ਤਰਨ ਤਾਰਨ: ਬੀਐਸਐਫ਼ ਤੇ ਪੁਲੀਸ ਵੱਲੋਂ ਹਥਿਆਰ ਬਰਾਮਦ

ਸੁਰੱਖਿਆ ਬਲਾਂ ਤੇ ਪੁਲੀਸ ਨੇ ਸਾਂਝੇ ਆਪਰੇਸ਼ਨ ਤਹਿਤ ਕਾਰਵਾਈ ਕਰਦਿਆਂ ਤਰਨ ਤਾਰਨ ਜ਼ਿਲ੍ਹੇ ਦੇ ਪਿੰਡ ਡਲ ਵਿੱਚੋਂ ਇੱਕ ਪਲਾਸਟਿਕ ਦੀ ਬੋਤਲ ਵਿੱਚ ਪਿਸਤੌਲ ਦੇ ਕੁੱਝ ਹਿੱਸੇ ਅਤੇ ਚਾਰ ਜ਼ਿੰਦਾ ਕਾਰਤੂਸ ਬਰਾਮਦ ਕੀਤੇ ਹਨ। ਟੀਮ ਨੇ ਦੱਸਿਆ ਕਿ ਇਸ ਬੋਤਲ ਉੱਤੇ ਪੀਲੀ ਟੇਪ ਨਾਲ ਲਪੇਟੀ ਹੋਈ ਸੀ, ਜਿਸਤੋਂ ਲੱਗ ਰਿਹਾ ਸੀ ਕਿ ਉਹ ਡਰੋਨ ਜ਼ਰੀਏ ਸੁੱਟੀ ਗਈ ਸੀ। ਬੀਐੱਸਐੱਫ਼ ਨੇ ਇਹ ਮਸ਼ਕ ਖੁਫ਼ੀਆ ਜਾਣਕਾਰੀ ਦੇ ਆਧਾਰ 'ਤੇ ਚਲਾਈ ਸੀ।

ਇਸਤੋਂ ਪਹਿਲਾਂ ਬੀਐੱਸਐੱਫ਼ ਨੇ ਅੰਮ੍ਰਿਤਸਰ ਦਿਹਾਤੀ ਪੁਲੀਸ ਨਾਲ ਕੀਤੇ ਆਪਰੇਸ਼ਨ ਤਹਿਤ ਪਿਸਤੋਲ, ਹੈਰੋਇਨ ਸਣੇ ਚਾਰ ਮੁਲਜ਼ਮਾਂ ਨੁੂੰ ਗ੍ਰਿਫ਼ਤਾਰ ਕੀਤਾ ਸੀ।

ਸ਼ਨਿਚਵਾਰ ਸਵੇਰੇ ਅੰਮ੍ਰਿਤਸਰ ਦੇ ਨੇੜਲੇ ਪਿੰਡ ਬੱਚੀਵਿੰਡ ਵਿੱਖੇ ਡਰੋਨ ਦੀ ਹਲਚਲ ਵੇਖੀ ਗਈ ਸਈ, ਜਿਸਤੋਂ ਬਾਅਦ ਸੁਰੱਖਿਆ ਬਲਾਂ ਨੇ ਪਿਸਤੌਲ, ਦੋ ਮੈਗਜ਼ੀਨ ਅਤੇ 10 ਜ਼ਿੰਦਾ ਕਾਰਤੂਸਾਂ ਸਣੇ ਇੱਕ ਮੁਲਜ਼ਮ ਨੁੂੰ ਕਾਬੂ ਕੀਤਾ ਸੀ। ਦੱਸਿਆ ਗਿਆ ਹੈ ਕਿ ਇਹ ਮੁਲਜ਼ਮ ਪਿੰਡ ਗਾਂਧੀਵਿੰਡ ਨਾਲ ਸਬੰਧਤ ਹੇੈ। ਇੰਝ ਲਗਦਾ ਹੈ ਕਿ ਉਸ ਕੋਲੋਂ ਜ਼ਬਤ ਕੀਤੇ ਹਥਿਆਰ ਡਰੋਨ ਜ਼ਰੀਏ ਭੇਜੇ ਗਏ ਸੀ।