ਕਾਂਗਰਸ ਵੱਲੋਂ ਪੰਚਾਇਤ ਸਮਿਤੀ ਮਾਲੇਰਕੋਟਲਾ ਲਈ 15 ਉਮੀਦਵਾਰਾਂ ਦਾ ਐਲਾਨ

ਕਾਂਗਰਸ ਪਾਰਟੀ ਵੱਲੋਂ ਪੰਚਾਇਤ ਸਮਿਤੀ ਮਾਲੇਰਕੋਟਲਾ ਦੀਆਂ ਸਾਰੀਆਂ 15 ਸੀਟਾਂ ਅਤੇ ਜ਼ਿਲ੍ਹਾ ਪਰਿਸ਼ਦ ਮਾਲੇਰਕੋਟਲਾ ਦੀਆਂ ਵਿਧਾਨ ਸਭਾ ਹਲਕਾ ਮਾਲੇਰਕੋਟਲਾ ਅਧੀਨ ਆਉਂਦੀਆਂ ਤਿੰਨੇ ਸੀਟਾਂ ਲਈ ਆਪਣੇ ਉਮੀਦਵਾਰਾਂ ਦਾ ਐਲਾਨ ਕਰ ਦਿੱਤਾ ਗਿਆ ਹੈ।

ਸਾਬਕਾ ਕੈਬਨਿਟ ਮੰਤਰੀ ਬੀਬੀ ਰਜ਼ੀਆ ਸੁਲਤਾਨਾ ਅਤੇ ਕਾਂਗਰਸ ਪਾਰਟੀ ਦੀ ਹਲਕਾ ਇੰਚਾਰਜ ਬੀਬਾ ਨਿਸ਼ਾਤ ਅਖਤਰ ਦੇ ਆਦੇਸ਼ਾਂ ’ਤੇ ਅੱਜ ਮਾਲੇਰਕੋਟਲਾ ਹਾਊਸ ਵੱਲੋਂ ਜਾਰੀ ਸੂਚੀ ਮੁਤਾਬਕ ਜ਼ਿਲ੍ਹਾ ਪਰਿਸ਼ਦ ਜ਼ੋਨ ਸੰਦੌੜ (ਐੱਸ ਸੀ) ਤੋਂ ਅਮਰੀਕ ਸਿੰਘ ਝੁਨੇਰ, ਜ਼ੋਨ ਫਿਰੋਜ਼ਪੁਰ ਕੁਠਾਲਾ (ਜਨਰਲ) ਤੋਂ ਨੰਬਰਦਾਰ ਮਨਿੰਦਰ ਸਿੰਘ ਚਹਿਲ ਕੁਠਾਲਾ ਅਤੇ ਜ਼ੋਨ ਹਥਨ (ਇਸਤਰੀ) ਤੋਂ ਹਰਪਰੀਤ ਕੌਰ ਹਥਨ ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਹੋਣਗੇ।

ਪੰਚਾਇਤ ਸਮਿਤੀ ਮਾਲੇਰਕੋਟਲਾ ਲਈ ਕਾਂਗਰਸੀ ਉਮੀਦਵਾਰਾਂ ਵਿੱਚ ਜ਼ੋਨ ਮਹੋਲੀ ਕਲਾਂ (ਐੱਸ ਸੀ) ਤੋਂ ਚਰਨਜੀਤ ਸਿੰਘ ਮਹੋਲੀ ਕਲਾਂ, ਜ਼ੋਨ ਝੁਨੇਰ (ਜਨਰਲ) ਤੋਂ ਕੁਲਵਿੰਦਰ ਸਿੰਘ ਝੁਨੇਰ, ਜ਼ੋਨ ਖੁਰਦ (ਇਸਤਰੀ) ਤੋਂ ਹਰਜਿੰਦਰ ਕੌਰ ਖੁਰਦ, ਜ਼ੋਨ ਦਸੌਂਧਾ ਸਿੰਘ ਵਾਲਾ (ਐੱਸ ਸੀ) ਤੋਂ ਅਮਨਦੀਪ ਸਿੰਘ ਬਾਪਲਾ, ਜ਼ੋਨ ਕੁਠਾਲਾ (ਇਸਤਰੀ) ਤੋਂ ਹਰਜੀਤ ਕੌਰ ਚਹਿਲ ਕੁਠਾਲਾ, ਜ਼ੋਨ ਕਸਬਾ ਭਰਾਲ (ਇਸਤਰੀ) ਤੋਂ ਮਨਜੀਤ ਕੌਰ ਕਸਬਾ ਭਰਾਲ, ਜ਼ੋਨ ਸੰਦੌੜ (ਜਨਰਲ) ਤੋਂ ਅਮਨਦੀਪ ਸਿੰਘ ਸੰਦੌੜ, ਜ਼ੋਨ ਹਥਨ (ਐੱਸ ਸੀ ਇਸਤਰੀ) ਤੋਂ ਸੁਖਪਾਲ ਕੌਰ ਹਥਨ, ਜ਼ੋਨ ਅਹਿਮਦਪੁਰ (ਜਨਰਲ) ਤੋਂ ਨਾਜ਼ਮ ਖਾਂ ਧਲੇਰ ਕਲਾਂ, ਜ਼ੋਨ ਇਲਤਫਾਤਪੁਰਾ (ਇਸਤਰੀ) ਤੋਂ ਐਡਵੋਕੇਟ ਬਲਵਿੰਦਰ ਕੌਰ ਸੇਖੂਪੁਰ ਕਲਾਂ, ਜ਼ੋਨ ਭੂਦਨ (ਐੱਸ ਸੀ) ਤੋਂ ਪ੍ਰਕਾਸ਼ ਸਿੰਘ ਭੂਦਨ, ਜ਼ੋਨ ਸ਼ੇਰਵਾਨੀਕੋਟ (ਇਸਤਰੀ) ਤੋਂ ਸਲਮਾ ਸ਼ੇਰਵਾਨੀਕੋਟ, ਜ਼ੋਨ ਧਨੋਂ (ਐੱਸ ਸੀ ਇਸਤਰੀ) ਤੋਂ ਗੁਰਮੀਤ ਕੌਰ ਮਾਨਾਂ, ਜ਼ੋਨ ਮੁਬਾਰਕਪੁਰ (ਜਨਰਲ) ਤੋਂ ਜਗਸੀਰ ਸਿੰਘ ਰੁੜਕਾ ਅਤੇ ਜ਼ੋਨ ਨੌਧਰਾਣੀ (ਜਨਰਲ) ਤੋਂ ਰਣਜੀਤ ਸਿੰਘ ਮਦੇਵੀ ਸ਼ਾਮਲ ਹਨ।