WhatsApp ਨੇ ਲਾਂਚ ਕੀਤਾ 'ਸੇਫਟੀ ਓਵਰਵਿਊ' ਟੂਲ; scam centres ਨਾਲ ਜੁੜੇ 68 ਲੱਖ ਅਕਾਊਂਟ ਬੰਦ ਕੀਤੇ
WhatsApp ਨੇ ਇੱਕ ਨਵਾਂ 'ਸੇਫਟੀ ਓਵਰਵਿਊ' ਸੰਦ ਲਾਂਚ ਕੀਤਾ ਹੈ, ਜੋ ਵਰਤੋਂਕਾਰ ਨੂੰ ਕਿਸੇ ਅਜਿਹੇ ਵਿਅਕਤੀ ਵੱਲੋਂ ਕਿਸੇ ਨਵੇਂ WhatsApp ਗਰੁੱਪ ਵਿਚ ਸ਼ਾਮਲ ਕੀਤੇ ਜਾਣ ਮੌਕੇ ਸੁਚੇਤ ਕਰੇਗਾ, ਜਿਸ ਵ੍ਹਟਸਐਪ ਵਰਤੋਂਕਾਰ ਦਾ ਨੰਬਰ ਸਬੰਧਤ ਵਿਅਕਤੀ ਦੇ ਫੋਨ ਵਿਚ ਸੇਵ ਨਾ ਹੋਵੇ ਤੇ ਉਹ ਉਸ ਨੂੰ ਸੰਭਵ ਤੌਰ ’ਤੇ ਜਾਣਦਾ ਨਾ ਹੋਵੇ। ਭਾਵ ਜਦੋਂ ਕੋਈ ਅਣਜਾਣ ਬੰਦਾ ਤੁਹਾਨੂੰ ਕਿਸੇ ਗਰੁੱਪ ਵਿਚ ਐਡ ਕਰਦਾ ਹੋਵੇ।
ਮੇਟਾ ਦਾ ਮੈਸੇਜਿੰਗ ਪਲੇਟਫਾਰਮ ਵ੍ਹਟਸਐਪ ਘੁਟਾਲਿਆਂ ਅਤੇ ਧੋਖਾਧੜੀ ਵਿਰੁੱਧ ਆਪਣੀ ਕਾਰਵਾਈ ਹੁਣ ਤੇਜ਼ ਕਰ ਰਿਹਾ ਹੈ। ਇਸ ਵਿੱਚ ਕਿਹਾ ਗਿਆ ਹੈ ਕਿ ਸੇਫਟੀ ਓਵਰਵਿਊ ਵਿੱਚ ਗਰੁੱਪ ਬਾਰੇ ਮੁੱਖ ਜਾਣਕਾਰੀ ਅਤੇ ਸੁਰੱਖਿਅਤ ਰਹਿਣ ਦੇ ਸੁਝਾਅ ਸ਼ਾਮਲ ਹੋਣਗੇ।
WhatsApp ਦੇ ਅਨੁਸਾਰ, ‘‘ਉੱਥੋਂ, ਤੁਸੀਂ ਕਦੇ ਵੀ ਚੈਟ ਨੂੰ ਦੇਖੇ ਬਿਨਾਂ ਗਰੁੱਪ ਤੋਂ ਬਾਹਰ ਨਿਕਲ ਸਕਦੇ ਹੋ ਅਤੇ ਜੇ ਤੁਸੀਂ ਸੇਫਟੀ ਓਵਰਵਿਊ ਦੇਖਣ ਤੋਂ ਬਾਅਦ ਗਰੁੱਪ ਨੂੰ ਪਛਾਣਦੇ ਹੋ, ਤਾਂ ਤੁਸੀਂ ਹੋਰ ਸੰਦਰਭ ਲਈ ਚੈਟ ਦੇਖਣ ਦੀ ਚੋਣ ਕਰ ਸਕਦੇ ਹੋ।’’
ਇਸ ਦੇ ਨਾਲ ਹੀ ਉਪਭੋਗਤਾ ਦੇ ਰਹਿਣ ਦੀ ਇੱਛਾ ’ਤੇ ਨਿਸ਼ਾਨ ਲਗਾਉਣ ਤੱਕ ਗਰੁੱਪ ਤੋਂ ਆਉਣ ਵਾਲੀਆਂ ਸੂਚਨਾਵਾਂ ਨੂੰ ਸਾਈਲੈਂਟ ਕਰ ਦਿੱਤਾ ਜਾਵੇਗਾ।
ਮੇਟਾ ਦੇ ਮੈਸੇਜਿੰਗ ਪਲੇਟਫਾਰਮ ਨੇ ਹੋਰ ਕਿਹਾ ਕਿ ਇਹ ਉਨ੍ਹਾਂ ਲੋਕਾਂ ਬਾਰੇ ਹੋਰ ਹਵਾਲੇ ਦਿਖਾ ਕੇ ਖ਼ਪਤਕਾਰਾਂ ਨੂੰ ਸੁਚੇਤ ਕਰਨ ਦੇ ਤਰੀਕਿਆਂ ਦੀ ਖੋਜ ਕਰ ਰਿਹਾ ਹੈ, ਜਦੋਂ ਉਹ ਸੰਪਰਕਾਂ ਵਿੱਚ ਨਾ ਹੋਣ ਵਾਲੇ ਕਿਸੇ ਵਿਅਕਤੀ ਨਾਲ ਚੈਟ ਸ਼ੁਰੂ ਕਰਦੇ ਹਨ।
