ਸ਼ਤਰੰਜ: ਪਹਿਲੇ ਦਿਨ ਕਾਸਪਰੋਵ ਨੇ ਆਨੰਦ ’ਤੇ ਲੀਡ ਲਈ

PTI

ਸੇਂਟ ਲੁਈ, 05:12 AM Oct 10, 2025 IST

ਇੱਥੇ ਦੋ ਦਿੱਗਜਾਂ ਵਿਚਾਲੇ ਚੱਲ ਰਹੇ ‘ਕਲੱਚ ਸ਼ਤਰੰਜ’ ਮੁਕਾਬਲੇ ਦੇ ਪਹਿਲੇ ਦਿਨ ਗੈਰੀ ਕਾਸਪਰੋਵ ਨੇ ਤੀਜੀ ਬਾਜ਼ੀ ਵਿੱਚ ਵਿਸ਼ਵਨਾਥਨ ਆਨੰਦ ਨੂੰ ਹਰਾ ਕੇ 2.5-1.5 ਦੀ ਲੀਡ ਹਾਸਲ ਕਰ ਲਈ ਹੈ। 62 ਸਾਲਾ ਕਾਸਪਰੋਵ ਨੇ ਸੰਨਿਆਸ ਲੈਣ ਦੇ 21 ਸਾਲਾਂ ਬਾਅਦ ਵੀ ਇਹ ਸਾਬਤ ਕਰ ਦਿੱਤਾ ਕਿ ਉਸ ਦੀ ਖੇਡ ਦਾ ਦਮ-ਖਮ ਹਾਲੇ ਵੀ ਬਰਕਰਾਰ ਹੈ। ਆਨੰਦ ਨੂੰ ਵੀ ਮੌਕੇ ਮਿਲੇ, ਪਰ ਉਹ ਉਨ੍ਹਾਂ ਦਾ ਫਾਇਦਾ ਨਹੀਂ ਉਠਾ ਸਕਿਆ। ਇਸ ਮੁਕਾਬਲੇ ਵਿੱਚ ਰੋਜ਼ਾਨਾ ਚੈੱਸ 960 ਫਾਰਮੈਟ ਤਹਿਤ ਦੋ ਰੈਪਿਡ ਅਤੇ ਦੋ ਬਲਿਟਜ਼ ਬਾਜ਼ੀਆਂ ਖੇਡੀਆਂ ਜਾਣਗਆਂ। 960 ਫਾਰਮੈਟ ਵਿੱਚ ਖੇਡ ਸ਼ੁਰੂ ਹੋਣ ਤੋਂ ਪਹਿਲਾਂ ਮੋਹਰਿਆਂ ਦੀ ਸਥਿਤੀ ਬੇਤਰਤੀਬੇ ਢੰਗ ਨਾਲ ਤੈਅ ਕੀਤੀ ਜਾਂਦੀ ਹੈ। ਦਿਨ ਦੀਆਂ ਪਹਿਲੀਆਂ ਦੋ ਬਾਜ਼ੀਆਂ ਡਰਾਅ ਰਹੀਆਂ। ਤੀਜੀ ਬਾਜ਼ੀ ਵਿੱਚ ਕਾਸਪਰੋਵ ਆਨੰਦ ਤੋਂ ਅੱਗੇ ਨਿਕਲ ਗਿਆ।

‘ਪੰਜਾਬੀ ਟ੍ਰਿਬਿਊਨ’ ਪੰਜਾਬ ਦਾ ਮਿਆਰੀ ਅਖ਼ਬਾਰ ਅਤੇ ਟ੍ਰਿਬਿਊਨ ਟਰੱਸਟ ਦਾ ਇੱਕ ਅਹਿਮ ਪ੍ਰਕਾਸ਼ਨ ਹੈ। ਟ੍ਰਿਬਿਊਨ ਅਖ਼ਬਾਰ ਸਮੂਹ ਦਾ ਬੂਟਾ ਪੰਜਾਬ ਤੇ ਭਾਰਤ ਦੇ ਮਹਾਨ ਸਪੂਤ ਸਰਦਾਰ ਦਿਆਲ ਸਿੰਘ ਮਜੀਠੀਆ ਨੇ 2 ਫਰਵਰੀ 1881 ਨੂੰ ਲਾਹੌਰ ਵਿੱਚ ਅੰਗਰੇਜ਼ੀ ਅਖ਼ਬਾਰ ‘ਦਿ ਟ੍ਰਿਬਿਊਨ’ ਆਰੰਭ ਕਰਕੇ ਲਾਇਆ ਸੀ।

‘ਪੰਜਾਬੀ ਟ੍ਰਿਬਿਊਨ’ ਦੀ ਪ੍ਰਕਾਸ਼ਨਾ 15 ਅਗਸਤ 1978 ਤੋਂ ਸ਼ੁਰੂ ਹੋਈ ਸੀ ਅਤੇ ਇਸ ਨੂੰ ਨਿੱਗਰ ਤੇ ਨਿਰਪੱਖ ਸੋਚ ਦਾ ਪਹਿਰੇਦਾਰ ਮੰਨਿਆ ਜਾਂਦਾ ਹੈ। ਸਨਸਨੀਖੇਜ਼ ਭਾਸ਼ਾ ਤੇ ਵਿਚਾਰਾਂ ਤੋਂ ਗੁਰੇਜ਼ ਕਰਨਾ ਅਤੇ ਲੋਕਾਂ ਨੂੰ ਦਰਪੇਸ਼ ਮੁਸ਼ਕਲਾਂ ਤੇ ਸਮੱਸਿਆਵਾਂ ਨੂੰ ਸੁਚਾਰੂ ਢੰਗ ਨਾਲ ਅੱਗੇ ਲਿਆਉਣਾ ‘ਪੰਜਾਬੀ ਟ੍ਰਿਬਿਊਨ’ ਦਾ ਅਕੀਦਾ ਰਿਹਾ ਹੈ।

‘ਪੰਜਾਬੀ ਟ੍ਰਿਬਿਊਨ’ ਦੀ ਪ੍ਰਕਾਸ਼ਨਾ ਨਾਲ ਨਵੀਂ ਤਰਜ਼ ਵਾਲੀ ਪੰਜਾਬੀ ਪੱਤਰਕਾਰੀ ਦੀ ਸ਼ੁਰੂਆਤ ਹੋਈ ਸੀ। ਸਮੇਂ ਨਾਲ ਬਹੁਤ ਕੁਝ ਬਦਲ ਗਿਆ ਹੈ ਪਰ ਟ੍ਰਿਬਿਊਨ ਸਮੂਹ ਵੱਲੋਂ ਪੱਤਰਕਾਰੀ ਵਿੱਚ ਸੰਦਲੀ ਪੈੜਾਂ ਪਾਉਣ ਦੀ ਪਿਰਤ ਜਿਉਂ ਦੀ ਤਿਉਂ ਕਾਇਮ ਹੈ।.

Designed and developed by :

Related News