ਮਹਿਲਾ ਨੇ ਭੁਲੇਖੇ ਨਾਲ ਬੱਚਾ ਕੈਬ ’ਚ ਛੱਡਿਆ

ਪੁਲੀਸ ਨੇ 15 ਕਿਲੋਮੀਟਰ ਜਾ ਕੇ ਕੈਬ ਵਿੱਚੋਂ ਬੱਚਾ ਕੱਢਿਆ

P P Verma

ਪੰਚਕੂਲਾ, 05:49 AM Dec 08, 2025 IST

ਦੇਹਰਾਦੂਨ ਤੋਂ ਨਾਲਾਗੜ੍ਹ, ਹਿਮਾਚਲ ਪ੍ਰਦੇਸ਼ ਜਾ ਰਹੀ ਇੱਕ ਮਹਿਲਾ ਦਾ ਦੋ ਸਾਲਾ ਬੱਚਾ ਕੈਬ ਵਿੱਚ ਰਹਿ ਗਿਆ। ਡੀ ਸੀ ਪੀ ਪੰਚਕੂਲਾ ਸ੍ਰਿਸ਼ਟੀ ਗੁਪਤਾ ਨੇ ਦੱਸਿਆ ਕਿ ਮਹਿਲਾ ਨੇ ਸਵੇਰੇ 6 ਵਜੇ ਦੇਹਰਾਦੂਨ ਤੋਂ ਹਿਮਾਚਲ ਪ੍ਰਦੇਸ਼ ਲਈ ਇੱਕ ਕੈਬ ਬੁੱਕ ਕੀਤੀ ਸੀ। ਜਦੋਂ ਉਹ ਪਿੰਜੌਰ ਪਹੁੰਚੀ ਤਾਂ ਉਹ ਕੇਲੇ ਅਤੇ ਹੋਰ ਚੀਜ਼ਾਂ ਖਰੀਦਣ ਲਈ ਗੱਡੀ ਤੋਂ ਉਤਰੀ ਅਤੇ ਬੱਚੇ ਨੂੰ ਵਿਅਸਤ ਰੱਖਣ ਲਈ ਆਪਣਾ ਮੋਬਾਈਲ ਫੋਨ ਦਿੱਤਾ। ਇਸ ਦੌਰਾਨ ਡਰਾਈਵਰ ਵੀ ਗੱਡੀ ’ਚੋਂ ਨਿਕਲਿਆ ਅਤੇ ਕੁੱਝ ਸਮੇਂ ਮਗਰੋਂ ਉਹ ਬਿਨਾਂ ਚੈੱਕ ਕੀਤੇ ਗੱਡੀ ਚਲਾ ਕੇ ਨਾਲਾਗੜ੍ਹ ਵੱਲ ਚਲਾ ਗਿਆ। ਜਦੋਂ ਮਹਿਲਾ ਵਾਪਸ ਆਈ ਅਤੇ ਗੱਡੀ ਉੱਥੇ ਨਹੀਂ ਸੀ। ਉਸ ਨੇ ਤੁਰੰਤ ਪੁਲੀਸ ਨੂੰ ਸੂਚਿਤ ਕੀਤਾ। ਈ ਆਰ ਵੀ 526 ਟੀਮ ਤਰਫ਼ੋਂ ਇੰਚਾਰਜ ਰਿਸ਼ੀ ਕੁਮਾਰ, ਐੱਸ ਪੀ ਓ ਰਾਮਚੰਦਰ ਅਤੇ ਐੱਸ ਪੀ ਓ ਪਰਵੇਸ਼ ਮਸੀਹ ਨੇ ਗੱਡੀ ਦਾ ਪਿੱਛਾ ਕੀਤਾ। ਪੁਲੀਸ ਨੇ ਮਹਿਲਾ ਦੇ ਫੋਨ ’ਤੇ ਕਾਲ ਕੀਤੀ, ਜੋ ਬੱਚੇ ਨੇ ਰਿਸੀਵ ਕੀਤੀ ਅਤੇ ਕਹਿਣ ਅਨੁਸਾਰ ਉਸ ਨੇ ਡਰਾਈਵਰ ਨਾਲ ਗੱਲ ਕਰਵਾਈ।

