ਸੜਕ ਧਸਣ ਕਾਰਨ ਵਾਹਨ ਪਲਟਿਆ, ਚਾਰ ਫੱਟੜ

ਸਾਲ ਪਹਿਲਾਂ ਬਣੀ ਸਡ਼ਕ ਵਿੱਚ ਟੋਏ ਪਏ

NP DHAWAN

ਪਠਾਨਕੋਟ, 05:06 AM Aug 15, 2025 IST

ਨਜ਼ਦੀਕ ਪੈਂਦੇ ਧੀਰਾ ਤੋਂ ਡੇਹਰੀਵਾਲ ਤੱਕ ਜਾਣ ਵਾਲੀ ਮੰਡੀ ਬੋਰਡ ਦੀ ਲਿੰਕ ਸੜਕ ਲੰਘੇ ਦਿਨੀਂ ਬਾਰਸ਼ ਕਾਰਨ ਧਸ ਜਾਣ ਕਾਰਨ ਵਾਹਨ ਸੜਕ ’ਤੇ ਪਲਟ ਗਿਆ। ਇਸ ਕਾਰਨ ਡਰਾਈਵਰ ਸਮੇਤ ਚਾਰ ਵਿਅਕਤੀ ਮਾਮੂਲੀ ਜ਼ਖ਼ਮੀ ਹੋਏ। ਇਸ ਵਾਹਨ ਵਿੱਚ ਸਕੂਲਾਂ ਦਾ ਮਿਡ-ਡੇਅ ਮੀਲ ਦਾ ਰਾਸ਼ਨ ਸੀ, ਜੋ ਮੀਂਹ ਨਾਲ ਗਿੱਲਾ ਹੋ ਗਿਆ। ਇੱਕ ਸਾਲ ਪਹਿਲਾਂ ਹੀ ਉਕਤ ਸੜਕ ਬਣੀ ਸੀ ਅਤੇ ਹੁਣ ਤੱਕ 2 ਵਾਰ ਟੁੱਟ ਚੁੱਕੀ ਹੈ। ਲੋਕਾਂ ਨੇ ਵਿਭਾਗ ਖ਼ਿਲਾਫ਼ ਨਾਅਰੇਬਾਜ਼ੀ ਕੀਤੀ ਅਤੇ ਇਸ ਸੜਕ ਦੀ ਜਾਂਚ ਕਰਵਾਉਣ ਦੀ ਮੰਗ ਕੀਤੀ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਹ ਸੜਕ ਗੈਰ-ਮਿਆਰੀ ਬਣਨ ਕਾਰਨ ਵਾਰ-ਵਾਰ ਟੁੱਟ ਰਹੀ ਹੈ।

ਨੀਰਜ ਕੁਮਾਰ, ਰਜਤ ਸ਼ਰਮਾ, ਅਨੂ, ਦੀਪਕ ਸਿੰਘ ਅਤੇ ਮੋਹਿਤ ਸ਼ਰਮਾ ਨੇ ਕਿਹਾ ਕਿ ਮੰਡੀ ਬੋਰਡ ਵੱਲੋਂ ਉਕਤ ਸੜਕ ਸਾਲ ਪਹਿਲਾਂ ਬਣਾਈ ਗਈ ਸੀ ਤੇ ਬਹੁਤ ਜਲਦੀ ਹੀ ਇਸ ਵਿੱਚ ਟੋਏ ਪੈ ਗਏ ਸਨ ਜਿਸ ਦੀ 6 ਮਹੀਨੇ ਪਹਿਲਾਂ ਹੀ ਇਸ ਦੀ ਮੁਰੰਮਤ ਕੀਤੀ ਗਈ ਸੀ ਪਰ ਹੁਣ ਮੁੜ ਇਹ ਜਗ੍ਹਾ-ਜਗ੍ਹਾ ਤੋਂ ਟੁੱਟ ਗਈ ਹੈ ਅਤੇ ਡੂੰਘੇ ਟੋਏ ਪੈ ਗਏ ਹਨ। ਅੱਜ ਤੜਕ ਸਾਰ ਜਦ ਰਾਸ਼ਨ ਲੈ ਕੇ ਡਰਾਈਵਰ ਵੱਖ-ਵੱਖ ਸਕੂਲਾਂ ਨੂੰ ਸਪਲਾਈ ਦੇਣ ਲਈ ਆਪਣਾ ਵਾਹਨ ਸੜਕ ਤੋਂ ਲੰਘਾਉਣ ਲੱਗਾ ਤਾਂ ਉਸ ਦੇ ਵਾਹਨ ਦਾ ਟਾਇਰ ਵੱਡੇ ਟੋਏ ਵਿੱਚ ਪੈ ਗਿਆ ਅਤੇ ਵਾਹਨ ਪਲਟੀਆਂ ਖਾ ਗਿਆ। ਡਰਾਈਵਰ ਕਰਤਾਰ ਸਿੰਘ ਦਾ ਕਹਿਣਾ ਸੀ ਕਿ ਉਕਤ ਸੜਕ ਜਗ੍ਹਾ-ਜਗ੍ਹਾ ਤੋਂ ਟੁੱਟੀ ਹੋਈ ਹੈ ਅਤੇ ਸਵੇਰੇ ਜਦ ਮੀਂਹ ਪੈ ਰਿਹਾ ਸੀ ਤਾਂ ਵਾਹਨ ਲੰਘਾਉਂਦੇ ਸਮੇਂ ਟਾਇਰ ਡੂੰਘੇ ਟੋਏ ਵਿੱਚ ਪੈ ਗਿਆ ਤੇ ਵਾਹਨ ਪਲਟ ਗਿਆ। ਲੋਕਾਂ ਨੇ ਮੰਡੀ ਬੋਰਡ ਤੋਂ ਮੰਗ ਕੀਤੀ ਕਿ ਜਲਦੀ ਤੋਂ ਜਲਦੀ ਸੜਕ ਦਾ ਸਹੀ ਢੰਗ ਨਾਲ ਨਿਰਮਾਣ ਕਰਵਾਇਆ ਜਾਵੇ।

