India retain Women's Asia Cup: ਮਹਿਲਾ ਏਸ਼ੀਆ ਕੱਪ: ਭਾਰਤ ਮੁੜ ਬਣਿਆ ਚੈਂਪੀਅਨ

ਫਾਈਨਲ ਵਿਚ ਚੀਨ ਨੂੰ ਸ਼ੂਟਆਊਟ ਵਿਚ 3-2 ਨਾਲ ਹਰਾਇਆ, ਗੋਲਕੀਪਰ ਨਿਧੀ ਨੇ ਤਿੰਨ ਗੋਲ ਬਚਾਏ

Amarpreet

12:06 AM Dec 16, 2024 IST

ਮਸਕਟ, 15 ਦਸੰਬਰ

ਭਾਰਤ ਨੇ ਅੱਜ ਇਥੇ ਤਿੰਨ ਵਾਰ ਦੇ ਚੈਂਪੀਅਨ ਚੀਨ ਨੂੰ ਪੈਨਲਟੀ ਸ਼ੂਟਆਊਟ ਵਿਚ 3-2 (1-1) ਨਾਲ ਹਰਾ ਕੇ ਲਗਾਤਾਰ ਦੂਜੀ ਵਾਰ ਮਹਿਲਾ ਜੂਨੀਅਰ ਏਸ਼ੀਆ ਕੱਪ ਹਾਕੀ ਦਾ ਖਿਤਾਬ ਜਿੱਤ ਲਿਆ ਹੈ। ਭਾਰਤ ਦੀ ਜਿੱਤ ਵਿਚ ਗੋਲਕੀਪਰ ਨਿਧੀ ਦੀ ਅਹਿਮ ਭੂਮਿਕਾ ਰਹੀ ਜਿਸ ਨੇ ਤਿੰਨ ਗੋਲ ਬਚਾਏ। ਇਸ ਤੋਂ ਪਹਿਲਾਂ ਚਾਰ ਕੁਆਰਟਰਾਂ ਦੀ ਖੇਡ ਦੌਰਾਨ ਸਕੋਰ ਲਾਈਨ 1-1 ਨਾਲ ਬਰਾਬਰ ਰਹੀ। ਚੀਨ ਦੀ ਕਪਤਾਨ ਜਿਨਜ਼ੁਆਂਗ ਟੈਨ ਨੇ 30ਵੇਂ ਮਿੰਟ ਵਿਚ ਗੋਲ ਕੀਤਾ ਤੇ ਭਾਰਤ ਦੀ ਸਿਵਾਚ ਕੰਨਿਕਾ ਨੇ ਦੂਜੇ ਅੱਧ (41ਵੇਂ ਮਿੰਟ) ਵਿਚ ਗੋਲ ਕਰਕੇ ਸਕੋਰ ਲਾਈਨ ਡਰਾਅ ਕਰ ਦਿੱਤੀ। ਸ਼ੂਟਆਊਟ ਦੌਰਾਨ ਭਾਰਤ ਲਈ ਸਾਕਸ਼ੀ ਰਾਣਾ, ਇਸ਼ਿਕਾ ਤੇ ਸੁਨੇਲਿਤਾ ਟੋਪੋ ਨੇ ਗੋਲ ਕੀਤੇ। ਮੁਮਤਾਜ਼ ਖ਼ਾਨ ਤੇ ਕੰਨਿਕਾ ਸਿਵਾਚ ਗੋਲ ਕਰਨ ਤੋਂ ਖੁੰਝ ਗਈਆਂ। -ਪੀਟੀਆਈ

‘ਪੰਜਾਬੀ ਟ੍ਰਿਬਿਊਨ’ ਪੰਜਾਬ ਦਾ ਮਿਆਰੀ ਅਖ਼ਬਾਰ ਅਤੇ ਟ੍ਰਿਬਿਊਨ ਟਰੱਸਟ ਦਾ ਇੱਕ ਅਹਿਮ ਪ੍ਰਕਾਸ਼ਨ ਹੈ। ਟ੍ਰਿਬਿਊਨ ਅਖ਼ਬਾਰ ਸਮੂਹ ਦਾ ਬੂਟਾ ਪੰਜਾਬ ਤੇ ਭਾਰਤ ਦੇ ਮਹਾਨ ਸਪੂਤ ਸਰਦਾਰ ਦਿਆਲ ਸਿੰਘ ਮਜੀਠੀਆ ਨੇ 2 ਫਰਵਰੀ 1881 ਨੂੰ ਲਾਹੌਰ ਵਿੱਚ ਅੰਗਰੇਜ਼ੀ ਅਖ਼ਬਾਰ ‘ਦਿ ਟ੍ਰਿਬਿਊਨ’ ਆਰੰਭ ਕਰਕੇ ਲਾਇਆ ਸੀ।

‘ਪੰਜਾਬੀ ਟ੍ਰਿਬਿਊਨ’ ਦੀ ਪ੍ਰਕਾਸ਼ਨਾ 15 ਅਗਸਤ 1978 ਤੋਂ ਸ਼ੁਰੂ ਹੋਈ ਸੀ ਅਤੇ ਇਸ ਨੂੰ ਨਿੱਗਰ ਤੇ ਨਿਰਪੱਖ ਸੋਚ ਦਾ ਪਹਿਰੇਦਾਰ ਮੰਨਿਆ ਜਾਂਦਾ ਹੈ। ਸਨਸਨੀਖੇਜ਼ ਭਾਸ਼ਾ ਤੇ ਵਿਚਾਰਾਂ ਤੋਂ ਗੁਰੇਜ਼ ਕਰਨਾ ਅਤੇ ਲੋਕਾਂ ਨੂੰ ਦਰਪੇਸ਼ ਮੁਸ਼ਕਲਾਂ ਤੇ ਸਮੱਸਿਆਵਾਂ ਨੂੰ ਸੁਚਾਰੂ ਢੰਗ ਨਾਲ ਅੱਗੇ ਲਿਆਉਣਾ ‘ਪੰਜਾਬੀ ਟ੍ਰਿਬਿਊਨ’ ਦਾ ਅਕੀਦਾ ਰਿਹਾ ਹੈ।

‘ਪੰਜਾਬੀ ਟ੍ਰਿਬਿਊਨ’ ਦੀ ਪ੍ਰਕਾਸ਼ਨਾ ਨਾਲ ਨਵੀਂ ਤਰਜ਼ ਵਾਲੀ ਪੰਜਾਬੀ ਪੱਤਰਕਾਰੀ ਦੀ ਸ਼ੁਰੂਆਤ ਹੋਈ ਸੀ। ਸਮੇਂ ਨਾਲ ਬਹੁਤ ਕੁਝ ਬਦਲ ਗਿਆ ਹੈ ਪਰ ਟ੍ਰਿਬਿਊਨ ਸਮੂਹ ਵੱਲੋਂ ਪੱਤਰਕਾਰੀ ਵਿੱਚ ਸੰਦਲੀ ਪੈੜਾਂ ਪਾਉਣ ਦੀ ਪਿਰਤ ਜਿਉਂ ਦੀ ਤਿਉਂ ਕਾਇਮ ਹੈ।.

Designed and developed by :

Related News