ਪੰਜਾਬਦੇਸ਼ਵਿਦੇਸ਼ਖੇਡਾਂਦਿੱਲੀਚੰਡੀਗੜ੍ਹਹਰਿਆਣਾਮਾਲਵਾਮਾਝਾਦੋਆਬਾਸਤਰੰਗਟਰੈਂਡਿੰਗExplainersਫ਼ੀਚਰਪਰਵਾਸੀ
Advertisement

X ’ਤੇ ‘ਟਰੰਪ ਦੀ ਮੌਤ’ ਦੀ ਅਫ਼ਵਾਹ

ਦਿਨ ਚੜ੍ਹਦਿਆਂ ਹੀ 85 ਹਜ਼ਾਰ ਤੋਂ ਵੱਧ ਪੋਸਟਾਂ ਨੇ ਸੋਸ਼ਲ ਮੀਡੀਆ ਪਲੈਟਫਾਰਮ ’ਤੇ ਲਿਆਂਦੀ ਨ੍ਹੇਰੀ
Advertisement
ਸੋਸ਼ਡ ਮੀਡੀਆ ਪਲੈਟਫਾਰਮ X ’ਤੇ ਅੱਜ ਸਵੇਰੇ ਅਮਰੀਕੀ ਰਾਸ਼ਟਰਪਤੀ ਡੋਲਨਡ ਟਰੰਪ ਦੀ ‘ਮੌਤ’ ਦੀ ਖ਼ਬਰ ਅੱਗ ਵਾਂਗ ਫ਼ੈਲ ਗਈ। ਹਾਲਾਂਕਿ ਇਹ ਜਾਣਕਾਰੀ ਪੂਰੀ ਤਰ੍ਹਾਂ ਨਾਲ ਅਫ਼ਵਾਹ ਸੀ। ‘ਟਰੰਪ ਦੀ ਮੌਤ’ ਸਬੰਧੀ ਪੋਸਟ ਨੂੰ ਅੱਜ ਦਿਨ ਚੜ੍ਹਨ ਮਗਰੋਂ ਕਰੀਬ 85 ਤੋਂ ਵੱਧ ਲੋਕਾਂ ਨੇ ਸਾਂਝਾ ਕੀਤਾ। ਬਾਅਦ ਵਿੱਚ ਇਹ ਦਾਅਵਾ ਝੂਠਾ ਨਿਕਲਿਆ। ਪਿਛਲੇ 24 ਘੰਟਿਆਂ ’ਚ ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਦੀ ਕੋਈ ਪੋਸਟ ਸੋਸ਼ਲ ਮੀਡੀਆ ’ਤੇ ਨਾ ਹੋਣ ਕਾਰਨ ਇਸ ਖ਼ਬਰ ਨੂੰ ਵੱਡੀ ਗਿਣਤੀ ਲੋਕਾਂ ਨੇ ਸੱਚ ਮੰਨਦਿਆਂ ਸਾਂਝਾ ਕੀਤਾ।

