੱਤੀਆਂ ਸਨ। ਇਸ ਦਰਮਿਆਨ ਅੱਜ ਦਿੱਲੀ ਹਵਾਈ ਅੱਡਾ ਪ੍ਰਬੰਧਨ ਨੇ ਜਾਣਕਾਰੀ ਦਿੱਤੀ ਹੈ ਕਿ ਇਸ ਏਅਰਲਾਈਨ ਦਾ ਕੰਮਕਾਜ ਅੱਜ ਸ਼ਨਿਚਰਵਾਰ ਨੂੰ ਸਥਿਰ ਹੋਣ ਦੀ ਸੰਭਾਵਨਾ ਹੈ।
Passenger Advisory issued at 2350 Hours#DelhiAirport #PassengerAdvisory #DELAdvisory pic.twitter.com/UvzliwSh4t
— Delhi Airport (@DelhiAirport) December 5, 2025
ਦੂਜੇ ਪਾਸੇ ਭਾਰਤੀ ਰੇਲਵੇ ਤੇ ਏਅਰਲਾਈਨ ਕੰਪਨੀ ਸਪਾਈਸ ਜੈਟ ਨੇ ਐਲਾਨ ਕੀਤਾ ਹੈ ਕਿ ਉਹ ਦੋਵੇਂ ਇਸ ਸੰਕਟ ਦੇ ਮੱਦੇਨਜ਼ਰ ਵਿਸ਼ੇਸ਼ ਸੇਵਾਵਾਂ ਸ਼ੁਰੂ ਕਰਨਗੇ। ਭਾਰਤੀ ਰੇਲਵੇ ਨੇ ਕਿਹਾ ਹੈ ਕਿ ਉਹ 6 ਤੋਂ 12 ਦਸੰਬਰ ਦਰਮਿਆਨ ਵੱਖ ਵੱਖ ਰੂਟਾਂ ’ਤੇ 8 ਵਿਸ਼ੇਸ਼ ਰੇਲ ਗੱਡੀਆਂ ਚਲਾਏਗੀ ਤਾਂ ਕਿ ਯਾਤਰੀਆਂ ਦੀ ਇਕਦਮ ਵਧੀ ਗਿਣਤੀ ਨੂੰ ਨਿਯਮਤ ਕੀਤਾ ਜਾ ਸਕੇ। ਦੂਜੇ ਪਾਸੇ ਸਪਾਈਸ ਜੈਟ ਨੇ ਐਕਸ ’ਤੇ ਪੋਸਟ ਪਾ ਕੇ ਕਿਹਾ ਹੈ ਕਿ ਉਹ ਦਿੱਲੀ ਹਵਾਈ ਅੱੜੇ ’ਤੇ ਮਚੀ ਹੋਈ ਹਫੜਾ ਦਫੜੀ ਨੂੰ ਘੱਟ ਕਰਨ ਲਈ 6 ਦਸੰਬਰ ਨੂੰ ਵਿਸ਼ੇਸ਼ ਉਡਾਣਾਂ ਚਲਾਏਗਾ ਜਿਸ ਸਬੰਧੀ ਸਪਾਈਸਜੈਟ ਨੇ ਉਡਾਣਾਂ ਦੇ ਵੇਰਵੇ ਵੀ ਜਾਰੀ ਕੀਤੇ ਹਨ ਪਰ ਸੋਸ਼ਲ ਮੀਡੀਆ ’ਤੇ ਪਾਈ ਪੋਸਟ ’ਤੇ ਯਾਤਰੀਆਂ ਨੇ ਵੀ ਆਪਣਾ ਗੁੱਸਾ ਜ਼ਾਹਰ ਕੀਤਾ ਹੈ।
Quick Update: We’ve added more Mumbai departures for 6 December for your convenience#flyspicejet #spicejet #Mumbai #AdditionalFlights #flights #aviation #addspicetoyourtravel pic.twitter.com/SnIjcfqtBG
— SpiceJet (@flyspicejet) December 5, 2025
ਇਕ ਯਾਤਰੀ ਨੇ ਲਿਖਿਆ ਹੈ ਕਿ ਸਪਾਈਸਜੈਟ ਦੀਆਂ ਇਹ ਉਡਾਣਾਂ ਪਹਿਲਾਂ ਹੀ ਚਲ ਰਹੀਆਂ ਹਨ ਤੇ ਅਜਿਹਾ ਕਰ ਕੇ ਯਾਤਰੀਆਂ ਨੂੰ ਗੁੰਮਰਾਹ ਕੀਤਾ ਜਾ ਰਿਹਾ ਹੈ।
For the convenience of rail passengers, Railways will run Reserved Special Express Train 01019/01020 between CSMT Mumbai and Hazrat Nizamuddin
Booking Opens today for 01019 on 06.12.2025.
Ex CSMT on 06.12.2025 at 17.15 hrs.
