ਸਬਾਲੇਂਕਾ ਨੇ ਪਾਓਲਿਨੀ ਨੂੰ ਹਰਾਇਆ

ਦੁਨੀਆ ਦੀ ਨੰਬਰ ਇੱਕ ਖਿਡਾਰਨ ਨੇ 6-3, 6-1 ਨਾਲ ਜਿੱਤਿਆ ਮੁਕਾਬਲਾ

AP

ਰਿਆਦ, 05:15 AM Nov 04, 2025 IST

ਮੈਚ ਜਿੱਤਣ ਮਗਰੋਂ ਜੈਸਮੀਨ ਪਾਓਲਿਨੀ ਨਾਲ ਹੱਥ ਮਿਲਾਉਂਦੀ ਹੋਈ ਆਰਿਆਨਾ ਸਬਾਲੈਂਕਾ। -ਫੋਟੋ: ਰਾਇਟਰਜ਼

ਸਿਖਰਲਾ ਦਰਜਾ ਪ੍ਰਾਪਤ ਟੈਨਿਸ ਖਿਡਾਰਨ ਆਰਿਆਨਾ ਸਬਾਲੇਂਕਾ ਨੇ ਡਬਲਿਊ ਟੀ ਏ ਫਾਈਨਲਜ਼ ਦੇ ਆਪਣੇ ਪਹਿਲੇ ਮੈਚ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਅੱਠਵਾਂ ਦਰਜਾ ਪ੍ਰਾਪਤ ਜੈਸਮੀਨ ਪਾਓਲਿਨੀ ਨੂੰ 6-3, 6-1 ਨਾਲ ਹਰਾ ਦਿੱਤਾ। ਇਹ ਮੈਚ ਸਬਾਲੇਂਕਾ ਦਾ ਡਬਲਿਊ ਟੀ ਏ ਪੱਧਰ ’ਤੇ 500ਵਾਂ ਮੈਚ ਸੀ, ਜਿਸ ਨੂੰ ਉਸ ਨੇ ਸਿਰਫ਼ 70 ਮਿੰਟਾਂ ਵਿੱਚ ਜਿੱਤ ਕੇ ਯਾਦਗਾਰ ਬਣਾਇਆ। ਸਬਾਲੇਂਕਾ ਨੇ ਆਪਣੀ ਸਰਵਿਸ ਰਾਹੀਂ ਪੂਰੀ ਤਰ੍ਹਾਂ ਦਬਦਬਾ ਬਣਾਈ ਰੱਖਿਆ। ਉਸ ਨੇ ਮੈਚ ਵਿੱਚ ਕੁੱਲ 10 ਏਸ ਲਗਾਏ ਜਿਨ੍ਹਾਂ ’ਚੋਂ ਚਾਰ ਏਸ ਪਹਿਲੇ ਸੈੱਟ ਦੀ ਆਖਰੀ ਗੇਮ ਵਿੱਚ ਹੀ ਲਗਾ ਦਿੱਤੇ। ਇਸੇ ਤਰ੍ਹਾਂ ਜੈਸਿਕਾ ਪੇਗੁਲਾ ਨੇ ਮੌਜੂਦਾ ਚੈਂਪੀਅਨ ਕੋਕੋ ਗੌਫ ਨੂੰ 6-3, 6-7 (4), 6-2 ਨਾਲ ਹਰਾ ਦਿੱਤਾ। ਗੌਫ ਇੱਕ ਵਾਰ ਫਿਰ ਆਪਣੀ ਸਰਵਿਸ ਨਾਲ ਸੰਘਰਸ਼ ਕਰਦੀ ਨਜ਼ਰ ਆਈ ਅਤੇ ਉਸ ਨੇ 17 ਡਬਲ ਫਾਲਟ ਕੀਤੇ। ਹਾਰ ਮਗਰੋਂ ਗੌਫ ਨੇ ਕਿਹਾ, ‘‘ਅੱਜ ਮੈਂ ਆਪਣੀ ਸਰਵਿਸ ਤੋਂ ਥੋੜ੍ਹੀ ਨਿਰਾਸ਼ ਹਾਂ। ਜੈਸ ਨੇ ਵਧੀਆ ਖੇਡ ਦਿਖਾਈ।’’ ਇਗਾ ਸਵਿਆਤੇਕ ਅਤੇ ਏਲੀਨਾ ਰਿਬਕੀਨਾ ਨੇ ਸ਼ਨਿਚਰਵਾਰ ਨੂੰ ਆਪਣੇ ਸ਼ੁਰੂਆਤੀ ਮੈਚ ਜਿੱਤੇ ਸਨ।