ਪਿਛਲੇ ਹਫ਼ਤੇ ਵ੍ਹਾਈਟ ਹਾਊਸ ਨੇ ਰਾਸ਼ਟਰਪਤੀ ਟਰੰਪ ਦੀ ਸਿਹਤ ਬਾਰੇ ਚਿੰਤਾ ਜ਼ਾਹਿਰ ਕੀਤੀ ਸੀ।

Advertisement

ਅਮਰੀਕਾ ਦੇ ਉਪ ਰਾਸ਼ਟਰਪਤੀ ਜੇਡੀ ਵੈਂਸ ਨੇ ਸਿਹਤ ਚਿੰਤਾਵਾਂ ਦਾ ਜ਼ਿਕਰ ਕਰਦਿਆਂ ਕਿਹਾ ਸੀ, ‘‘ਹਾਂ, ਭਿਆਨਕ ਦੁਖਾਂਤ ਵਾਪਰਦੇ ਹਨ। ਪਰ ਮੈਨੂੰ ਪੂਰਾ ਭਰੋਸਾ ਹੈ ਕਿ ਸੰਯੁਕਤ ਰਾਸ਼ਟਰ ਦੇ ਰਾਸ਼ਟਰਪਤੀ ਦੀ ਸਿਹਤ ਠੀਕ ਹੈ, ਉਹ ਆਪਣੇ ਬਾਕੀ ਕਾਰਜਕਾਲ ਨੂੰ ਪੂਰਾ ਕਰਨ ਜਾ ਰਹੇ ਹਨ ਅਤੇ ਅਮਰੀਕੀ ਲੋਕਾਂ ਲਈ ਮਹਾਨ ਕੰਮ ਕਰਨਗੇ। ਅਤੇ ਜੇਕਰ, ਰੱਬ ਨਾ ਕਰੇ, ਕੋਈ ਭਿਆਨਕ ਦੁਖਾਂਤ ਵਾਪਰਦਾ ਹੈ ਤਾਂ ਮੈਨੂੰ ਇਸ ਤੋਂ ਵੱਧ ਕੁੱਝ ਨਹੀਂ ਪਤਾ, ਜੋ ਮੈਂ ਪਿਛਲੇ 200 ਦਿਨਾਂ ਵਿੱਚ ਸਿੱਖਿਆ।’’

ਉਪ ਰਾਸ਼ਟਰਪਤੀ ਦੇ ਇਸ ਬਿਆਨ ਨੇ ਸੋਸ਼ਲ ਮੀਡੀਆ ’ਤੇ ਚਰਚਾ ਛੇੜ ਦਿੱਤੀ ਸੀ। ਅੱਜ ਸਵੇਰੇ ਰਾਸ਼ਟਰਪਤੀ ਦੀ ‘ਨਕਲੀ’ ਮੌਤ ਸਬੰਧੀ ਪੋਸਟਾਂ ਨੇ ਬਲਦੀ ’ਤੇ ਤੇਲ ਪਾਉਣ ਦਾ ਕੰਮ ਕੀਤਾ।

ਪਹਿਲੀ ਪੋਸਟ ਵਿੱਚ ਕਿਹਾ ਗਿਆ, ‘‘ਚਰਚਾ ਹੈ ਕਿ ਟਰੰਪ ਮਰ ਗਿਆ ਹੈ।’’ ਇਸ ਪੋਸਟ ਨੂੰ ਇੱਕ ਲੱਖ ਤੋਂ ਵੱਧ ਲੋਕਾਂ ਨੇ Like ਕੀਤਾ।

ਇਸ ਦੌਰਾਨ ਦੂਜੀ ਪੋਸਟ ਵਿੱਚ ਲਿਖਿਆ ਗਿਆ, ‘‘ਟਰੰਪ ਦਾ ਪੂਰੇ ਹਫ਼ਤੇ ਦੇ ਅੰਤ ਵਿੱਚ ਕੋਈ ਜਨਤਕ ਸਮਾਗਮ ਤਹਿ ਨਹੀਂ ਹੈ। ਭਰੋਸਾ ਨਹੀਂ ਤਾਂ ਉਹ ਅੱਜ ਵੀ ਕਿਤੇ ਦਿਖਾਈ ਨਹੀਂ ਦਿੱਤੇ।’’ ਇਸ ਪੋਸਟ ਨੂੰ 13,000 ਲੋਕਾਂ ਨੇ Like ਕੀਤਾ ਹੈ।

ਇਸ ਮਗਰੋਂ ਇਹ ਅਫ਼ਵਾਹ ਫ਼ੈਲਣੀ ਸ਼ੁਰੂ ਹੋ ਗਈ ਕਿ ‘ਟਰੰਪ ਮਰ ਗਿਆ’ ਅਤੇ ਇਨ੍ਹਾਂ ਪੋਸਟਾਂ ਨੂੰ ਹਜ਼ਾਰਾਂ ਲੋਕਾਂ ਨੇ ਸਾਂਝਾ ਕੀਤਾ।

Advertisement
Tags :
Donald Trumpfalse claim is trending on XInternational Newslatest punjabi newspunjabi tribune updateTrump is dead’
Show comments