Ex Hazrat Nizamuddin on 07.12.2025 at 17.30 hrs.… pic.twitter.com/xR7LwhCwDh
— Central Railway (@Central_Railway) December 6, 2025
ਇਸ ਤੋਂ ਪਹਿਲਾਂ ਇੰਡੀਗੋ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ (CEO) ਪੀਟਰ ਐਲਬਰਸ ਨੇ ਕਿਹਾ ਸੀ ਕਿ ਏਅਰਲਾਈਨ ਨੂੰ ਉਮੀਦ ਹੈ ਕਿ ਸ਼ਨਿਚਰਵਾਰ ਨੂੰ 1,000 ਤੋਂ ਘੱਟ ਉਡਾਣਾਂ ਰੱਦ ਹੋਣਗੀਆਂ ਅਤੇ ਸਥਿਤੀ 10-15 ਦਸੰਬਰ ਦੇ ਵਿਚਕਾਰ ਆਮ ਹੋਣ ਦੀ ਸੰਭਾਵਨਾ ਹੈ।
ਐਲਬਰਸ ਨੇ ਇੱਕ ਵੀਡੀਓ ਸੰਦੇਸ਼ ਵਿੱਚ ਇਸ ਗੜਬੜੀ ਕਾਰਨ ਯਾਤਰੀਆਂ ਨੂੰ ਹੋਈ ਵੱਡੀ ਅਸੁਵਿਧਾ ਲਈ ਮੁਆਫੀ ਮੰਗਦਿਆਂ ਕਿਹਾ, “ਅਫਸੋਸ ਦੀ ਗੱਲ ਹੈ ਕਿ ਪਿਛਲੇ ਕੁਝ ਦਿਨਾਂ ਦੇ ਸ਼ੁਰੂਆਤੀ ਉਪਾਅ ਕਾਫੀ ਨਹੀਂ ਸਾਬਤ ਹੋਏ। ਇਸ ਲਈ ਅਸੀਂ ਆਪਣੇ ਸਾਰੇ ਸਿਸਟਮਾਂ ਅਤੇ ਸਮਾਂ-ਸਾਰਣੀਆਂ ਨੂੰ ਰੀਬੂਟ ਕਰਨ ਦਾ ਫੈਸਲਾ ਕੀਤਾ, ਜਿਸ ਦੇ ਨਤੀਜੇ ਵਜੋਂ ਹੁਣ ਤੱਕ ਦੀਆਂ ਸਭ ਤੋਂ ਵੱਧ ਉਡਾਣਾਂ ਰੱਦ ਹੋਈਆਂ ਪਰ ਕੱਲ੍ਹ ਤੋਂ ਸ਼ੁਰੂ ਹੋਣ ਵਾਲੇ ਅਗਾਂਹਵਧੂ ਸੁਧਾਰਾਂ ਲਈ ਇਹ ਜ਼ਰੂਰੀ ਸੀ।” ਐਲਬਰਸ ਨੇ ਕਿਹਾ ਸੀ, “ਇਨ੍ਹਾਂ ਕਾਰਵਾਈਆਂ ਨਾਲ, ਅਸੀਂ ਉਮੀਦ ਕਰਦੇ ਹਾਂ ਕਿ ਸ਼ਨਿਚਰਵਾਰ 1,000 ਤੋਂ ਘੱਟ ਉਡਾਣਾਂ ਰੱਦ ਹੋਣਗੀਆਂ। ਡੀ.ਜੀ.ਸੀ.ਏ. (DGCA) ਦੁਆਰਾ ਖਾਸ ਐਫ.ਡੀ.ਟੀ.ਐਲ. (FDTL) ਲਾਗੂ ਕਰਨ ਵਿੱਚ ਰਾਹਤ ਪ੍ਰਦਾਨ ਕਰਨਾ ਬਹੁਤ ਮਦਦਗਾਰ ਹੈ।”
ਹਵਾਬਾਜ਼ੀ ਰੈਗੂਲੇਟਰ ਡੀ.ਜੀ.ਸੀ.ਏ. ਨੇ ਨਵੇਂ ਫਲਾਈਟ ਡਿਊਟੀ ਟਾਈਮ ਲਿਮਿਟੇਸ਼ਨਜ਼ (FDTL) ਨਿਯਮਾਂ ਨੂੰ ਲਾਗੂ ਕਰਨ ’ਤੇ ਰੋਕ ਲਗਾ ਦਿੱਤੀ ਹੈ, ਅਤੇ ਇਨ੍ਹਾਂ ਨਿਯਮਾਂ ਨੂੰ ਲਾਗੂ ਕਰਨ ਦੇ ਦੂਜੇ ਪੜਾਅ ਦੀ ਯੋਜਨਾਬੰਦੀ ਵਿੱਚ ਕਮੀਆਂ ਮੌਜੂਦਾ ਉਡਾਣ ਗੜਬੜੀਆਂ ਦੇ ਮੁੱਖ ਕਾਰਕਾਂ ਵਿੱਚੋਂ ਇੱਕ ਹਨ।
ਦੱਸ ਦਈਏ ਕਿ ਇੰਡੀਗੋ ਦੇਸ਼ ਦੀ ਸਭ ਤੋਂ ਵੱਡੀ ਏਅਰਲਾਈਨ ਹੈ ਅਤੇ ਆਮ ਤੌਰ ’ਤੇ ਰੋਜ਼ਾਨਾ ਲਗਭਗ 2,300 ਉਡਾਣਾਂ ਦਾ ਸੰਚਾਲਨ ਕਰਦੀ ਹੈ।
