ਭਾਰਤ ਨੇ ਦੱਖਣੀ ਅਫ਼ਰੀਕਾ ਨੂੰ 350 ਦੌੜਾਂ ਦਾ ਦਿੱਤਾ ਟੀਚਾ !

ਭਾਰਤ ਨੇ ਪਹਿਲੇ ਵਨਡੇ ਵਿੱਚ ਦੱਖਣੀ ਅਫਰੀਕਾ ਲਈ 350 ਦੌੜਾਂ ਦਾ ਟੀਚਾ ਰੱਖਿਆ ਹੈ। ਜਵਾਬ ਵਿੱਚ, ਦੱਖਣੀ ਅਫਰੀਕਾ ਨੇ 36 ਓਵਰਾਂ ਬਾਅਦ 7 ਵਿਕਟਾਂ ’ਤੇ 242 ਦੌੜਾਂ ਬਣਾ ਲਈਆਂ ਹਨ।

ਕੁਲਦੀਪ ਯਾਦਵ ਨੇ 34ਵੇਂ ਓਵਰ ਵਿੱਚ ਦੋ ਵਿਕਟਾਂ ਲਈਆਂ। ਉਸਨੇ ਪਹਿਲੀ ਗੇਂਦ ’ਤੇ ਮਾਰਕੋ ਜੈਨਸਨ (70 ਦੌੜਾਂ) ਨੂੰ ਰਵਿੰਦਰ ਜਡੇਜਾ ਹੱਥੋਂ ਕੈਚ ਕਰਵਾਇਆ, ਜਿਸ ਨਾਲ ਪੰਜਾਹ ਦੌੜਾਂ ਦੀ ਸਾਂਝੇਦਾਰੀ ਟੁੱਟ ਗਈ। ਫਿਰ ਉਸਨੇ ਤੀਜੀ ਗੇਂਦ ’ਤੇ ਮੈਥਿਊ ਬ੍ਰੇਟਜ਼ਕੀ (72 ਦੌੜਾਂ) ਨੂੰ ਵਿਰਾਟ ਕੋਹਲੀ ਹੱਥੋਂ ਕੈਚ ਕਰਵਾਇਆ। ਉਸਨੇ ਟੋਨੀ ਡੀ ਗਿਓਰਗੀ (39 ਦੌੜਾਂ) ਨੂੰ ਵੀ ਆਊਟ ਕਰਕੇ ਅਰਧ-ਸੈਂਕੜਾ ਸਾਂਝੇਦਾਰੀ ਦਾ ਅੰਤ ਕੀਤਾ।

ਹਰਸ਼ਿਤ ਰਾਣਾ ਨੇ ਡੇਵਾਲਡ ਬ੍ਰੇਵਿਸ (37 ਦੌੜਾਂ), ਰਿਆਨ ਰਿਕਲਟਨ (0), ਅਤੇ ਕੁਇੰਟਨ ਡੀ ਕੌਕ (0) ਨੂੰ ਆਊਟ ਕੀਤਾ। ਏਡਨ ਮਾਰਕਰਾਮ (7 ਦੌੜਾਂ) ਨੂੰ ਅਰਸ਼ਦੀਪ ਸਿੰਘ ਹੱਥੋਂ ਕੈਚ ਕਰਵਾਇਆ।

ਇਸ ਤੋਂ ਪਹਿਲਾਂ ਦੱਖਣੀ ਅਫਰੀਕਾ ਦੇ ਕਪਤਾਨ ਏਡਨ ਮਾਰਕਰਾਮ ਨੇ ਐਤਵਾਰ ਨੂੰ ਰਾਂਚੀ ਦੇ ਜੇਐਸਸੀਏ ਸਟੇਡੀਅਮ ਵਿੱਚ ਟਾਸ ਜਿੱਤਿਆ ਅਤੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਵਿਰਾਟ ਕੋਹਲੀ ਦੇ ਸੈਂਕੜੇ ਦੇ ਸਹਾਰੇ, ਟੀਮ ਇੰਡੀਆ ਨੇ 8 ਵਿਕਟਾਂ ਦੇ ਨੁਕਸਾਨ ’ਤੇ 349 ਦੌੜਾਂ ਬਣਾਈਆਂ। ਕੋਹਲੀ ਨੇ 135 ਦੌੜਾਂ, ਰੋਹਿਤ ਸ਼ਰਮਾ ਨੇ 57 ਦੌੜਾਂ ਅਤੇ ਕੇਐਲ ਰਾਹੁਲ ਨੇ 60 ਦੌੜਾਂ ਬਣਾਈਆਂ।

ਦੋਵੇਂ ਟੀਮਾਂ ਲਈ ਪਲੇਇੰਗ-11

ਭਾਰਤ: ਰੋਹਿਤ ਸ਼ਰਮਾ, ਯਸ਼ਸਵੀ ਜੈਸਵਾਲ, ਵਿਰਾਟ ਕੋਹਲੀ, ਰੁਤੁਰਾਜ ਗਾਇਕਵਾੜ, ਕੇਐਲ ਰਾਹੁਲ (ਕਪਤਾਨ ਅਤੇ ਵਿਕਟਕੀਪਰ), ਵਾਸ਼ਿੰਗਟਨ ਸੁੰਦਰ, ਰਵਿੰਦਰ ਜਡੇਜਾ, ਹਰਸ਼ਿਤ ਰਾਣਾ, ਕੁਲਦੀਪ ਯਾਦਵ, ਅਰਸ਼ਦੀਪ ਸਿੰਘ, ਅਤੇ ਪ੍ਰਸੀਦ ਕ੍ਰਿਸ਼ਨ।

ਦੱਖਣੀ ਅਫ਼ਰੀਕਾ: ਰਿਆਨ ਰਿਕੇਲਟਨ, ਕੁਇੰਟਨ ਡੀ ਕਾਕ, ਏਡਨ ਮਾਰਕਰਮ (ਕਪਤਾਨ), ਮੈਥਿਊ ਬ੍ਰੇਟਜ਼ਕੀ, ਟੋਨੀ ਡੀ ਜਿਓਰਗੀ, ਡੇਵਾਲਡ ਬ੍ਰੇਵਿਸ, ਮਾਰਕੋ ਜੈਨਸਨ, ਕੋਰਬਿਨ ਬੋਸ਼, ਪ੍ਰੀਨੇਲਨ ਸੁਬਰਾਏਨ, ਨੈਂਡਰੇ ਬਰਗਰ ਅਤੇ ਓਟਨੀਲ ਬਾਰਟਮੈਨ।