ਅਮਰੀਕਾ: ਘਰ ਵਿੱਚ ਅੱਗ ਲੱਗਣ ਕਾਰਨ ਜ਼ਖਮ ਭਾਰਤੀ ਵਿਦਿਆਰਥਣ ਦੀ ਮੌਤ

ਨਿਊਯਾਰਕ ਵਿੱਚ ਭਾਰਤ ਦੇ ਕੌਂਸਲੇਟ ਜਨਰਲ ਨੇ ਸ਼ੁੱਕਰਵਾਰ (ਸਥਾਨਕ ਸਮੇਂ) ਨੂੰ ਐਕਸ 'ਤੇ ਇੱਕ ਪੋਸਟ ਵਿੱਚ ਕਿਹਾ ਕਿ ਉਹ ਅਲਬਾਨੀ ਵਿੱਚ ਘਰ ਵਿੱਚ ਅੱਗ ਲੱਗਣ ਦੀ ਘਟਨਾ ਵਿੱਚ ਜਾਨ ਗੁਆਉਣ ਵਾਲੀ ਉਦੁਮਾਲਾ ਦੀ ਬੇਵਕਤੀ ਮੌਤ ਤੋਂ ਬਹੁਤ ਦੁਖੀ ਹੈ।

ਕੌਂਸੁਲੇਟ ਨੇ ਕਿਹਾ, "ਇਸ ਮੁਸ਼ਕਲ ਸਮੇਂ ਦੌਰਾਨ ਸਾਡੀਆਂ ਸੰਵੇਦਨਾਵਾਂ ਅਤੇ ਦਿਲੋਂ ਹਮਦਰਦੀ ਉਸਦੇ ਪਰਿਵਾਰ ਦੇ ਨਾਲ ਹਨ," ਅਤੇ ਅੱਗੇ ਕਿਹਾ ਕਿ ਉਹ ਉਦੁਮਾਲਾ ਦੇ ਪਰਿਵਾਰ ਦੇ ਸੰਪਰਕ ਵਿੱਚ ਹੈ ਅਤੇ ਹਰ ਸੰਭਵ ਸਹਾਇਤਾ ਪ੍ਰਦਾਨ ਕਰ ਰਿਹਾ ਹੈ।

ਅਲਬਾਨੀ ਪੁਲੀਸ ਵਿਭਾਗ ਨੇ ਇੱਕ ਬਿਆਨ ਵਿੱਚ ਦੱਸਿਆ ਕਿ ਕਰਮਚਾਰੀਆਂ ਅਤੇ ਅਲਬਾਨੀ ਫਾਇਰ ਡਿਪਾਰਟਮੈਂਟ ਨੂੰ 4 ਦਸੰਬਰ ਦੀ ਸਵੇਰ ਨੂੰ ਘਰ ਵਿੱਚ ਲੱਗੀ ਅੱਗ ਬਾਰੇ ਸੂਚਨਾ ਮਿਲੀ ਸੀ। ਜਦੋਂ ਉਹ ਮੌਕੇ 'ਤੇ ਪਹੁੰਚੇ ਤਾਂ ਅਧਿਕਾਰੀਆਂ ਅਤੇ ਫਾਇਰਫਾਈਟਰਾਂ ਨੇ ਦੇਖਿਆ ਕਿ ਰਿਹਾਇਸ਼ ਪੂਰੀ ਤਰ੍ਹਾਂ ਅੱਗ ਦੀ ਲਪੇਟ ਵਿੱਚ ਸੀ ਅਤੇ ਪਤਾ ਲੱਗਾ ਕਿ ਕਈ ਵਿਅਕਤੀ ਅਜੇ ਵੀ ਘਰ ਦੇ ਅੰਦਰ ਸਨ।

ਉਦੁਮਾਲਾ ਦੇ ਚਚੇਰੇ ਭਰਾ ਰਥਨਾ ਗੋਪੂ ਦੁਆਰਾ ਅੰਤਿਮ ਸੰਸਕਾਰ, ਵਾਪਸ ਭੇਜਣ ਅਤੇ ਆਵਾਜਾਈ ਦੇ ਪ੍ਰਬੰਧਾਂ, ਪਰਿਵਾਰਕ ਸਹਾਇਤਾ ਅਤੇ ਦੁਖਦਾਈ ਹਾਦਸੇ ਕਾਰਨ ਹੋਏ ਵਾਧੂ ਖਰਚਿਆਂ ਨੂੰ ਪੂਰਾ ਕਰਨ ਵਿੱਚ ਮਦਦ ਕਰਨ ਲਈ ਇੱਕ ਫੰਡਰੇਜ਼ਰ ਸ਼ੁਰੂ ਕੀਤਾ ਗਿਆ ਹੈ।

ਗੋਪੂ ਨੇ ਫੰਡਰੇਜ਼ਰ ’ਤੇ ਕਿਹਾ, “...ਸਾਡੇ ਪਰਿਵਾਰ ਨੇ ਇੱਕ ਅਸਹਿਣਯੋਗ ਦੁਖਾਂਤ ਦਾ ਝੱਲਿਆ ਹੈ, ਸਾਡੀ ਪਿਆਰੀ ਚਚੇਰੀ ਭੈਣ, ਸਹਿਜਾ ਉਦੁਮਾਲਾ, ਇੱਕ ਭਿਆਨਕ ਅੱਗ ਦੁਰਘਟਨਾ ਤੋਂ ਬਾਅਦ ਚੱਲ ਵੱਸੀ।”

ਗੋਪੂ ਨੇ ਕਿਹਾ "ਸਹਿਜਾ ਸਿਰਫ਼ 24 ਸਾਲਾਂ ਦੀ ਸੀ, ਅਲਬਾਨੀ, ਨਿਊਯਾਰਕ ਵਿੱਚ ਆਪਣੀ ਮਾਸਟਰ ਦੀ ਡਿਗਰੀ ਕਰ ਰਹੀ ਇੱਕ ਹੁਸ਼ਿਆਰ ਅਤੇ ਮਿਹਨਤੀ ਵਿਦਿਆਰਥਣ ਸੀ, ਜਿਸਦਾ ਭਵਿੱਖ ਸੁਪਨਿਆਂ, ਉਮੀਦ ਅਤੇ ਵਾਅਦਿਆਂ ਨਾਲ ਭਰਿਆ ਹੋਇਆ ਸੀ।’’

ਉਸ ਨੇ ਦੱਸਿਆ ਕਿ ਅੱਗ ਨੇ ਪੀੜਤ ਦੇ ਸਰੀਰ ਦੇ ਲਗਪਗ 90 ਫੀਸਦੀ ਹਿੱਸੇ ਨੂੰ ਪ੍ਰਭਾਵਿਤ ਕੀਤਾ ਸੀ। ਹੁਣ ਤੱਕ ਕੁੱਲ 120,000 ਅਮਰੀਕੀ ਡਾਲਰ ਦੀ ਰਕਮ ਵਿੱਚੋਂ 109,000 ਅਮਰੀਕੀ ਡਾਲਰ ਤੋਂ ਵੱਧ ਦਾਨ ਰਾਹੀਂ ਇਕੱਠੇ ਕੀਤੇ ਜਾ ਚੁੱਕੇ ਹਨ।