ਜੋਕੋਵਿਚ ਚੌਥੇ ਗੇੜ ’ਚ, ਐਂਡੀ ਮੱਰੇ ਬਾਹਰ

ਵਿੰਬਲਡਨ, 8 ਜੁਲਾਈ ਵਿਸ਼ਵ ਰੈਂਕਿੰਗ ਵਿੱਚ ਦੂਜੇ ਸਥਾਨ ’ਤੇ ਕਾਬਜ਼ ਸਰਬਿਆਈ ਸਟਾਰ ਨੋਵਾਕ ਜੋਕੋਵਿਚ ਵਿੰਬਲਡਨ ਟੈਨਿਸ ਗਰੈਂਡਸਲੈਮ ਮੁਕਾਬਲੇ ਵਿੱਚ ਸਟੈਨ ਵਾਵਰਿੰਕਾ ਨੂੰ 6-3, 6-1, 7-6 ਨਾਲ ਹਰਾ ਕੇ ਚੌਥੇ ਗੇੜ ਵਿੱਚ ਪਹੁੰਚ ਗਿਆ ਹੈ। ਸ਼ੁੱਕਰਵਾਰ ਰਾਤ ਸਮੇਂ ਹੋਏ ਮੁਕਾਬਲੇ ਵਿੱਚ...

Tribune News Service

09:06 AM Jul 09, 2023 IST

ਐਂਡੀ ਮੱਰੇ ਨੂੰ ਹਰਾਉਣ ਮਗਰੋਂ ਖੁਸ਼ੀ ਪ੍ਰਗਟ ਕਰਦਾ ਹੋਇਆ ਸਿਟਸਿਪਾਸ। -ਫੋਟੋ: ਏਪੀ/ਪੀਟੀਆਈ

ਵਿੰਬਲਡਨ, 8 ਜੁਲਾਈ

ਵਿਸ਼ਵ ਰੈਂਕਿੰਗ ਵਿੱਚ ਦੂਜੇ ਸਥਾਨ ’ਤੇ ਕਾਬਜ਼ ਸਰਬਿਆਈ ਸਟਾਰ ਨੋਵਾਕ ਜੋਕੋਵਿਚ ਵਿੰਬਲਡਨ ਟੈਨਿਸ ਗਰੈਂਡਸਲੈਮ ਮੁਕਾਬਲੇ ਵਿੱਚ ਸਟੈਨ ਵਾਵਰਿੰਕਾ ਨੂੰ 6-3, 6-1, 7-6 ਨਾਲ ਹਰਾ ਕੇ ਚੌਥੇ ਗੇੜ ਵਿੱਚ ਪਹੁੰਚ ਗਿਆ ਹੈ। ਸ਼ੁੱਕਰਵਾਰ ਰਾਤ ਸਮੇਂ ਹੋਏ ਮੁਕਾਬਲੇ ਵਿੱਚ 23 ਵਾਰ ਦੇ ਗਰੈਂਡਸਲੈਮ ਜੇਤੂ ਜੋਕੋਵਿਚ ਆਖ਼ਰੀ ਟਾਈਬਰੇਕਰ ਦੌਰਾਨ 5-3 ਨਾਲ ਪੱਛੜ ਰਹੇ ਸੀ ਪਰ ਉਸ ਨੇ ਦਬਦਬਾ ਬਣਾਈ ਰੱਖਦਿਆਂ ਆਖ਼ਰੀ ਚਾਰ ਅੰਕਾਂ ਨਾਲ ਲਗਾਤਾਰ ਪੰਜਵੇਂ ਵਿੰਬਲਡਨ ਖਿਤਾਬ ਵੱਲ ਕਦਮ ਵਧਾਏ। ਇਸੇ ਦੌਰਾਨ ਬਰਤਾਨਵੀ ਖਿਡਾਰੀ ਐਂਡੀ ਮੱਰੇ ਦਾ ਸਫ਼ਰ ਦੋ ਦਿਨ ਤੱਕ ਜਾਰੀ ਦੂਜੇ ਗੇੜ ਦੇ ਮੈਚ ਵਿੱਚ ਪੰਜ ਸੈੱਟ ਤੱਕ ਚੱਲੇ ਮੁਕਾਬਲੇ ਦੌਰਾਨ ਖ਼ਤਮ ਹੋ ਗਿਆ। ਦੋ ਵਾਰ ਦੇ ਵਿੰਬਲਡਨ ਚੈਂਪੀਅਨ ਮੱਰੇ ਨੂੰ ਸਾਢੇ ਚਾਰ ਘੰਟੇ ਤੋਂ ਵੀ ਵੱਧ ਸਮੇਂ ਵਿੱਚ ਗਰੀਸ ਦੇ ਸਟੇਫਾਨੋਸ ਸਿਟਸਿਪਾਸ ਨੇ 7-6(3), 6-7(2), 7-6(3), 6-4 ਨਾਲ ਹਰਾਇਆ। ਬਰਤਾਨੀਆ ਦੇ ਦੋ ਹੋਰ ਖਿਡਾਰੀ ਕੈਮ ਨੌਰੀ ਅਤੇ ਵਾਈਲਡ ਕਾਰਡ ਰਾਹੀਂ ਸ਼ਾਮਲ ਹੋਏ ਖਿਡਾਰੀ ਲਿਆਮ ਬਰਾਂਡੀ ਵੀ ਟੂਰਨਾਮੈਂਟ ਤੋਂ ਬਾਹਰ ਹੋ ਚੁੱਕੇ ਹਨ। -ਏਪੀ

