ਬਾਬਾ ਖਾਟੂ ਸ਼ਿਆਮ ਦੀ ਸ਼ੋਭਾ ਯਾਤਰਾ ਸਜਾਈ

ਸਥਾਨਕ ਨਵੀਂ ਦਾਣਾ ਵਿੱਚ ਸ੍ਰੀ ਭਗਤੀ ਧਾਮ ਮੰਦਰ ਤੋਂ ਅੱਜ ਬਾਬਾ ਖਾਟੂ ਸ਼ਿਆਮ ਦੀ ਮੂਰਤੀ ਸਥਾਪਨਾ ਸਮਾਗਮ ਤੋਂ ਪਹਿਲਾਂ ਸਾਰੇ ਸ਼ਹਿਰ ਅੰਦਰ ਸ਼ੋਭਾ ਯਾਤਰਾ ਸਜਾਈ ਗਈ ਅਤੇ ਭਗਤਾਂ ਵੱਲੋਂ ਸਾਰੇ ਸ਼ਹਿਰ ਅੰਦਰ ਬਾਬਾ ਖਾਟੂ ਸ਼ਿਆਮ ਦੇ ਜੈਕਾਰੇ ਲਗਾਏ। ਮੰਦਰ ਦੇ ਮੁੱਖ ਪੁਜਾਰੀ ਪੰਡਤ ਰਿਸ਼ੀ ਵਾਲਮੀਕ ਸ਼ਾਸਤਰੀ ਨੇ ਦੱਸਿਆ ਕਿ ਸ਼ਹਿਰ ਵਾਸੀਆਂ ਦੇ ਸਹਿਯੋਗ ਨਾਲ ਉਨ੍ਹਾਂ ਦੇ ਮੰਦਰ ਦੀ ਨਵੀਂ ਉਸਾਰੀ ਹੋਈ ਹੈ। ਇਸ ਵਿੱਚ ਬਾਬਾ ਖਾਟੂ ਸ਼ਿਆਮ ਦੀ ਮੂਰਤੀ ਤੋਂ ਇਲਾਵਾ ਹੋਰ ਦੇਵੀ-ਦੇਵਤਿਆਂ ਦੀਆਂ ਮੂਰਤੀਆਂ ਦੀ ਸਥਾਪਨਾ ਭਲਕੇ ਐਤਵਾਰ 30 ਨਵੰਬਰ ਨੂੰ ਕੀਤੀ ਜਾਵੇਗੀ। ਉਪਰੰਤ ਰਾਤ ਨੂੰ ਸ੍ਰੀ ਰਾਧਾ ਮਾਧਵ ਸੰਕੀਰਤਨ ਮੰਡਲ ਜਲਾਲਾਬਾਦ ਵਲੋਂ ਭਜਨ ਕੀਰਤਨ ਕੀਤਾ ਜਾਵੇਗਾ। ਉਨ੍ਹਾਂ ਦੱਸਿਆ ਕਿ ਬਾਬਾ ਖਾਟੂ ਸ਼ਿਆਮ ਦਾ ਮੰਦਰ ਗੁਰੂਸਰ ਸੁਧਾਰ ਅਤੇ ਰਾਏਕੋਟ ਵਿੱਚ ਹੋਣ ਕਰਕੇ ਮੁੱਲਾਂਪੁਰ ਦੇ ਸ਼ਹਿਰ ਵਾਸੀਆਂ ਦੀ ਕਾਫੀ ਚਿਰਾਂ ਤੋਂ ਮੰਗ ਸੀ ਕਿ ਇਥੇ ਵੀ ਬਾਬਾ ਖਾਟੂ ਸ਼ਿਆਮ ਦਾ ਮੰਦਰ ਬਣਾਇਆ ਜਾਵੇ ਜੋ ਕੱਲ ਨੂੰ ਪੂਰੀ ਹੋਣ ਜਾ ਰਹੀ ਹੈ। ਪੰਡਤ ਹਰੀ ਓਮ, ਪੰਡਤ ਰਾਮ ਕ੍ਰਿਸ਼ਨ ਰਾਏਕੋਟ ਤੇ ਪੰਡਤ ਰਮੇਸ਼ ਚੰਦਰ ਨੇ ਦੱਸਿਆ ਕਿ ਸ੍ਰੀ ਭਗਤੀ ਧਾਮ ਮੰਦਰ ਵਿੱਚ ਸਮਾਗਮ 26 ਨਵੰਬਰ ਤੋਂ ਸ਼ੁਰੂ ਹੋਇਆ ਸੀ ਅਤੇ ਅੱਜ ਸ਼ਨਿੱਚਰਵਾਰ ਨੂੰ ਬਾਬਾ ਖਾਟੂ ਸ਼ਿਆਮ ਦੀ ਸ਼ੋਭਾ ਯਾਤਰਾ ਕੱਢੀ ਗਈ।