'Strangle Mayawati' Controversy: ਉਦਿਤ ਰਾਜ ਦੀ 'ਮਾਇਆਵਤੀ ਦਾ ਗਲਾ ਘੁਟਣ' ਵਾਲੀ ਟਿੱਪਣੀ ਤੋਂ ਵਿਵਾਦ

ਬਸਪਾ ਦੇ ਕੌਮੀ ਕੋਆਰਡੀਨੇਟਰ ਆਕਾਸ਼ ਆਨੰਦ ਨੇ ਕੀਤੀ ਕਾਰਵਾਈ ਦੀ ਮੰਗ; ਕਾਂਗਰਸ ਆਗੂ ਉਦਿਤ ਰਾਜ ਨੇ ਲਾਏ ਬਿਆਨ ਨੂੰ ‘ਤੋੜ-ਮਰੋੜ ਕੇ’ ਪੇਸ਼ ਕਰਨ ਦੇ ਦੋਸ਼

ਲਖਨਊ, 18 ਫਰਵਰੀ

ਮੰਗਲਵਾਰ ਨੂੰ ਕਾਂਗਰਸ ਆਗੂ ਅਤੇ ਸਾਬਕਾ ਲੋਕ ਸਭਾ ਮੈਂਬਰ ਉਦਿਤ ਰਾਜ (former Lok Sabha MP Udit Raj) ਵੱਲੋਂ ਬਸਪਾ ਮੁਖੀ ਮਾਇਆਵਤੀ (BSP chief Mayawati) ਬਾਰੇ ਕੀਤੀ ਗਈ ਇਕ ਟਿੱਪਣੀ ਤੋਂ ਵਿਵਾਦ ਖੜ੍ਹਾ ਹੋ ਗਿਆ ਹੈ। ਬਸਪਾ ਨੇ ਦੋਸ਼ ਲਾਇਆ ਹੈ ਕਿ ਕਾਂਗਰਸ ਆਗੂ ਨੇ ਜਨਤਕ ਤੌਰ ’ਤੇ ਬਸਪਾ ਮੁਖੀ ਦਾ ‘ਗਲਾ਼ ਘੁੱਟਣ’ ਦੀ ਗੱਲ ਕਹੀ ਹੈ ਅਤੇ ਪਾਰਟੀ ਨੇ ਉਨ੍ਹਾਂ ਦੀ ਗ੍ਰਿਫ਼ਤਾਰੀ ਦੀ ਮੰਗ ਕੀਤੀ ਹੈ।

ਜਾਣਕਾਰੀ ਮੁਤਾਬਕ ਉਦਿਤ ਰਾਜ ਨੇ ਇਕ ਸਮਾਗਮ ਦੌਰਾਨ ਕਿਹਾ, ਨੇ "ਸਮਾਜਿਕ ਅੰਦੋਲਨ ਦਾ ਗਲਾ ਘੁੱਟਿਆ ਹੈ ਅਤੇ ਹੁਣ ਉਸਦਾ ਗਲਾ ਘੁੱਟਣ ਦਾ ਸਮਾਂ ਆ ਗਿਆ ਹੈ", ਬਸਪਾ ਨੇ ਉਨ੍ਹਾਂ ਦੀ ਗ੍ਰਿਫਤਾਰੀ ਦੀ ਮੰਗ ਕੀਤੀ।

ਜਾਣਕਾਰੀ ਮੁਤਾਬਕ ਉਦਿਤ ਰਾਜ ਨੇ ਮਹਾਭਾਰਤ ਦਾ ਹਵਾਲਾ ਦਿੰਦੇ ਹੋਏ ਸੋਮਵਾਰ ਨੂੰ ਲਖਨਊ ਵਿੱਚ ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ ਕਿਹਾ, "ਅੱਜ, ਮੇਰੇ 'ਕ੍ਰਿਸ਼ਨ' ਨੇ ਮੈਨੂੰ ਕਿਹਾ ਹੈ ਕਿ ਪਹਿਲਾਂ ਆਪਣੇ ਦੁਸ਼ਮਣ ਨੂੰ ਮਾਰੋ। ਅਤੇ, ਸਮਾਜਿਕ ਨਿਆਂ ਦੀ ਦੁਸ਼ਮਣ, ਉਹ ਸ੍ਰੀਮਤੀ ਮਾਇਆਵਤੀ, ਜਿਸਨੇ ਸਮਾਜਿਕ ਅੰਦੋਲਨ ਦਾ ਗਲਾ ਘੁੱਟਿਆ ਸੀ... ਹੁਣ ਉਸ ਦਾ ਗਲਾ ਘੁੱਟਣ ਦਾ ਸਮਾਂ ਆ ਗਿਆ ਹੈ।"