Tags :

‘ਪੰਜਾਬੀ ਟ੍ਰਿਬਿਊਨ’ ਪੰਜਾਬ ਦਾ ਮਿਆਰੀ ਅਖ਼ਬਾਰ ਅਤੇ ਟ੍ਰਿਬਿਊਨ ਟਰੱਸਟ ਦਾ ਇੱਕ ਅਹਿਮ ਪ੍ਰਕਾਸ਼ਨ ਹੈ। ਟ੍ਰਿਬਿਊਨ ਅਖ਼ਬਾਰ ਸਮੂਹ ਦਾ ਬੂਟਾ ਪੰਜਾਬ ਤੇ ਭਾਰਤ ਦੇ ਮਹਾਨ ਸਪੂਤ ਸਰਦਾਰ ਦਿਆਲ ਸਿੰਘ ਮਜੀਠੀਆ ਨੇ 2 ਫਰਵਰੀ 1881 ਨੂੰ ਲਾਹੌਰ ਵਿੱਚ ਅੰਗਰੇਜ਼ੀ ਅਖ਼ਬਾਰ ‘ਦਿ ਟ੍ਰਿਬਿਊਨ’ ਆਰੰਭ ਕਰਕੇ ਲਾਇਆ ਸੀ।

‘ਪੰਜਾਬੀ ਟ੍ਰਿਬਿਊਨ’ ਦੀ ਪ੍ਰਕਾਸ਼ਨਾ 15 ਅਗਸਤ 1978 ਤੋਂ ਸ਼ੁਰੂ ਹੋਈ ਸੀ ਅਤੇ ਇਸ ਨੂੰ ਨਿੱਗਰ ਤੇ ਨਿਰਪੱਖ ਸੋਚ ਦਾ ਪਹਿਰੇਦਾਰ ਮੰਨਿਆ ਜਾਂਦਾ ਹੈ। ਸਨਸਨੀਖੇਜ਼ ਭਾਸ਼ਾ ਤੇ ਵਿਚਾਰਾਂ ਤੋਂ ਗੁਰੇਜ਼ ਕਰਨਾ ਅਤੇ ਲੋਕਾਂ ਨੂੰ ਦਰਪੇਸ਼ ਮੁਸ਼ਕਲਾਂ ਤੇ ਸਮੱਸਿਆਵਾਂ ਨੂੰ ਸੁਚਾਰੂ ਢੰਗ ਨਾਲ ਅੱਗੇ ਲਿਆਉਣਾ ‘ਪੰਜਾਬੀ ਟ੍ਰਿਬਿਊਨ’ ਦਾ ਅਕੀਦਾ ਰਿਹਾ ਹੈ।

‘ਪੰਜਾਬੀ ਟ੍ਰਿਬਿਊਨ’ ਦੀ ਪ੍ਰਕਾਸ਼ਨਾ ਨਾਲ ਨਵੀਂ ਤਰਜ਼ ਵਾਲੀ ਪੰਜਾਬੀ ਪੱਤਰਕਾਰੀ ਦੀ ਸ਼ੁਰੂਆਤ ਹੋਈ ਸੀ। ਸਮੇਂ ਨਾਲ ਬਹੁਤ ਕੁਝ ਬਦਲ ਗਿਆ ਹੈ ਪਰ ਟ੍ਰਿਬਿਊਨ ਸਮੂਹ ਵੱਲੋਂ ਪੱਤਰਕਾਰੀ ਵਿੱਚ ਸੰਦਲੀ ਪੈੜਾਂ ਪਾਉਣ ਦੀ ਪਿਰਤ ਜਿਉਂ ਦੀ ਤਿਉਂ ਕਾਇਮ ਹੈ।.

Designed and developed by :

Related News