ਬਿਰਧ ਮਹਿਲਾ ਨਾਲ ਧੋਖਾਧੜੀ

ਪੰਚਕੂਲਾ ਦੇ ਸਿਵਲ ਹਸਪਤਾਲ ਵਿੱਚ ਇਲਾਜ ਲਈ ਆਈ 80 ਸਾਲਾ ਇੱਕ ਮਹਿਲਾ ਨੂੰ ਧੋਖੇਬਾਜ਼ਾਂ ਨੇ 10 ਲੱਖ ਰੁਪਏ ਦਾ ਲਾਲਚ ਦੇ ਕੇ ਫਸਾਇਆ ਅਤੇ 50,000 ਰੁਪਏ ਤੋਂ ਵੱਧ ਦੇ ਗਹਿਣੇ ਠੱਗ ਲਏ। ਜਦੋਂ ਔਰਤ ਨੇ ਘਟਨਾ ਬਾਰੇ ਦੱਸਣ ਲਈ ਨੋਟਾਂ...

Pattar Parerak

ਪੰਚਕੂਲਾ, 05:00 AM Oct 10, 2025 IST

ਪੰਚਕੂਲਾ ਦੇ ਸਿਵਲ ਹਸਪਤਾਲ ਵਿੱਚ ਇਲਾਜ ਲਈ ਆਈ 80 ਸਾਲਾ ਇੱਕ ਮਹਿਲਾ ਨੂੰ ਧੋਖੇਬਾਜ਼ਾਂ ਨੇ 10 ਲੱਖ ਰੁਪਏ ਦਾ ਲਾਲਚ ਦੇ ਕੇ ਫਸਾਇਆ ਅਤੇ 50,000 ਰੁਪਏ ਤੋਂ ਵੱਧ ਦੇ ਗਹਿਣੇ ਠੱਗ ਲਏ। ਜਦੋਂ ਔਰਤ ਨੇ ਘਟਨਾ ਬਾਰੇ ਦੱਸਣ ਲਈ ਨੋਟਾਂ ਦਾ ਬੰਡਲ ਖੋਲ੍ਹਿਆ ਤਾਂ ਉਸਨੂੰ ਕਾਗਜ਼ ਅਤੇ ਪੱਥਰ ਮਿਲੇ। ਪੁਲੀਸ ਨੇ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਇਸ ਦੌਰਾਨ ਹਸਪਤਾਲ ਪ੍ਰਬੰਧਨ ਦਾ ਕਹਿਣਾ ਹੈ ਕਿ ਬੰਡਲ ਵਿੱਚੋਂ ਕੁਝ ਨੋਟ ਗਾਇਬ ਸਨ। ਬਾਅਦ ਵਿੱਚ ਜਦੋਂ ਸੀਤਾ ਦੇਵੀ ਨੂੰ ਬੰਡਲ ਮਿਲਿਆ ਤਾਂ ਉਸਨੇ ਪੁਲਿਸ ਨੂੰ ਸੂਚਿਤ ਕੀਤਾ। ਪੁਲੀਸ ਨੇ ਕਿਹਾ ਕਿ ਘਟਨਾ ਸਥਾਨ ’ਤੇ ਸੀਸੀਟੀਵੀ ਕੈਮਰੇ ਖਰਾਬ ਸਨ, ਜਿਸ ਕਾਰਨ ਜਾਂਚ ਵਿੱਚ ਰੁਕਾਵਟ ਆ ਰਹੀ ਹੈ। ਪੁਲੀਸ ਆਲੇ-ਦੁਆਲੇ ਦੇ ਇਲਾਕਿਆਂ ਵਿੱਚ ਲੱਗੇ ਕੈਮਰਿਆਂ ਦੀ ਫੁਟੇਜ ਦੀ ਜਾਂਚ ਕਰ ਰਹੀ ਹੈ ਅਤੇ ਮੁਲਜ਼ਮਾਂ ਦੇ ਸੁਰਾਗ ਲੱਭ ਰਹੀ ਹੈ। ਚੰਡੀਕੋਟਲਾ ਦੀ ਰਹਿਣ ਵਾਲੀ ਸੀਤਾ ਦੇਵੀ ਨੇ ਕਿਹਾ ਕਿ ਉਸਦੀ ਕੁਝ ਸਮਾਂ ਪਹਿਲਾਂ ਅੱਖਾਂ ਦੀ ਸਰਜਰੀ ਹੋਈ ਸੀ। ਉਹ ਸਿਵਲ ਹਸਪਤਾਲ ਦੇ ਸੀਨੀਅਰ ਸਿਟੀਜ਼ਨ ਹੱਟ ਵਿੱਚ ਦਵਾਈ ਲੈਣ ਲਈ ਆਈ ਸੀ।