X ਅਤੇ Grok ਨੂੰ Apple ਵੱਲੋਂ ਚੋਟੀ ਦੇ ਐਪਸ ਵਿੱਚ ਸ਼ਾਮਲ ਨਾ ਕਰਨ ’ਤੇ Alon Musk ਵੱਲੋਂ ਕੇਸ ਕਰਨ ਦੀ ਯੋਜਨਾ

ਅਰਬਪਤੀ ਸਪੇਸਐਕਸ, ਟੇਸਲਾ ਅਤੇ ਐਕਸ ਦੇ ਮਾਲਕ ਐਲਨ ਮਸਕ ਨੇ ਕਿਹਾ ਹੈ ਕਿ ਉਹ ਐਕਸ ਅਤੇ ਇਸ ਦੇ ਗ੍ਰੋਕ ਆਰਟੀਫਿਸ਼ੀਅਲ ਇੰਟੈਲੀਜੈਂਸ ਚੈਟਬੋਟ ਐਪ ਨੂੰ ਆਪਣੇ ਐਪ ਸਟੋਰ ਵਿੱਚ ਚੋਟੀ ਦੇ ਸਿਫ਼ਾਰਸ਼ ਕੀਤੇ ਐਪਸ ਵਿੱਚ ਸ਼ਾਮਲ ਨਾ ਕਰਨ ’ਤੇ ਐਪਲ ’ਤੇ ਕੇਸ ਕਰਨ ਦੀ ਯੋਜਨਾ ਬਣਾ ਰਹੇ ਹਨ।

ਮਸਕ ਨੇ ਸੋਮਵਾਰ ਦੇਰ ਰਾਤ ਐਕਸ ’ਤੇ ਟਿੱਪਣੀਆਂ ਪੋਸਟ ਕਰਦੇ ਹੋਏ ਕਿਹਾ, “@Apple ਐਪ ਸਟੋਰ, ਤੁਸੀਂ ਐਕਸ ਜਾਂ ਗ੍ਰੋਕ ਨੂੰ ਆਪਣੇ 'ਮਸਟ ਹੈਵ' ਸੈਕਸ਼ਨ ਵਿੱਚ ਰੱਖਣ ਤੋਂ ਇਨਕਾਰ ਕਿਉਂ ਕਰਦੇ ਹੋ ਜਦੋਂ ਐਕਸ ਦੁਨੀਆ ਵਿੱਚ ਨੰ. #1 ਨਿਊਜ਼ ਐਪ ਹੈ ਅਤੇ ਗ੍ਰੋਕ ਸਾਰੀਆਂ ਐਪਸ ਵਿੱਚੋਂ #5 ’ਤੇ ਹੈ? ਕੀ ਤੁਸੀਂ ਰਾਜਨੀਤੀ ਖੇਡ ਰਹੇ ਹੋ? ਕੀ ਗੱਲ ਹੈ? ਜਾਂਚ ਕਰਨ ਵਾਲੇ ਜਾਣਨਾ ਚਾਹੁੰਦੇ ਹਨ।” ਗ੍ਰੋਕ ਮਸਕ ਦੀ ਆਰਟੀਫਿਸ਼ੀਅਲ ਇੰਟੈਲੀਜੈਂਸ ਸਟਾਰਟਅੱਪ xAI ਦੀ ਮਲਕੀਅਤ ਹੈ।

ਮਸਕ ਨੇ ਅੱਗੇ ਕਿਹਾ ਕਿ "ਐਪਲ ਅਜਿਹਾ ਵਿਵਹਾਰ ਕਰ ਰਿਹਾ ਹੈ, ਜੋ ਓਪਨਏਆਈ ਤੋਂ ਇਲਾਵਾ ਕਿਸੇ ਵੀ ਏਆਈ ਕੰਪਨੀ ਲਈ ਐਪ ਸਟੋਰ ਵਿੱਚ #1 ’ਤੇ ਪਹੁੰਚਣਾ ਅਸੰਭਵ ਬਣਾਉਂਦਾ ਹੈ, ਜੋ ਕਿ ਇੱਕ ਸਪੱਸ਼ਟ ਐਂਟੀਟਰੱਸਟ ਉਲੰਘਣਾ ਹੈ। xAI ਤੁਰੰਤ ਕਾਨੂੰਨੀ ਕਾਰਵਾਈ ਕਰੇਗਾ।” ਉਨ੍ਹਾਂ ਨੇ ਇਸ ਬਾਰੇ ਹੋਰ ਵੇਰਵੇ ਨਹੀਂ ਦਿੱਤੇ।