‘ਪੰਜਾਬੀ ਟ੍ਰਿਬਿਊਨ’ ਪੰਜਾਬ ਦਾ ਮਿਆਰੀ ਅਖ਼ਬਾਰ ਅਤੇ ਟ੍ਰਿਬਿਊਨ ਟਰੱਸਟ ਦਾ ਇੱਕ ਅਹਿਮ ਪ੍ਰਕਾਸ਼ਨ ਹੈ। ਟ੍ਰਿਬਿਊਨ ਅਖ਼ਬਾਰ ਸਮੂਹ ਦਾ ਬੂਟਾ ਪੰਜਾਬ ਤੇ ਭਾਰਤ ਦੇ ਮਹਾਨ ਸਪੂਤ ਸਰਦਾਰ ਦਿਆਲ ਸਿੰਘ ਮਜੀਠੀਆ ਨੇ 2 ਫਰਵਰੀ 1881 ਨੂੰ ਲਾਹੌਰ ਵਿੱਚ ਅੰਗਰੇਜ਼ੀ ਅਖ਼ਬਾਰ ‘ਦਿ ਟ੍ਰਿਬਿਊਨ’ ਆਰੰਭ ਕਰਕੇ ਲਾਇਆ ਸੀ।

‘ਪੰਜਾਬੀ ਟ੍ਰਿਬਿਊਨ’ ਦੀ ਪ੍ਰਕਾਸ਼ਨਾ 15 ਅਗਸਤ 1978 ਤੋਂ ਸ਼ੁਰੂ ਹੋਈ ਸੀ ਅਤੇ ਇਸ ਨੂੰ ਨਿੱਗਰ ਤੇ ਨਿਰਪੱਖ ਸੋਚ ਦਾ ਪਹਿਰੇਦਾਰ ਮੰਨਿਆ ਜਾਂਦਾ ਹੈ। ਸਨਸਨੀਖੇਜ਼ ਭਾਸ਼ਾ ਤੇ ਵਿਚਾਰਾਂ ਤੋਂ ਗੁਰੇਜ਼ ਕਰਨਾ ਅਤੇ ਲੋਕਾਂ ਨੂੰ ਦਰਪੇਸ਼ ਮੁਸ਼ਕਲਾਂ ਤੇ ਸਮੱਸਿਆਵਾਂ ਨੂੰ ਸੁਚਾਰੂ ਢੰਗ ਨਾਲ ਅੱਗੇ ਲਿਆਉਣਾ ‘ਪੰਜਾਬੀ ਟ੍ਰਿਬਿਊਨ’ ਦਾ ਅਕੀਦਾ ਰਿਹਾ ਹੈ।

‘ਪੰਜਾਬੀ ਟ੍ਰਿਬਿਊਨ’ ਦੀ ਪ੍ਰਕਾਸ਼ਨਾ ਨਾਲ ਨਵੀਂ ਤਰਜ਼ ਵਾਲੀ ਪੰਜਾਬੀ ਪੱਤਰਕਾਰੀ ਦੀ ਸ਼ੁਰੂਆਤ ਹੋਈ ਸੀ। ਸਮੇਂ ਨਾਲ ਬਹੁਤ ਕੁਝ ਬਦਲ ਗਿਆ ਹੈ ਪਰ ਟ੍ਰਿਬਿਊਨ ਸਮੂਹ ਵੱਲੋਂ ਪੱਤਰਕਾਰੀ ਵਿੱਚ ਸੰਦਲੀ ਪੈੜਾਂ ਪਾਉਣ ਦੀ ਪਿਰਤ ਜਿਉਂ ਦੀ ਤਿਉਂ ਕਾਇਮ ਹੈ।.

Designed and developed by :

Related News