ਸੇਖਾ ਸਕੂਲ ਦੇ 6 ਵਿਦਿਆਰਥੀ ਇਕੱਠੇ ਫੌਜ ’ਚ ਭਰਤੀ ਹੋਏ

ਫ਼ੌਜ ਵਿੱਚ ਭਰਤੀ ਹੋਣ ਵਾਲੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ਸੇਖਾ ਦੇ 6 ਹੋਣਹਾਰ ਵਿਦਿਆਰਥੀਆਂ ਨੂੰ ਇੰਸਪਾਇਰਿੰਗ ਐਜੂਕੇਸ਼ਨ ਸੁਸਾਇਟੀ ਸੇਖਾ ਨੇ ਸਨਮਾਨਿਤ ਕੀਤਾ।

ਸੁਸਾਇਟੀ ਸੰਚਾਲਕ ਸਾਬਕਾ ਫੌਜੀ ਸੁਖਚੈਨ ਸਿੰਘ ਨੇ ਦੱਸਿਆ ਕਿ ਪਿੰਡ ਦੇ ਇਤਿਹਾਸ ਵਿੱਚ ਇਹ ਪਹਿਲੀ ਵਾਰ ਹੋਇਆ ਕਿ 6 ਵਿਦਿਆਰਥੀ ਇਕੱਠੇ ਭਾਰਤੀ ਫ਼ੌਜ ਵਿੱਚ ਭਰਤੀ ਹੋਏ ਹੋਣ। ਉਨ੍ਹਾਂ ਕਿਹਾ ਕਿ ਇਹ ਨੌਜਵਾਨ ਦੂਸਰੇ ਵਿਦਿਆਰਥੀਆਂ ਤੇ ਨੌਜਵਾਨਾਂ ਲਈ ਪ੍ਰੇਰਣਾ ਸਰੋਤ ਹਨ। ਉਨ੍ਹਾਂ ਵਿਦਿਆਰਥੀਆਂ ਦੀ ਪ੍ਰਾਪਤੀ ਪਿਛਲੇ ਵੋਕੇਸ਼ਨਲ ਅਧਿਆਪਕ ਰਾਜਾ ਸਿੰਘ ਦੇ ਯੋਗਦਾਨ ਦੀ ਸ਼ਲਾਘਾ ਵੀ ਕੀਤੀ। ਸੇਵਾਮੁਕਤ ਅਧਿਆਪਕ ਜੀਤ ਸਿੰਘ, ਮਾਸਟਰ ਜਗਪਾਲ ਸਿੰਘ, ਕੈਨੇਡੀਅਨ ਮੋਹਣ ਸਿੰਘ ਤੇ ਸਾਬਕਾ ਬੈਂਕ ਅਧਿਕਾਰੀ ਮਨਮੋਹਨ ਸਿੰਘ ਅਕਾਲੀ ਨੇ ਕਿਹਾ ਇਨ੍ਹਾਂ ਨੌਜਵਾਨਾਂ ਨੇ ਜਿੱਥੇ ਆਪਣੇ ਮਾਪਿਆਂ ਤੇ ਪਿੰਡ ਦਾ ਨਾਂ ਰੌਸ਼ਨ ਕੀਤਾ ਹੈ ਉੱਥੇ ਦੇਸ਼ ਦੀ ਰਾਖੀ ਦਾ ਜ਼ਿੰਮਾ ਉਠਾਉਣ ਵਾਲੀ ਸੇਵਾ ਚੁਣ ਕੇ ਦੇਸ਼ ਪੱਧਰ ’ਤੇ ਪੰਜਾਬ ਦਾ ਨਾਮ ਚਮਕਾਇਆ ਹੈ।

ਇਸ ਮੌਕੇ ਲਾਲ ਸਿੰਘ ਪੁੱਤਰ ਬੂਟਾ ਸਿੰਘ, ਸਾਹਿਬ ਸਿੰਘ ਪੁੱਤਰ ਜਗਜੀਵਨ ਸਿੰਘ, ਮਹਿਕਪ੍ਰੀਤ ਸਿੰਘ ਪੁੱਤਰ ਪਿਸ਼ੌਰ ਸਿੰਘ, ਸੋਨੂੰ ਸਿੰਘ ਪੁੱਤਰ ਦਰਸ਼ਨ ਸਿੰਘ, ਹਰਪ੍ਰੀਤ ਸਿੰਘ ਪੁੱਤਰ ਬਾਲਮੀਕ ਸਿੰਘ , ਚਰਨਜੀਤ ਸਿੰਘ ਪੁੱਤਰ ਰੋਹੀ ਰਾਮ ਨੂੰ ਨਗਦ ਰਾਸ਼ੀ ਅਤੇ ਸਨਮਾਨ ਚਿੰਨ੍ਹ ਨਾਲ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਰਾਜੂ ਸੀਮਿੰਟ ਵਾਲਾ, ਅਵਤਾਰ ਸਿੰਘ ਆਦਿ ਪਤਵੰਤਿਆਂ ਸਮੇਤ ਸਕੂਲ ਸਟਾਫ਼ ਤੇ ਸੁਸਾਇਟੀ ਮੈਂਬਰ ਵੀ ਹਾਜ਼ਰ ਸਨ।