ਇਸ ਸਾਲ ਦੇ ਪਹਿਲੇ ਛੇ ਮਹੀਨਿਆਂ ਵਿੱਚ ਲੋਕਾਂ ਨੂੰ ਘੁਟਾਲਿਆਂ ਤੋਂ ਬਚਾਉਣ ਦੀਆਂ ਆਪਣੀਆਂ ਕੋਸ਼ਿਸ਼ਾਂ ਦੇ ਹਿੱਸੇ ਵਜੋਂ WhatsApp ਅਤੇ ਮੇਟਾ ਦੀਆਂ ਸੁਰੱਖਿਆ ਟੀਮਾਂ ਨੇ ਘੁਟਾਲਿਆਂ ਦੇ ਕੇਂਦਰਾਂ (scam centres) ਨਾਲ ਜੁੜੇ 6.8 ਮਿਲੀਅਨ ਤੋਂ ਵੱਧ ਅਕਾਊਂਟਾਂ ਦਾ ਪਤਾ ਲਗਾਇਆ ਅਤੇ ਉਨ੍ਹਾਂ ਨੂੰ ਬੈਨ ਕਰ ਦਿੱਤਾ ਹੈ।
ਇੱਕ ਮਿਸਾਨ ਦਿੰਦਿਆਂ ਇਸ ਵਿਚ ਕਿਹਾ ਗਿਆ ਹੈ ਕਿ ਹਾਲ ਹੀ ਵਿੱਚ WhatsApp, ਮੇਟਾ ਅਤੇ OpenAI ਨੇ ਕੰਬੋਡੀਆ ਵਿੱਚ ਇੱਕ ਅਪਰਾਧਿਕ ਘੁਟਾਲੇ ਦੇ ਕੇਂਦਰ ਨਾਲ ਸਬੰਧਤ ਘੁਟਾਲਿਆਂ ਦੀਆਂ ਕੋਸ਼ਿਸ਼ਾਂ ਨੂੰ ਖਤਮ ਕਰ ਦਿੱਤਾ ਸੀ। ਇਹਨਾਂ ਕੋਸ਼ਿਸ਼ਾਂ ਵਿੱਚ ਜਾਅਲੀ ਲਾਈਕਾਂ ਲਈ ਭੁਗਤਾਨ ਦੀ ਪੇਸ਼ਕਸ਼ ਤੋਂ ਲੈ ਕੇ ਦੂਜਿਆਂ ਨੂੰ ਰੈਂਟ-ਏ-ਸਕੂਟਰ ਪਿਰਾਮਿਡ ਸਕੀਮ ਵਿੱਚ ਸ਼ਾਮਲ ਕਰਨਾ ਜਾਂ ਲੋਕਾਂ ਨੂੰ ਕ੍ਰਿਪਟੋਕਰੰਸੀ ਵਿੱਚ ਨਿਵੇਸ਼ ਕਰਨ ਲਈ ਲੁਭਾਉਣਾ ਸ਼ਾਮਲ ਸੀ।
ਇਸ ਵਿਚ ਕਿਹਾ ਗਿਆ ਹੈ, "ਜਿਵੇਂ ਕਿ OpenAI ਨੇ ਰਿਪੋਰਟ ਕੀਤਾ ਹੈ, ਘੁਟਾਲਿਆਂ ਨੇ ਇੱਕ WhatsApp ਚੈਟ ਦੇ ਲਿੰਕ ਵਾਲਾ ਸ਼ੁਰੂਆਤੀ ਟੈਕਸਟ ਸੁਨੇਹਾ ਤਿਆਰ ਕਰਨ ਲਈ ChatGPT ਦੀ ਵਰਤੋਂ ਕੀਤੀ ਅਤੇ ਫਿਰ ਤੇਜ਼ੀ ਨਾਲ ਟਾਰਗੇਟ ਨੂੰ ਟੈਲੀਗ੍ਰਾਮ ਵੱਲ ਨਿਰਦੇਸ਼ਿਤ ਕੀਤਾ ਜਿੱਥੇ ਉਹਨਾਂ ਨੂੰ TikTok 'ਤੇ ਵੀਡੀਓ ਪਸੰਦ ਕਰਨ ਦਾ ਕੰਮ ਸੌਂਪਿਆ ਗਿਆ ਸੀ।’’
ਇਸ ਮੁਤਾਬਕ ਇਕ ਘੁਟਾਲੇ ਦੀ ਸਕੀਮ ਵਿੱਚ ‘‘ਕੰਮ ਵਜੋਂ ਉਨ੍ਹਾਂ ਨੂੰ ਇੱਕ ਕ੍ਰਿਪਟੋ ਅਕਾਊਂਟ ਵਿੱਚ ਪੈਸੇ ਜਮ੍ਹਾਂ ਕਰਨ ਲਈ ਕਹਿਣ ਤੋਂ ਪਹਿਲਾਂ ਭਰੋਸਾ ਪੈਦਾ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ, ਜਿਸ ਵਿਚ ਇਹ ਦੱਸਿਆ ਗਿਆ ਕਿ ਟੀਚੇ ਨੇ ਸਿਧਾਂਤਕ ਤੌਰ ’ਤੇ ਪਹਿਲਾਂ ਹੀ ਕਿੰਨਹ 'ਕਮਾਈ' ਕੀਤੀ ਹੈ।’’