‘ਪੰਜਾਬੀ ਟ੍ਰਿਬਿਊਨ’ ਪੰਜਾਬ ਦਾ ਮਿਆਰੀ ਅਖ਼ਬਾਰ ਅਤੇ ਟ੍ਰਿਬਿਊਨ ਟਰੱਸਟ ਦਾ ਇੱਕ ਅਹਿਮ ਪ੍ਰਕਾਸ਼ਨ ਹੈ। ਟ੍ਰਿਬਿਊਨ ਅਖ਼ਬਾਰ ਸਮੂਹ ਦਾ ਬੂਟਾ ਪੰਜਾਬ ਤੇ ਭਾਰਤ ਦੇ ਮਹਾਨ ਸਪੂਤ ਸਰਦਾਰ ਦਿਆਲ ਸਿੰਘ ਮਜੀਠੀਆ ਨੇ 2 ਫਰਵਰੀ 1881 ਨੂੰ ਲਾਹੌਰ ਵਿੱਚ ਅੰਗਰੇਜ਼ੀ ਅਖ਼ਬਾਰ ‘ਦਿ ਟ੍ਰਿਬਿਊਨ’ ਆਰੰਭ ਕਰਕੇ ਲਾਇਆ ਸੀ।

‘ਪੰਜਾਬੀ ਟ੍ਰਿਬਿਊਨ’ ਦੀ ਪ੍ਰਕਾਸ਼ਨਾ 15 ਅਗਸਤ 1978 ਤੋਂ ਸ਼ੁਰੂ ਹੋਈ ਸੀ ਅਤੇ ਇਸ ਨੂੰ ਨਿੱਗਰ ਤੇ ਨਿਰਪੱਖ ਸੋਚ ਦਾ ਪਹਿਰੇਦਾਰ ਮੰਨਿਆ ਜਾਂਦਾ ਹੈ। ਸਨਸਨੀਖੇਜ਼ ਭਾਸ਼ਾ ਤੇ ਵਿਚਾਰਾਂ ਤੋਂ ਗੁਰੇਜ਼ ਕਰਨਾ ਅਤੇ ਲੋਕਾਂ ਨੂੰ ਦਰਪੇਸ਼ ਮੁਸ਼ਕਲਾਂ ਤੇ ਸਮੱਸਿਆਵਾਂ ਨੂੰ ਸੁਚਾਰੂ ਢੰਗ ਨਾਲ ਅੱਗੇ ਲਿਆਉਣਾ ‘ਪੰਜਾਬੀ ਟ੍ਰਿਬਿਊਨ’ ਦਾ ਅਕੀਦਾ ਰਿਹਾ ਹੈ।

‘ਪੰਜਾਬੀ ਟ੍ਰਿਬਿਊਨ’ ਦੀ ਪ੍ਰਕਾਸ਼ਨਾ ਨਾਲ ਨਵੀਂ ਤਰਜ਼ ਵਾਲੀ ਪੰਜਾਬੀ ਪੱਤਰਕਾਰੀ ਦੀ ਸ਼ੁਰੂਆਤ ਹੋਈ ਸੀ। ਸਮੇਂ ਨਾਲ ਬਹੁਤ ਕੁਝ ਬਦਲ ਗਿਆ ਹੈ ਪਰ ਟ੍ਰਿਬਿਊਨ ਸਮੂਹ ਵੱਲੋਂ ਪੱਤਰਕਾਰੀ ਵਿੱਚ ਸੰਦਲੀ ਪੈੜਾਂ ਪਾਉਣ ਦੀ ਪਿਰਤ ਜਿਉਂ ਦੀ ਤਿਉਂ ਕਾਇਮ ਹੈ।.

Designed and developed by :

Related News