ਡੇਰਾਬੱਸੀ-ਮੁਬਾਰਕਪੁਰ-ਰਾਮਗੜ੍ਹ ਸੜਕ ਬਣਨੀ ਸ਼ੁਰੂ
ਹਲਕਾ ਵਿਧਾਇਕ ਕੁਲਜੀਤ ਸਿੰਘ ਰੰਧਾਵਾ ਨੇ ਅੱਜ ਡੇਰਾਬੱਸੀ-ਮੁਬਾਰਕਪੁਰ-ਰਾਮਗੜ੍ਹ ਸੜਕ ਜਿਸ ਦੀ ਲੰਬਾਈ 7.40 ਕਿਲੋਮੀਟਰ, ਦੇ ਨਿਰਮਾਣ ਕੰਮ ਦਾ ਨੀਹ ਪੱਥਰ ਰੱਖ ਕੇ ਸ਼ੁਰੂਆਤ ਕਰਵਾਈ। ਇਹ ਪ੍ਰਾਜੈਕਟ 10.01 ਕਰੋੜ ਰੁਪਏ ਦੀ ਲਾਗਤ ਨਾਲ ਮੁਕੰਮਲ ਹੋਵੇਗਾ। ਵਿਧਾਇਕ ਰੰਧਾਵਾ ਨੇ ਮੁੱਖ ਮੰਤਰੀ ਭਗਵੰਤ...
ਹਲਕਾ ਵਿਧਾਇਕ ਕੁਲਜੀਤ ਸਿੰਘ ਰੰਧਾਵਾ ਨੇ ਅੱਜ ਡੇਰਾਬੱਸੀ-ਮੁਬਾਰਕਪੁਰ-ਰਾਮਗੜ੍ਹ ਸੜਕ ਜਿਸ ਦੀ ਲੰਬਾਈ 7.40 ਕਿਲੋਮੀਟਰ, ਦੇ ਨਿਰਮਾਣ ਕੰਮ ਦਾ ਨੀਹ ਪੱਥਰ ਰੱਖ ਕੇ ਸ਼ੁਰੂਆਤ ਕਰਵਾਈ। ਇਹ ਪ੍ਰਾਜੈਕਟ 10.01 ਕਰੋੜ ਰੁਪਏ ਦੀ ਲਾਗਤ ਨਾਲ ਮੁਕੰਮਲ ਹੋਵੇਗਾ।
ਵਿਧਾਇਕ ਰੰਧਾਵਾ ਨੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਅਤੇ ਲੋਕ ਨਿਰਮਾਣ ਵਿਭਾਗ ਦੇ ਮੰਤਰੀ ਹਰਭਜਨ ਸਿੰਘ ਈਟੀਓ ਦਾ ਧੰਨਵਾਦ ਕਰਦਿਆਂ ਦੱਸਿਆ ਕਿ ਇਸ ਪ੍ਰਾਜੈਕਟ ਅਧੀਨ ਸੜਕ ਨੂੰ ਪੂਰੀ ਮਜ਼ਬੂਤੀ ਨਾਲ ਦੁਬਾਰਾ ਬਣਾਇਆ ਜਾਵੇਗਾ। ਇਸ ਦੀ ਪੰਜ ਸਾਲ ਦੀ ਦੇਖ ਰੇਖ ਵੀ ਸਬੰਧਤ ਉਸਾਰੀ ਕੰਪਨੀ ਵੱਲੋਂ ਕੀਤੀ ਜਾਵੇਗੀ।
ਉਨ੍ਹਾਂ ਕਿਹਾ ਕਿ ਇਸ ਤੋਂ ਇਲਾਵਾ, ਸੁੰਡਰਾਂ ਜੰਕਸ਼ਨ ਅਤੇ ਮੋੜ ਠੀਕਰੀ ਲਿੰਕ ਰੋਡ ਤੋਂ ਦਫ਼ਰਪੁਰ ਤੱਕ ਦੇ ਹਿੱਸੇ ਨੂੰ ਇੰਟਰਲਾਕਿੰਗ ਟਾਈਲਾਂ ਨਾਲ ਸੁਧਾਰਿਆ ਜਾਵੇਗਾ। ਲਗਪਗ ਚਾਰ ਕਿਲੋਮੀਟਰ ਲੰਬਾਈ ਤੱਕ ਸੜਕ ਦੇ ਦੋਵਾਂ ਪਾਸਿਆਂ ’ਤੇ ਬਰਮ ਪੱਕੇ ਕੀਤੇ ਜਾਣਗੇ। ਸੜਕ ਦੀ ਸੁਰੱਖਿਆ ਲਈ ਰੋਡ ਸਾਈਨ, ਡਿਵਾਈਡਰ ਲਾਈਨਾਂ ਅਤੇ ਹੋਰ ਸੜਕ ਸਾਜੋ-ਸਾਮਾਨ ਵੀ ਲਗਾਏ ਜਾਣਗੇ।
ਉਨ੍ਹਾਂ ਕਿਹਾ ਕਿ ਪ੍ਰਾਜੈਕਟ ਦੀ ਪਹਿਲੀ ਤਰਜੀਹ ਮੁਬਾਰਕਪੁਰ-ਸੁੰਡਰਾਂ ਚੌਰਾਹੇ, ਮੁਬਾਰਕਪੁਰ ਅੰਡਰਪਾਸ ਅਤੇ ਦਫ਼ਰਪੁਰ ਮੋੜ ਦੀ ਮੁਰੰਮਤ ਹੋਵੇਗੀ, ਜਿਸ ਦਾ ਕੰਮ ਜੇ ਮੌਸਮ ਅਨੁਕੂਲ ਰਿਹਾ ਤਾਂ ਦੋ ਮਹੀਨਿਆਂ ਵਿੱਚ ਪੂਰਾ ਹੋ ਜਾਵੇਗਾ। ਉਨ੍ਹਾਂ ਰਾਮਗੜ੍ਹ ਰੋਡ ਦੇ ਨਾਲ ਸਥਿਤ ਉਦਯੋਗਾਂ ਅਤੇ ਸਟੋਨ ਕਰਸ਼ਰਾਂ ਦੇ ਮਾਲਕਾਂ ਨੂੰ ਬੇਨਤੀ ਕੀਤੀ ਕਿ ਉਹ ਸੜਕ ਦੀ ਮਜ਼ਬੂਤੀ ਲਈ ਪ੍ਰਸ਼ਾਸਨ ਨਾਲ ਸਹਿਯੋਗ ਕਰਨ।
