ਵੇਟ ਲਿਫਟਿੰਗ: ਉਮੀਦਾਂ ਉੱਤੇ ਖਰੀ ਨਾ ਉੱਤਰੀ ਮੀਰਾਬਾਈ ਚਾਨੂ

ਹਾਂਗਜ਼ੂ, 30 ਸਤੰਬਰ ਭਾਰਤੀ ਵੇਟ ਲਿਫਟਰ ਮੀਰਾਬਾਈ ਚਾਨੂ ਦਾ ਏਸ਼ਿਆਈ ਖੇਡਾਂ ਵਿੱਚ ਪ੍ਰਦਰਸ਼ਨ ਬਹੁਤਾ ਚੰਗਾ ਨਹੀਂ ਰਿਹਾ। ਓਲੰਪਿਕ ਤਗ਼ਮਾ ਜੇਤੂ ਇਹ ਖਿਡਾਰਨ ਸ਼ਨਿਚਰਵਾਰ ਨੂੰ ਮਹਿਲਾਵਾਂ ਦੇ 49 ਕਿਲੋ ਭਾਰ ਵਰਗ ਵਿੱਚ ਖ਼ੁਦ ਨੂੰ ਸੱਟ ਲਵਾ ਬੈਠੀ ਅਤੇ ਮੁਕਾਬਲੇ ਵਿੱਚ ਚੌਥੇ...

Tribune News Service

07:57 AM Oct 01, 2023 IST

ਹਾਂਗਜ਼ੂ, 30 ਸਤੰਬਰ

ਭਾਰਤੀ ਵੇਟ ਲਿਫਟਰ ਮੀਰਾਬਾਈ ਚਾਨੂ ਦਾ ਏਸ਼ਿਆਈ ਖੇਡਾਂ ਵਿੱਚ ਪ੍ਰਦਰਸ਼ਨ ਬਹੁਤਾ ਚੰਗਾ ਨਹੀਂ ਰਿਹਾ। ਓਲੰਪਿਕ ਤਗ਼ਮਾ ਜੇਤੂ ਇਹ ਖਿਡਾਰਨ ਸ਼ਨਿਚਰਵਾਰ ਨੂੰ ਮਹਿਲਾਵਾਂ ਦੇ 49 ਕਿਲੋ ਭਾਰ ਵਰਗ ਵਿੱਚ ਖ਼ੁਦ ਨੂੰ ਸੱਟ ਲਵਾ ਬੈਠੀ ਅਤੇ ਮੁਕਾਬਲੇ ਵਿੱਚ ਚੌਥੇ ਸਥਾਨ ’ਤੇ ਰਹੀ। ਸਨੈਚ ਵਿੱਚ ਨਿਰਾਸ਼ਾਜਨਕ ਪ੍ਰਦਰਸ਼ਨ ਮਗਰੋਂ ਮੀਰਾਬਾਈ ਕਾਫ਼ੀ ਦਬਾਅ ਵਿੱਚ ਸੀ ਅਤੇ ਕਲੀਨ ਤੇ ਜਰਕ ਵਿੱਚ 117 ਕਿਲੋ ਵਜ਼ਨ ਉਠਾਉਣ ਦੀ ਕੋਸ਼ਿਸ਼ ਕਰ ਰਹੀ ਸੀ, ਜਿਸ ਨਾਲ ਉਹ ਕਾਂਸੇ ਦਾ ਤਗ਼ਮਾ ਜਿੱਤ ਸਕਦੀ ਸੀ ਪਰ ਉਹ ਦੋ ਵਾਰ ਵਜ਼ਨ ਚੁੱਕਣ ’ਚ ਅਸਫ਼ਲ ਰਹੀ। ਆਖ਼ਰੀ ਕੋਸ਼ਿਸ਼ ਵਿੱਚ ਉਹ ਪਿੱਠ ਦੇ ਭਾਰ ਡਿੱਗ ਗਈ ਅਤੇ ਉਸ ਨੂੰ ਸਟੇਜ ਤੋਂ ਚੁੱਕ ਕੇ ਲਿਜਾਣਾ ਪਿਆ। ਸਨੈਚ ਵਰਗ ਵਿੱਚ ਉਹ ਸਿਰਫ਼ 83 ਕਿਲੋ ਵਜ਼ਨ ਹੀ ਉਠਾ ਸਕੀ ਤੇ 86 ਕਿਲੋ ਵਜ਼ਨ ਚੁੱਕਣ ਦੀਆਂ ਦੋ ਕੋਸ਼ਿਸ਼ਾਂ ਵਿੱਚ ਸਫ਼ਲ ਨਾ ਹੋ ਸਕੀ। ਆਖ਼ਰੀ ਸਨੈਚ ਵਿੱਚ ਉਹ ਸਕੁਐਟ ਪੁਜ਼ੀਸ਼ਨ ਤੋਂ ਉੱਠ ਹੀ ਨਹੀਂ ਸਕੀ ਤੇ ਅੱਗੇ ਵੱਲ ਡਿੱਗ ਗਈ, ਜਿਸ ਕਾਰਨ ਵਜ਼ਨ ਉਸ ਦੀ ਪਿੱਠ ’ਤੇ ਡਿੱਗ ਗਿਆ। ਛੇ ਵੇਟਲਿਫਟਰਾਂ ਨੇ ਸਨੈਚ ਵਿੱਚ ਉਸ ਤੋਂ ਬਿਹਤਰ ਵਜ਼ਨ ਚੁੱਕਿਆ। -ਪੀਟੀਆਈ

