ਪਰਾਲੀ ਖਰੀਦ ਕੇ ਬਿਜਲੀ ਪੈਦਾ ਕਰ ਰਹੀ ਹੈ ਸੈਲ ਕੰਪਨੀ

ਪਰਾਲੀ ਸਾੜਨ ਦੇ ਮਾਮਲੇ ਤੇ ਬੇਸ਼ੱਕ ਸਰਕਾਰ ਵੱਲੋਂ ਸਖ਼ਤੀ ਵਰਤਦਿਆਂ ਜ਼ਿੰਮੇਵਾਰ ਕਿਸਾਨਾਂ ਦੇ ਚਲਾਨ ਕੱਟ ਕੇ ਜੁਰਮਾਨੇ ਕੀਤੇ ਜਾ ਰਹੇ ਹਨ ਜਦਕਿ ਦੂਜੇ ਪਾਸੇ ਕੁਝ ਨਿੱਜੀ ਫਰਮਾਂ ਵੱਲੋਂ ਕਿਸਾਨਾਂ ਦੀ ਪਰਾਲੀ ਵੱਡੇ ਪੱਧਰ ਤੇ ਖਰੀਦ ਕੇ ਬਿਜਲੀ ਪੈਦਾ ਕੀਤੀ ਜਾ ਰਹੀ ਹੈ, ਜਿਸ ਨਾਲ ਨਾਂ ਸਿਰਫ਼ ਵਾਤਾਵਰਣ ਪ੍ਰਦੂਸ਼ਣ ਮੁਕਤ ਹੋ ਰਿਹਾ ਅਤੇ ਬਿਜਲੀ ਦੀ ਘਾਟ ਪੂਰੀ ਹੋਣ ਦੇ ਨਾਲ ਨਾਲ ਕਿਸਾਨ ਦੀ ਆਮਦਨ ਵੀ ਵੱਧ ਰਹੀ ਹੈ।

ਸੈਲ ਇੰਡਸਟਰੀਜ਼ ਲਿਮਿਟਡ ਨੇ ਇਸ ਵਾਢੀ ਦੇ ਸੀਜ਼ਨ ਦੌਰਾਨ ਲਗਭਗ 20 ਲੱਖ ਟਨ ਪਰਾਲੀ ਖਰੀਦਣ ਦਾ ਟੀਚਾ ਮਿੱਥਿਆ ਹੈ ਜਿਸ ਦਾ ਉਦੇਸ਼ ਇਸਨੂੰ ਸਾਫ਼ ਊਰਜਾ ਵਿੱਚ ਬਦਲਣਾ ਅਤੇ ਪਰਾਲੀ ਸਾੜਨ ਕਾਰਨ ਹੋਣ ਵਾਲੇ ਪ੍ਰਦੂਸ਼ਣ ਨੂੰ ਘਟਾਉਣਾ ਹੈ।

ਇੰਟੀਗ੍ਰੇਟਡ ਰਿਨਿਊਏਬਲ ਐਨਰਜੀ ਕੰਪਨੀ ਸੈਲ ਦੇ

ਸੀ ਈ ਓ ਅਤੇ ਡਾਇਰੈਕਟਰ ਲਕਸ਼ਿਤ ਆਵਲਾ ਨੇ ਐਲਾਨ ਕੀਤਾ ਹੈ ਕਿ ਇਸ ਸਾਲ ਵਾਢੀ ਦੇ ਸੀਜ਼ਨ ਦੌਰਾਨ ਕੰਪਨੀ ਪਰਾਲੀ ਖਰੀਦਕੇ ਆਪਣੇ ਫਿਊਲ ਐਗਰੀਗੇਟਰ ਰਾਹੀਂ ਇਸਨੂੰ ਸਾਫ਼ ਬਿਜਲੀ ਵਿੱਚ ਬਦਲੇਗੀ। ਵੱਡੇ ਪੱਧਰ ’ਤੇ ਪਰਾਲੀ ਖਰੀਦਣ ਦੀ ਇਹ ਮੁਹਿੰਮ ਪਰਾਲੀ ਸਾੜਨ ਅਤੇ ਐਗਰੀ ਵੇਸਟ ਪ੍ਰਬੰਧਨ ਦੀ ਗੰਭੀਰ ਚਿੰਤਾ ਨੂੰ ਦੂਰ ਕਰਨ ਵਿੱਚ ਮਦਦ ਕਰੇਗੀ ਉਨ੍ਹਾਂ ਦੱਸਿਆ ਕਿ ਕੰਪਨੀ ਕੋਲ ਪੰਜਾਬ, ਹਰਿਆਣਾ ਅਤੇ ਰਾਜਸਥਾਨ ਵਿੱਚ 11 ਡਬਲਿਊਟੀਈ ਪਲਾਂਟਾਂ ਦਾ ਪ੍ਰਬੰਧ ਹੈ ਜਿਨ੍ਹਾਂ ਦੀ ਕੁੱਲ ਸਮਰੱਥਾ 165 ਮੈਗਾਵਾਟ ਹੈ।