ਸੈਯਾਮੀ ਖੇਰ ਨੂੰ ਆਇਰਨਮੈਨ ਇੰਡੀਆ ਲਈ ਅਧਿਕਾਰਤ ਰਾਜਦੂਤ ਨਿਯੁਕਤ ਕੀਤਾ

ਅਦਾਕਾਰਾ ਅਤੇ ਐਥਲੀਟ ਸੈਯਾਮੀ ਖੇਰ ਨੂੰ ਆਇਰਨਮੈਨ ਇੰਡੀਆ ਲਈ ਅਧਿਕਾਰਤ ਰਾਜਦੂਤ ਨਿਯੁਕਤ ਕੀਤਾ ਗਿਆ ਹੈ, ਜੋ ਇੱਕ ਸਾਲ ਤੋਂ ਵੀ ਘੱਟ ਸਮੇਂ ਵਿੱਚ ਦੋ ਵਾਰ ਔਖੇ ਆਇਰਨਮੈਨ 70.3 ਟ੍ਰਾਈਥਲੋਨ ਨੂੰ ਪੂਰਾ ਕਰਨ ਤੋਂ ਬਾਅਦ ਇਸ ਪ੍ਰੋਗਰਾਮ ਦਾ ਚਿਹਰਾ ਬਣ ਗਈ ਹੈ।

ਇੱਕ ਪ੍ਰੈਸ ਰਿਲੀਜ਼ ਅਨੁਸਾਰ, ਸੈਯਾਮੀ, ਜੋ ਘੂਮਰ, ਚੋਕਡ, ਜਾਟ ਅਤੇ 8 ਏ.ਐਮ. ਮੈਟਰੋ ਵਰਗੀਆਂ ਫਿਲਮਾਂ ਲਈ ਜਾਣੀ ਜਾਂਦੀ ਹੈ ਉਸ ਨੇ ਸਤੰਬਰ 2024 ਵਿੱਚ ਆਪਣਾ ਪਹਿਲਾ ਆਇਰਨਮੈਨ 70.3 ਸਫਲਤਾਪੂਰਵਕ ਪੂਰਾ ਕੀਤਾ ਅਤੇ ਜੁਲਾਈ 2025 ਵਿੱਚ ਆਪਣਾ ਦੂਜਾ ਆਇਰਨਮੈਨ, ਇੱਕ ਅਜਿਹਾ ਕਾਰਨਾਮਾ ਜੋ ਉਸਨੂੰ ਇਹ ਪ੍ਰਾਪਤ ਕਰਨ ਵਾਲੀ ਇਕਲੌਤੀ ਭਾਰਤੀ ਅਦਾਕਾਰਾ ਬਣਾਉਂਦਾ ਹੈ।

ਆਇਰਨਮੈਨ 70.3 , ਜਿਸਨੂੰ ਹਾਫ ਆਇਰਨਮੈਨ ਵੀ ਕਿਹਾ ਜਾਂਦਾ ਹੈ। ਦੁਨੀਆ ਦੀਆਂ ਸਭ ਤੋਂ ਔਖੀਆਂ ਚੁਣੌਤੀਆਂ ਵਿੱਚੋਂ ਇੱਕ ਹੈ, ਜਿਸ ਵਿੱਚ ਭਾਗੀਦਾਰਾਂ ਨੂੰ ਕੁੱਲ 70.3 ਮੀਲ (113 ਕਿਲੋਮੀਟਰ) ਦੀ ਦੂਰੀ ਤੈਅ ਕਰਨੀ ਪੈਂਦੀ ਹੈ ਜਿਸ ਵਿੱਚ 1.9 ਕਿਲੋਮੀਟਰ ਤੈਰਾਕੀ, 90 ਕਿਲੋਮੀਟਰ ਸਾਈਕਲ ਸਵਾਰੀ ਅਤੇ 21.1 ਕਿਲੋਮੀਟਰ ਦੌੜ ਸ਼ਾਮਲ ਹੈ।

ਉਨ੍ਹਾਂ ਕਿਹਾ, “ ਮੈਂ 9 ਨਵੰਬਰ ਨੂੰ ਗੋਆ ਵਿੱਚ ਹੋਣ ਵਾਲੇ ਆਇਰਨਮੈਨ ਇੰਡੀਆ ਦਾ ਚਿਹਰਾ ਬਣਨ ਲਈ ਸੱਚਮੁੱਚ ਉਤਸ਼ਾਹਿਤ ਹਾਂ। ਇੱਕ ਸਾਲ ਤੋਂ ਵੀ ਘੱਟ ਸਮੇਂ ਵਿੱਚ ਦੋ ਵਾਰ ਆਇਰਨਮੈਨ 70.3 ਪੂਰਾ ਕਰਨਾ ਰਿਕਾਰਡਾਂ ਦਾ ਪਿੱਛਾ ਕਰਨ ਬਾਰੇ ਨਹੀਂ ਸੀ ਸਗੋਂ ਇਹ ਆਪਣੀਆਂ ਸੀਮਾਵਾਂ ਨੂੰ ਚੁਣੌਤੀ ਦੇਣ ਬਾਰੇ ਸੀ। ਹਰ ਤੈਰਾਕੀ ਸਟਰੋਕ, ਹਰ ਚੜ੍ਹਾਈ, ਦੌੜ ਦਾ ਹਰ ਕਦਮ ਮੈਨੂੰ ਯਾਦ ਦਿਵਾਉਂਦਾ ਸੀ ਕਿ ਮਨੁੱਖੀ ਸਰੀਰ ਅਤੇ ਮਨ ਕਿੰਨਾ ਸਮਰੱਥ ਹੈ।”

ਸੈਯਾਮੀ, ਜਿਸਨੇ ਸਿਨੇਮਾ ਵਿੱਚ ਆਪਣੇ ਕਰੀਅਰ ਨੂੰ ਐਥਲੈਟਿਕਸ ਪ੍ਰਤੀ ਆਪਣੇ ਜਨੂੰਨ ਨਾਲ ਸੰਤੁਲਿਤ ਕੀਤਾ ਹੈ ਉਸ ਨੇ ਕਿਹਾ ਕਿ ਆਇਰਨਮੈਨ ਲਈ ਸਿਖਲਾਈ ਅਤੇ ਇਸਨੂੰ ਪੂਰਾ ਕਰਨ ਦਾ ਤਜਰਬਾ ਕਿਸੇ ਤਬਦੀਲੀ ਤੋਂ ਘੱਟ ਨਹੀਂ ਸੀ।