ਆਪਣੀ ਟਿੱਪਣੀ ਬਾਰੇ ਸਵਾਲਾਂ ਦੇ ਜਵਾਬ ਵਿੱਚ, ਰਾਜ ਨੇ ਮੰਗਲਵਾਰ ਨੂੰ ਪੀਟੀਆਈ ਨੂੰ ਦੱਸਿਆ, "ਬਹੁਜਨ ਭਾਈਚਾਰੇ ਦੇ ਅੰਦੋਲਨ ਦਾ ਗਲਾ ਘੁੱਟਿਆ ਗਿਆ... ਕਰੋੜਾਂ ਵਰਕਰਾਂ, ਜਿਨ੍ਹਾਂ ਨੇ ਭੁੱਖੇ-ਪਿਆਸੇ ਰਹਿ ਕੇ ਪਾਰਟੀ ਬਣਾਈ... ਇਸ ਬਹੁਜਨ ਅੰਦੋਲਨ ਦਾ ਗਲਾ ਘੁੱਟਿਆ ਗਿਆ ਉਸ (ਮਾਇਆਵਤੀ) ਨੇ।" "ਇਸ 'ਤੇ, ਜਦੋਂ ਮੀਡੀਆ ਨੇ ਮੈਨੂੰ (ਸੋਮਵਾਰ ਨੂੰ) ਸਵਾਲ ਪੁੱਛੇ, ਤਾਂ ਮੈਂ ਕਿਹਾ ਕਿ ਯਕੀਨੀ ਤੌਰ 'ਤੇ, ਉਸਦਾ ਵੀ ਰਾਜਨੀਤਿਕ ਤੌਰ 'ਤੇ ਗਲਾ ਘੁੱਟਿਆ ਜਾਣਾ ਚਾਹੀਦਾ ਹੈ।’’ ਉਨ੍ਹਾਂ ਦੋਸ਼ ਲਾਇਆ ਕਿ ਉਨ੍ਹਾਂ ਦੇ ਬਿਆਨ ਨੂੰ ‘ਤੋੜ-ਮਰੋੜ ਕੇ ਪੇਸ਼’ ਕੀਤੇ ਜਾ ਰਿਹਾ ਹੈ।

ਮੰਗਲਵਾਰ ਨੂੰ, ਬਹੁਜਨ ਸਮਾਜ ਪਾਰਟੀ (ਬਸਪਾ) ਦੀ ਮੁਖੀ ਮਾਇਆਵਤੀ ਨੇ ਕਾਂਗਰਸ 'ਤੇ ਨਿਸ਼ਾਨਾ ਸਾਧਦੇ ਹੋਏ ਕਿਹਾ ਕਿ ਉਨ੍ਹਾਂ ਨੇ ਬਾਬਾ ਸਾਹਿਬ ਭੀਮਰਾਓ ਅੰਬੇਡਕਰ ਦੀਆਂ ਨੀਤੀਆਂ ਦਾ ਨਿਰਾਦਰ ਕੀਤਾ ਹੈ ਅਤੇ ਉਨ੍ਹਾਂ 'ਤੇ ਉਨ੍ਹਾਂ ਦੇ ਸੱਚ ਹੋਣ 'ਤੇ ਭਰੋਸਾ ਨਹੀਂ ਕੀਤਾ ਜਾ ਸਕਦਾ।

ਇਸ ਦੇ ਨਾਲ ਹੀ ਉਦਿਤ ਰਾਜ ਨੂੰ ਕਾਂਗਰਸ ਅਤੇ ਭਾਜਪਾ ਦਾ "ਚਾਪਲੂਸ" ਦੱਸਦੇ ਹੋਏ, ਬਸਪਾ ਦੀ ਕੌਮੀ ਕੋਅਰਡੀਨਟਰ ਆਕਾਸ਼ ਆਨੰਦ (BSP National Coordinator Akash Anand) ਨੇ ਦੋਸ਼ ਲਾਇਆ ਕਿ ਉਨ੍ਹਾਂ ਮਾਇਆਵਤੀ ਦਾ "ਗਲਾ ਘੁੱਟਣ" ਦੀਆਂ ਧਮਕੀਆਂ ਦਿੱਤੀਆਂ ਹਨ। ਆਕਾਸ਼ ਆਨੰਦ ਨੇ ਉਦਿਤ ਰਾਜ ਵਿਰੁੱਧ ਸਖ਼ਤ ਕਾਰਵਾਈ ਦੀ ਮੰਗ ਕੀਤੀ ਹੈ। -ਪੀਟੀਆਈ