ਡਿਜੀਟਲ ਧੋਖਾਧੜੀ ਬਾਰੇ ਏਅਰਟੈੱਲ ਵੱਲੋਂ ਗਾਹਕਾਂ ਨੂੰ ਚਿਤਾਵਨੀ

ਭਾਰਤ ਵਿੱਚ ਡਿਜੀਟਲ ਧੋਖਾਧੜੀ ਅਤੇ ਆਨਲਾਈਨ ਘੁਟਾਲੇ ਤੇਜ਼ੀ ਨਾਲ ਵਧ ਰਹੇ ਹਨ। ਅਜਿਹੀ ਸਥਿਤੀ ਵਿੱਚ ਡਿਜੀਟਲ ਧੋਖਾਧੜੀ ਤੋਂ ਖੁਦ ਨੂੰ ਬਚਾਉਣ ਦਾ ਇੱਕ ਤਰੀਕਾ ਇਹ ਹੋ ਸਕਦਾ ਹੈ ਕਿ ਕਿਸ ਦੂਜੇ ਬੈਂਕ ਖਾਤੇੇ ਰਾਹੀਂ ਹੀ ਰੋਜ਼ਾਨਾ ਦਾ ਲੈਣ-ਦੇਣ ਕੀਤਾ ਜਾਵੇ ਅਤੇ ਉਸ ਖਾਤੇ ਵਿੱਚ ਲੋੜ ਅਨੁਸਾਰ ਕੁਝ ਪੈਸੇ ਬੱਚਤ ਵਜੋਂ ਰੱਖੇ ਜਾ ਸਕਣ ਅਤੇ ਜਿਸ ਵਿੱਚ ਗਾਹਕਾਂ ਨੂੰ ਵਿਆਜ ਵੀ ਮਿਲੇ।

ਏਅਰਟੈੱਲ ਦੇ ਵਾਈਸ ਚੇਅਰਮੈਨ ਅਤੇ ਮੈਨੇਜਿੰਗ ਡਾਇਰੈਕਟਰ ਗੋਪਾਲ ਵਿੱਟਲ ਨੇ ਆਪਣੇ ਗਾਹਕਾਂ ਨੂੰ ਇੱਕ ਪੱਤਰ ਲਿਖ ਕੇ ਡਿਜੀਟਲ ਧੋਖਾਧੜੀ ਵਿਰੁੱਧ ਸੁਚੇਤ ਰਹਿਣ ਦੀ ਅਪੀਲ ਕੀਤੀ ਹੈ‌। ਉਨ੍ਹਾਂ ਦੱਸਿਆ ਕਿ ਏਅਰਟੈੱਲ ਵੱਲੋਂ ਆਪਣੇ ਗਾਹਕਾਂ ਲਈ ਏਅਰਟੈੱਲ ਪੇਮੈਂਟਸ ਬੈਂਕ ਦੇ ਰੂਪ ਵਿੱਚ ਇਸਦਾ ਇੱਕ ਬਿਹਤਰ ਬਦਲ ਪੇਸ਼ ਕੀਤਾ ਹੈ, ਜੋ ਉਨ੍ਹਾਂ ਦੀ ਵਿੱਤੀ ਸੁਰੱਖਿਆ ਨੂੰ ਹੋਰ ਮਜ਼ਬੂਤ ਕਰੇਗਾ ਅਤੇ ਪੂਰੀ ਤਰ੍ਹਾਂ ਸੁਰੱਖਿਅਤ ਅਤੇ ਸੁਵਿਧਾਜਨਕ ਬੈਂਕਿੰਗ ਸਹੂਲਤਾਂ ਪ੍ਰਦਾਨ ਕਰੇਗਾ।

ਕੰਪਨੀ ਨੇ ਗਾਹਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਆਪਣੇ ਡਿਜੀਟਲ ਭੁਗਤਾਨਾਂ ਲਈ ਇੱਕ ਸੁਰੱਖਿਅਤ ‘ਦੂਜਾ ਖਾਤਾ’ ਬਣਾਉਣ, ਤਾਂ ਜੋ ਮੁੱਖ ਬੈਂਕ ਖਾਤੇ ਨੂੰ ਕਿਸੇ ਵੀ ਆਨਲਾਈਨ ਖਤਰੇ ਤੋਂ ਸੁਰੱਖਿਅਤ ਰੱਖਿਆ ਜਾ ਸਕੇ। ਉਨ੍ਹਾਂ ਕਿਹਾ ਕਿ ਅੱਜ ਕੱਲ੍ਹ ਨਕਲੀ ਪਾਰਸਲ ਡਿਲੀਵਰੀ, ਇਨਾਮ ਜਿੱਤਣ ਦੇ ਨਾਮ ’ਤੇ ਲਿੰਕ ਭੇਜਣ ਅਤੇ ਡਿਜੀਟਲ ਗ੍ਰਿਫ਼ਤਾਰੀ ਦੇ ਖ਼ਤਰੇ ਵਰਗੀਆਂ ਨਵੀਆਂ ਚਾਲਾਂ ਦੀ ਮਦਦ ਨਾਲ ਡਿਜੀਟਲ ਧੋਖਾਧੜੀ ਵਧ ਰਹੀ ਹੈ। ਏਅਰਟੈੱਲ ਨੇ ਨਕਲੀ ਲਿੰਕਾਂ ਨੂੰ ਕਲਿੱਕ ਕਰਨ ’ਤੇ ਵੀ ਬਲਾਕ ਕਰਨ ਲਈ ਤਕਨਾਲੋਜੀ ਵਿਕਸਤ ਕੀਤੀ ਹੈ।