Women's Cricket World Cup: ਸ੍ਰਮਿਤੀ ਤੇ ਪ੍ਰਤੀਕਾ ਦੇ ਸੈਂਕੜੇ; ਭਾਰਤ ਨੇ 340 ਦੌੜਾਂ ਬਣਾਈਆਂ
ਰੌਡਰਿਗਜ਼ ਨੇ ਨੀਮ ਸੈਂਕੜਾ ਜੜਿਆ; ਨਿਊਜ਼ੀਲੈਂਡ ਨੂੰ DLS ਤਹਿਤ 44 ਓਵਰਾਂ ’ਚ 325 ਦੌੜਾਂ ਦਾ ਟੀਚਾ; ਨਿਊਜ਼ੀਲੈਂਡ ਨੇ 226 ਦੌੜਾਂ ’ਤੇ 6 ਵਿਕਟਾਂ ਗੁਆਈਆਂ
Advertisement
ਸ੍ਰਮਿਤੀ ਮੰਧਾਨਾ ਤੇ ਪ੍ਰਤੀਕਾ ਰਾਵਲ ਦੇ ਸੈਂਕੜਿਆਂ ਤੇ ਜੈਮੀਮਾ ਰੌਡਰਿਗਜ਼ ਦੇ ਨੀਮ ਸੈਂਕੜੇ ਸਦਕਾ ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਨੇ ਇਥੇ ਆਈ ਸੀ ਸੀ ਮਹਿਲਾ ਕ੍ਰਿਕਟ ਵਿਸ਼ਵ ਕੱਪ ਦੇ ਮੈਚ ’ਚ ਨਿਊਜ਼ੀਲੈਂਡ ਖਿਲਾਫ਼ 49 ਓਵਰਾਂ ’ਚ 340 ਦੌੜਾਂ ਬਣਾਈਆਂ।
ਮੀਂਹ ਕਾਰਨ ਵਿਘਨ ਪੈਣ ਕਰਕੇ ਮੈਚ ’ਚ ਓਵਰਾਂ ਦੀ ਗਿਣਤੀ ਘਟਾ ਦਿੱਤੀ ਗਈ। ਮੀਂਹ ਕਾਰਨ ਸਮਾਂ ਖਰਾਬ ਹੋਣ ਕਰਕੇ ਨਿਊਜ਼ੀਲੈਂਡ ਨੂੰ ਡਕਵਰਥ ਲੂਈਸ ਪ੍ਰਣਾਲੀ (DLS) ਤਹਿਤ ਜਿੱਤ ਲਈ 44 ਓਵਰਾਂ ’ਚ 325 ਦੌੜਾਂ ਟੀਚਾ ਦਿੱਤਾ ਗਿਆ।
ਇਸ ਤੋਂ ਪਹਿਲਾਂ ਭਾਰਤ ਵੱਲੋਂ ਦੋਵੇਂ ਸਲਾਮੀ ਬੱਲੇਬਾਜ਼ਾਂ ਪ੍ਰਤੀਕਾ ਰਾਵਲ Pratika Rawal ਨੇ 122 ਦੌੜਾਂ ਤੇ ਸਮ੍ਰਿਤੀ ਮੰਧਾਨਾ Smriti Mandhana ਨੇ 109 ਦੌੜਾਂ ਦੀ ਪਾਰੀ ਖੇਡੀ। ਮੰਧਾਨਾ ਦਾ ਇੱਕ ਰੋਜ਼ਾ ਕ੍ਰਿਕਟ ਮੈਚਾਂ ’ਚ ਇਹ 14ਵਾਂ ਸੈਂਕੜਾ ਹੈ ਜਦਕਿ ਰਾਵਲ ਨੇ ਕਰੀਅਰ ਦਾ ਦੂਜਾ ਸੈਂਕੜਾ ਬਣਾਇਆ।
ਜੈਮੀਮਾ ਰੌਡਰਿਡਜ਼ Jemimah Rodriguesਨੇ ਨਾਬਾਦ 76 ਦੌੜਾਂ ਬਣਾਈਆਂ ਜਦਕਿ ਕਪਤਾਨ ਹਰਮਨਪ੍ਰੀਤ ਕੌਰ 10 ਦੌੜਾਂ ਬਣਾ ਕੇ ਆਊਟ ਹੋਈ। ਰਿਚਾ ਘੋਸ਼ 4 ਦੌੜਾਂ ’ਤੇ ਨਾਬਾਦ ਰਹੀ।
ਆਖਰੀ ਖ਼ਬਰਾਂ ਮਿਲਣ ਤੱਕ ਨਿਊਜ਼ੀਲੈਂਡ ਨੇ ਜਿੱਤ ਲਈ 325 ਦੌੜਾਂ ਦੇ ਟੀਚੇ ਦੇ ਪਿੱਛਾ ਕਰਦਿਆਂ 38.4 ਓਵਰਾਂ ’ਚ 6 ਵਿਕਟਾਂ ਗੁਆ ਕੇ 226 ਦੌੜਾਂ ਬਣਾ ਲਈਆਂ ਸਨ।
ਟੀਮ ਦੀ ਸਲਾਮੀ ਬੱਲੇਬਾਜ਼ ਸੂਜ਼ੀ ਬੇਟਸ ਇੱਕ ਦੌੜ ਬਣਾ ਕੇ, ਜੌਰਜੀਆ ਪਿੰਮੇਰ 30 ਦੌੜਾਂ ਤੇ ਸੋਫੀ ਡਿਵਾਈਨ 6 ਦੌੜਾਂ ਬਣਾ ਕੇ ਆਊਟ ਹੋਈ। ਟੀਮ ਨੂੰ ਚੌਥਾ ਝਟਕਾ ਅਮੈਲੀਆ ਕੇਰ ਦੇ ਰੂਪ ’ਚ ਲੱਗਾ ਜੋ 45 ਦੌੜਾਂ ਬਣਾ ਕੇ ਆਉਟ ਹੋਈ। ਇਸ ਮਗਰੋਂ ਮਡੀ ਗਰੀਨ 18 ਬਣਾ ਕੇ ਪੈਵੇਲੀਅਨ ਪਰਤੀ।
Advertisement
Copyright @2025 Punjabi Tribune
Designed and developed by : 