Stock Market News: ਵਿਦੇਸ਼ੀ ਫੰਡਾਂ ਦੀ ਨਿਕਾਸੀ ਦੇ ਚਲਦਿਆਂ Sensex ਅਤੇ Nifty ਵਿਚ ਗਿਰਾਵਟ

ਮੁੰਬਈ, 8 ਨਵੰਬਰ

Stock Market News: ਵਿਦੇਸ਼ੀ ਫੰਡਾਂ ਦੀ ਲਗਾਤਾਰ ਨਿਕਾਸੀ ਅਤੇ ਬਲੂ-ਚਿੱਪ ਸਟਾਕ ਰਿਲਾਇੰਸ ਇੰਡਸਟਰੀਜ਼ ਤੇ ਆਈਸੀਆਈਸੀਆਈ ਬੈਂਕ ਦੇ ਕਮਜ਼ੋਰ ਰੁਖ ਦੇ ਵਿਚਕਾਰ ਸ਼ੁੱਕਰਵਾਰ ਨੂੰ ਸ਼ੁਰੂਆਤੀ ਕਾਰੋਬਾਰ ਵਿੱਚ ਸੈਂਸੈਕਸ ਅਤੇ ਨਿਫ਼ਟੀ ਵਿੱਚ ਗਿਰਾਵਟ ਆਈ। ਬਾਜ਼ਾਰ ’ਤੇ ਨਜ਼ਰ ਰੱਖਣ ਵਾਲਿਆਂ ਦਾ ਕਹਿਣਾ ਹੈ ਕਿ ਜਦੋਂ ਤੱਕ ਕਾਰਪੋਰੇਟ ਕਮਾਈ, ਖਪਤ ’ਚ ਤੇਜ਼ੀ ਅਤੇ ਵਿਦੇਸ਼ੀ ਫੰਡਾਂ ਦੇ ਪ੍ਰਵਾਹ ’ਤੇ ਸਪੱਸ਼ਟਤਾ ਨਹੀਂ ਆਉਂਦੀ, ਉਦੋਂ ਤੱਕ ਭਾਰਤੀ ਬਾਜ਼ਾਰ ਦੇ ਇਕ ਪਾਸੇ ਵਪਾਰ ਕਰਨ ਦੀ ਸੰਭਾਵਨਾ ਹੈ।

ਉਨ੍ਹਾਂ ਕਿਹਾ ਕਿ ਇਸ ਦੌਰਾਨ ਯੂਐੱਸ ਫੈੱਡ ਨੇ ਲਗਾਤਾਰ ਦੂਜੀ ਮੀਟਿੰਗ ’ਚ ਦਰਾਂ ਵਿੱਚ ਕਟੌਤੀ ਕੀਤੀ ਹੈ ਕਿਉਂਕਿ ਮਹਿੰਗਾਈ ਪ੍ਰਿੰਟ ਅਨੁਕੂਲ ਰਿਹਾ ਹੈ, ਹਾਲਾਂਕਿ ਦੂਜੇ ਪਾਸੇ ਭਾਰਤ ਸਟੀਕ ਖੁਰਾਕੀ ਮਹਿੰਗਾਈ ਦਾ ਸਾਹਮਣਾ ਕਰ ਰਿਹਾ ਹੈ, ਪਰ ਨਾਲ ਹੀ ਵਿਕਾਸ ਦੀਆਂ ਸੰਭਾਵਨਾਵਾਂ ਘੱਟ ਹਨ। ਰਿਜ਼ਰਵ ਬੈਂਕ ਅਗਲੇ ਮਹੀਨੇ ਆਪਣੀ ਮੁਦਰਾ ਨੀਤੀ ਦੇ ਸਬੰਧ ਵਿਚ ਮੀਟਿੰਗ ਕਰੇਗਾ। ਬੀਐੱਸਈ ਬੈਂਚਮਾਰਕ ਸੈਂਸੈਕਸ ਸ਼ੁਰੂਆਤੀ ਕਾਰੋਬਾਰ ’ਚ 424.42 ਅੰਕ ਡਿੱਗ ਕੇ 79,117.37 'ਤੇ ਆ ਗਿਆ। NSE ਨਿਫ਼ਟੀ 132.7 ਅੰਕ ਡਿੱਗ ਕੇ 24,066.65 ’ਤੇ ਆ ਗਿਆ। ਪੀਟੀਆਈ