ਡਰਾਈਵਰ ਨੇ ਦੱਸਿਆ ਕਿ ਉਹ ਗਲਤੀ ਨਾਲ ਗੱਡੀ ਚਲਾ ਕੇ ਅੱਗੇ ਗਿਆ ਅਤੇ ਉਸ ਨੇ ਪਿਛਲੀ ਸੀਟ ਵੱਲ ਧਿਆਨ ਨਹੀਂ ਦਿੱਤਾ ਸੀ। ਉਹ ਪਿੰਜੌਰ ਤੋਂ ਨਾਲਾਗੜ੍ਹ ਰੋਡ ’ਤੇ ਲਗਭਗ 15 ਕਿਲੋਮੀਟਰ ਦੂਰ ਪਹੁੰਚ ਗਿਆ ਸੀ। ਪੁਲੀਸ ਨੇ ਉਸ ਨੂੰ ਰੋਕ ਕੇ ਬੱਚਾ ਬਰਾਮਦ ਕਰਕੇ ਮਹਿਲਾ ਹਵਾਲੇ ਕੀਤਾ।

‘ਪੰਜਾਬੀ ਟ੍ਰਿਬਿਊਨ’ ਪੰਜਾਬ ਦਾ ਮਿਆਰੀ ਅਖ਼ਬਾਰ ਅਤੇ ਟ੍ਰਿਬਿਊਨ ਟਰੱਸਟ ਦਾ ਇੱਕ ਅਹਿਮ ਪ੍ਰਕਾਸ਼ਨ ਹੈ। ਟ੍ਰਿਬਿਊਨ ਅਖ਼ਬਾਰ ਸਮੂਹ ਦਾ ਬੂਟਾ ਪੰਜਾਬ ਤੇ ਭਾਰਤ ਦੇ ਮਹਾਨ ਸਪੂਤ ਸਰਦਾਰ ਦਿਆਲ ਸਿੰਘ ਮਜੀਠੀਆ ਨੇ 2 ਫਰਵਰੀ 1881 ਨੂੰ ਲਾਹੌਰ ਵਿੱਚ ਅੰਗਰੇਜ਼ੀ ਅਖ਼ਬਾਰ ‘ਦਿ ਟ੍ਰਿਬਿਊਨ’ ਆਰੰਭ ਕਰਕੇ ਲਾਇਆ ਸੀ।

‘ਪੰਜਾਬੀ ਟ੍ਰਿਬਿਊਨ’ ਦੀ ਪ੍ਰਕਾਸ਼ਨਾ 15 ਅਗਸਤ 1978 ਤੋਂ ਸ਼ੁਰੂ ਹੋਈ ਸੀ ਅਤੇ ਇਸ ਨੂੰ ਨਿੱਗਰ ਤੇ ਨਿਰਪੱਖ ਸੋਚ ਦਾ ਪਹਿਰੇਦਾਰ ਮੰਨਿਆ ਜਾਂਦਾ ਹੈ। ਸਨਸਨੀਖੇਜ਼ ਭਾਸ਼ਾ ਤੇ ਵਿਚਾਰਾਂ ਤੋਂ ਗੁਰੇਜ਼ ਕਰਨਾ ਅਤੇ ਲੋਕਾਂ ਨੂੰ ਦਰਪੇਸ਼ ਮੁਸ਼ਕਲਾਂ ਤੇ ਸਮੱਸਿਆਵਾਂ ਨੂੰ ਸੁਚਾਰੂ ਢੰਗ ਨਾਲ ਅੱਗੇ ਲਿਆਉਣਾ ‘ਪੰਜਾਬੀ ਟ੍ਰਿਬਿਊਨ’ ਦਾ ਅਕੀਦਾ ਰਿਹਾ ਹੈ।

‘ਪੰਜਾਬੀ ਟ੍ਰਿਬਿਊਨ’ ਦੀ ਪ੍ਰਕਾਸ਼ਨਾ ਨਾਲ ਨਵੀਂ ਤਰਜ਼ ਵਾਲੀ ਪੰਜਾਬੀ ਪੱਤਰਕਾਰੀ ਦੀ ਸ਼ੁਰੂਆਤ ਹੋਈ ਸੀ। ਸਮੇਂ ਨਾਲ ਬਹੁਤ ਕੁਝ ਬਦਲ ਗਿਆ ਹੈ ਪਰ ਟ੍ਰਿਬਿਊਨ ਸਮੂਹ ਵੱਲੋਂ ਪੱਤਰਕਾਰੀ ਵਿੱਚ ਸੰਦਲੀ ਪੈੜਾਂ ਪਾਉਣ ਦੀ ਪਿਰਤ ਜਿਉਂ ਦੀ ਤਿਉਂ ਕਾਇਮ ਹੈ।.

Designed and developed by :

Related News