‘ਪੰਜਾਬੀ ਟ੍ਰਿਬਿਊਨ’ ਪੰਜਾਬ ਦਾ ਮਿਆਰੀ ਅਖ਼ਬਾਰ ਅਤੇ ਟ੍ਰਿਬਿਊਨ ਟਰੱਸਟ ਦਾ ਇੱਕ ਅਹਿਮ ਪ੍ਰਕਾਸ਼ਨ ਹੈ। ਟ੍ਰਿਬਿਊਨ ਅਖ਼ਬਾਰ ਸਮੂਹ ਦਾ ਬੂਟਾ ਪੰਜਾਬ ਤੇ ਭਾਰਤ ਦੇ ਮਹਾਨ ਸਪੂਤ ਸਰਦਾਰ ਦਿਆਲ ਸਿੰਘ ਮਜੀਠੀਆ ਨੇ 2 ਫਰਵਰੀ 1881 ਨੂੰ ਲਾਹੌਰ ਵਿੱਚ ਅੰਗਰੇਜ਼ੀ ਅਖ਼ਬਾਰ ‘ਦਿ ਟ੍ਰਿਬਿਊਨ’ ਆਰੰਭ ਕਰਕੇ ਲਾਇਆ ਸੀ।

‘ਪੰਜਾਬੀ ਟ੍ਰਿਬਿਊਨ’ ਦੀ ਪ੍ਰਕਾਸ਼ਨਾ 15 ਅਗਸਤ 1978 ਤੋਂ ਸ਼ੁਰੂ ਹੋਈ ਸੀ ਅਤੇ ਇਸ ਨੂੰ ਨਿੱਗਰ ਤੇ ਨਿਰਪੱਖ ਸੋਚ ਦਾ ਪਹਿਰੇਦਾਰ ਮੰਨਿਆ ਜਾਂਦਾ ਹੈ। ਸਨਸਨੀਖੇਜ਼ ਭਾਸ਼ਾ ਤੇ ਵਿਚਾਰਾਂ ਤੋਂ ਗੁਰੇਜ਼ ਕਰਨਾ ਅਤੇ ਲੋਕਾਂ ਨੂੰ ਦਰਪੇਸ਼ ਮੁਸ਼ਕਲਾਂ ਤੇ ਸਮੱਸਿਆਵਾਂ ਨੂੰ ਸੁਚਾਰੂ ਢੰਗ ਨਾਲ ਅੱਗੇ ਲਿਆਉਣਾ ‘ਪੰਜਾਬੀ ਟ੍ਰਿਬਿਊਨ’ ਦਾ ਅਕੀਦਾ ਰਿਹਾ ਹੈ।

‘ਪੰਜਾਬੀ ਟ੍ਰਿਬਿਊਨ’ ਦੀ ਪ੍ਰਕਾਸ਼ਨਾ ਨਾਲ ਨਵੀਂ ਤਰਜ਼ ਵਾਲੀ ਪੰਜਾਬੀ ਪੱਤਰਕਾਰੀ ਦੀ ਸ਼ੁਰੂਆਤ ਹੋਈ ਸੀ। ਸਮੇਂ ਨਾਲ ਬਹੁਤ ਕੁਝ ਬਦਲ ਗਿਆ ਹੈ ਪਰ ਟ੍ਰਿਬਿਊਨ ਸਮੂਹ ਵੱਲੋਂ ਪੱਤਰਕਾਰੀ ਵਿੱਚ ਸੰਦਲੀ ਪੈੜਾਂ ਪਾਉਣ ਦੀ ਪਿਰਤ ਜਿਉਂ ਦੀ ਤਿਉਂ ਕਾਇਮ ਹੈ।.

Designed and developed by :

Related News