ਨਾਲੇ ਦੀ ਸਫ਼ਾਈ ਨਾ ਹੋਣ ਕਾਰਨ ਸੜਕ ’ਤੇ ਗੰਦਗੀ ਫੈਲੀ

ਸਰਬਜੀਤ ਸਿੰਘ ਭੱਟੀ

ਲਾਲੜੂ, 29 ਜੂਨ

ਨਗਰ ਕੌਂਸਲ ਲਾਲੜੂ ਵੱਲੋਂ ਗੰਦੇ ਨਾਲਿਆਂ ਦੀ ਸਫ਼ਾਈ ਦੇ ਪ੍ਰਬੰਧਾਂ ਦੀ ਉਸ ਵੇਲੇ ਪੋਲ ਖੁੱਲ੍ਹ ਗਈ ਜਦੋਂ ਪਹਿਲੀ ਬਰਸਾਤ ਦੇ ਅੰਦਰ ਹੀ ਸਰਦਾਰਪੁਰਾ ਮੁਹੱਲੇ ਵਿੱਚ ਗੋਲ ਗੁਰਦੁਆਰੇ ਨੇੜੇ ਬਰਸਾਤੀ ਤੇ ਗੰਦੇ ਪਾਣੀ ਦੇ ਨਿਕਾਸ ਦਾ ਪ੍ਰਬੰਧ ਨਾ ਹੋਣ ਕਾਰਨ ਗੰਦਗੀ ਸੜਕਾਂ ’ਤੇ ਫੈਲ ਗਈ। ਸਰਦਾਰਪੁਰਾ ਮੁਹੱਲਾ ਵਾਸੀ ਕਰਨੈਲ ਸਿੰਘ ਜੌਲੀ, ਮੁਲਾਜ਼ਮ ਆਗੂ ਮਹਿੰਦਰ ਸਿੰਘ ਸੈਣੀ, ਹਰਵਿੰਦਰ ਸਿੰਘ ਝਰਮੜੀ, ਐਡਵੋਕੇਟ ਮਨਿੰਦਰ ਸਿੰਘ ਆਦਿ ਨੇ ਇੱਥੋਂ ਹੰਡੇਸਰਾ ਰੋਡ ਵੱਲ ਜਾਂਦੀ ਸੜਕ ਦੇ ਨਾਲ ਨਾਲ ਪਾਣੀ ਦੇ ਨਿਕਾਸੀ ਲਈ ਬਣਿਆ ਨਾਲਾ ਗੰਦਗੀ ਨਾਲ ਭਰਿਆ ਪਿਆ। ਮੀਂਹ ਪੈਣ ਕਾਰਨ ਇਹ ਗੰਦਗੀ ਸੜਕ ’ਤੇ ਆ ਗਈ। ਉਨ੍ਹਾਂ ਨਗਰ ਕੌਂਸਲ ਦੇ ਉੱਚ ਅਧਿਕਾਰੀਆਂ ਤੋਂ ਮੰਗ ਕੀਤੀ ਕਿ ਸਫ਼ਾਈ ਦਾ ਯੋਗ ਪ੍ਰਬੰਧ ਕਰਵਾਇਆ ਜਾਵੇ।

ਇਸੇ ਦੌਰਾਨ ਨਗਰ ਕੌਂਸਲ ਦੇ ਏਐੱਮਈ ਹਰਦੀਪ ਸਿੰਘ ਨੇ ਕਿਹਾ ਕਿ ਉਹ ਤੁਰੰਤ ਹੀ ਸਫ਼ਾਈ ਕਰਮਚਾਰੀਆਂ ਦੀ ਟੀਮ ਨੂੰ ਮੌਕੇ ’ਤੇ ਭੇਜ ਰਹੇ ਹਨ ਤਾਂ ਜੋ ਪਾਣੀ ਦਾ ਨਿਕਾਸੀ ਕਰਵਾਇਆ ਜਾ ਸਕੇ।