ਦੂਜੇ ਪਾਸੇ ਐਪਲ ਵੱਲੋਂ ਤੁਰੰਤ ਕੋਈ ਟਿੱਪਣੀ ਨਹੀਂ ਕੀਤੀ ਗਈ, ਜਿਸ ਨੂੰ ਹਾਲ ਹੀ ਦੇ ਸਾਲਾਂ ਵਿੱਚ ਐਂਟੀਟਰੱਸਟ ਉਲੰਘਣਾ ਦੇ ਵੱਖ-ਵੱਖ ਦੋਸ਼ਾਂ ਦਾ ਸਾਹਮਣਾ ਕਰਨਾ ਪਿਆ ਹੈ। ਇੱਕ ਸੰਘੀ ਜੱਜ ਨੇ ਹਾਲ ਹੀ ਵਿੱਚ ਪਾਇਆ ਕਿ ਐਪਲ ਨੇ ਫੋਰਟਨਾਈਟ ਬਣਾਉਣ ਵਾਲੀ ਐਪਿਕ ਗੇਮਜ਼ ਵੱਲੋਂ ਦਾਇਰ ਇੱਕ ਐਂਟੀਟਰੱਸਟ ਕੇਸ ਵਿੱਚ ਅਦਾਲਤ ਦੇ ਹੁਕਮ ਦੀ ਉਲੰਘਣਾ ਕੀਤੀ ਹੈ। 27 ਦੇਸ਼ਾਂ ਵਾਲੇ ਯੂਰਪੀਅਨ ਯੂਨੀਅਨ ਦੇ ਰੈਗੂਲੇਟਰਾਂ ਨੇ ਅਪਰੈਲ ਵਿੱਚ ਐਪਲ ’ਤੇ ਮੁਕਾਬਲੇ ਦੇ ਨਿਯਮਾਂ ਨੂੰ ਤੋੜਨ ਲਈ 500 ਮਿਲੀਅਨ ਯੂਰੋ ਦਾ ਜੁਰਮਾਨਾ ਲਗਾਇਆ ਸੀ, ਜਿਸ ਵਿੱਚ ਐਪ ਬਣਾਉਣ ਵਾਲਿਆਂ ਨੂੰ ਐਪ ਸਟੋਰ ਤੋਂ ਬਾਹਰ ਸਸਤੇ ਵਿਕਲਪਾਂ ਵੱਲ ਇਸ਼ਾਰਾ ਕਰਨ ਤੋਂ ਰੋਕਿਆ ਗਿਆ ਸੀ।

ਪਿਛਲੇ ਸਾਲ, ਯੂਰਪੀਅਨ ਯੂਨੀਅਨ ਨੇ ਯੂਐੱਸ ਟੈਕ ਦਿੱਗਜ ’ਤੇ ਲਗਭਗ $2 ਬਿਲੀਅਨ ਦਾ ਜੁਰਮਾਨਾ ਲਗਾਇਆ ਸੀ ਕਿਉਂਕਿ ਉਸਨੇ ਆਪਣੇ ਖੁਦ ਦੇ ਸੰਗੀਤ ਸਟ੍ਰੀਮਿੰਗ ਸੇਵਾ ਦਾ ਅਨੁਚਿਤ ਪੱਖ ਲਿਆ ਸੀ ਅਤੇ ਸਪੋਟੀਫਾਈ ਵਰਗੇ ਵਿਰੋਧੀਆਂ ਨੂੰ ਇਹ ਦੱਸਣ ਤੋਂ ਮਨ੍ਹਾ ਕੀਤਾ ਸੀ ਕਿ ਉਹ ਆਈਫੋਨ ਐਪਸ ਤੋਂ ਬਾਹਰ ਸਸਤੇ ਸਬਸਕ੍ਰਿਪਸ਼ਨ ਲਈ ਕਿਵੇਂ ਭੁਗਤਾਨ ਕਰ ਸਕਦੇ ਹਨ।

ਮੰਗਲਵਾਰ ਦੀ ਸਵੇਰ ਤੱਕ, ਐਪਲ ਦੇ ਐਪ ਸਟੋਰ ਵਿੱਚ ਚੋਟੀ ਦਾ ਐਪ ਟਿੱਕਟੋਕ ਸੀ, ਜਿਸ ਤੋਂ ਬਾਅਦ ਟਿੰਡਰ, ਡੂਓਲਿੰਗੋ, ਯੂਟਿਊਬ ਅਤੇ ਬੰਬਲ ਸਨ। ਓਪਨਏਆਈ ਦਾ ਚੈਟਜੀਪੀਟੀ 7ਵੇਂ ਸਥਾਨ ’ਤੇ ਸੀ।