ਜਾਨਾਂ ਬਚਾਉਣ ਵਾਲੇ ਛੇ ਸਮਾਜ ਸੇਵੀ ਸਨਮਾਨੇ

ਸਰਵ ਸਮਾਜ ਸਭਾ ਰਤੀਆ ਨੇ ਭਗਤ ਨਾਮਦੇਵ ਧਰਮਸ਼ਾਲਾ ਵਿੱਚ ਸਨਮਾਨ ਸਮਾਰੋਹ ਕਰਵਾਇਆ। ਸਟੇਸ਼ਨ ਹਾਊਸ ਅਫਸਰ ਰਣਜੀਤ ਸਿੰਘ ਭਿੰਡਰ ਮੁੱਖ ਮਹਿਮਾਨ ਸਨ, ਜਦੋਂਕਿ ਪ੍ਰਧਾਨ ਸਤਪਾਲ ਜਿੰਦਲ ਨੇ ਸਮਾਰੋਹ ਦੀ ਪ੍ਰਧਾਨਗੀ ਕੀਤੀ। ਸਭਾ ਦੇ ਜਨਰਲ ਸਕੱਤਰ ਡਾ. ਨਾਇਬ ਸਿੰਘ ਮੰਡੇਰ ਨੇ ਸਨਮਾਨਿਤ ਅਧਿਆਪਕਾਂ ਦੀ ਜਾਣ-ਪਛਾਣ ਕਰਵਾਈ ਅਤੇ ਦੋ ਵੱਖ-ਵੱਖ ਘਟਨਾਵਾਂ ਵਿੱਚ ਜਾਨਾਂ ਬਚਾਉਣ ਵਾਲੇ ਛੇ ਸਮਾਜ ਸੇਵੀਆਂ ਨੂੰ ਸਨਮਾਨਿਤ ਕਰਨ ਦੀ ਰਿਪੋਰਟ ਪੇਸ਼ ਕੀਤੀ। ਸੀਨੀਅਰ ਮੀਤ ਪ੍ਰਧਾਨ ਕੈਪਟਨ ਜਗਜੀਤ ਸਿੰਘ ਰਤਨਗੜ੍ਹ ਨੇ ਮਹਿਮਾਨਾਂ ਦਾ ਸਵਾਗਤ ਕੀਤਾ। ਪ੍ਰੈੱਸ ਸਕੱਤਰ ਹੈਪੀ ਸਿੰਘ ਸੇਠੀ ਨੇ ਸਨਮਾਨ ਪੱਤਰ ਭੇਟ ਕੀਤੇ। ਐੱਸ ਐੱਚ ਓ ਰਣਜੀਤ ਸਿੰਘ ਭਿੰਡਰ, ਸਬ-ਇੰਸਪੈਕਟਰ ਕੰਵਰ ਸਿੰਘ, ਏ ਐੱਸ ਆਈ ਮਹਿੰਦਰ ਸਿੰਘ, ਹੈੱਡ ਕਾਂਸਟੇਬਲ ਗੁਰਸੇਵਕ ਸਿੰਘ, ਸਮਾਜ ਸੇਵੀ ਜਗਦੀਸ਼ ਮਿੱਤਲ ਤੇ ਸਮਾਜ ਸੇਵਕਾ ਵਿਮਲਾ ਦੇਵੀ ਨੂੰ ਪ੍ਰਸ਼ੰਸਾ-ਪੱਤਰ ਅਤੇ ਸ਼ਾਲ ਨਾਲ ਸਨਮਾਨਿਤ ਕੀਤਾ। ਸਤਪਾਲ ਜਿੰਦਲ ਨੇ ਧੰਨਵਾਦ ਕੀਤਾ। ਉਨ੍ਹਾਂ ਦੱਸਿਆ ਕਿ ਲੋਕਾਂ ਦੀ ਮਦਦ ਨਾਲ ਕੁੜੀਆਂ ਦੇ ਸਕੂਲ ਦੀ ਇਮਾਰਤ ਦੀ ਉਸਾਰੀ, ਘੱਗਰ ਨਦੀ ਦੇ ਪੁਲ ਹੇਠੋਂ ਗੰਦੇ ਪਾਣੀ ਦੀ ਨਿਕਾਸੀ ਦੀ ਮੁਰੰਮਤ, ਹੈਪੇਟਾਈਟਸ ਸੀ ਵਰਗੀਆਂ ਬਿਮਾਰੀਆਂ ਦਾ ਮੁਫ਼ਤ ਇਲਾਜ ਕਰਵਾਉਣ ਦਾ ਵੱਡਾ ਕੰਮ ਸਰਕਾਰ ਅੱਗੇ ਮੰਗ ਚੁੱਕ ਕੇ ਕਰਵਾਇਆ ਗਿਆ ਹੈ।

ਇਸ ਮੌਕੇ ਪ੍ਰਧਾਨ ਸਤਪਾਲ ਜਿੰਦਲ, ਜਨਰਲ ਸਕੱਤਰ ਡਾ. ਨਾਇਬ ਸਿੰਘ ਮੰਡੇਰ, ਕੈਪਟਨ ਜਗਜੀਤ ਸਿੰਘ, ਮੀਤ ਪ੍ਰਧਾਨ ਨਰਿੰਦਰ ਗਰੋਵਰ, ਬੋਰਡ ਆਫ ਡਾਇਰੈਕਟਰ ਸੁਸ਼ੀਲ ਜੈਨ, ਖ਼ਜ਼ਾਨਚੀ ਸ਼ੇਰ ਸਿੰਘ ਭੁੱਲਰ, ਪ੍ਰੈੱਸ ਸਕੱਤਰ ਹੈਪੀ ਸਿੰਘ ਸੇਠੀ, ਰੂਪ ਸਿੰਘ ਖੋਖਰ, ਬਲਿੰਦਰ ਸ਼ਰਮਾ, ਇਕਬਾਲ ਸਿੰਘ, ਰਾਜਪਾਲ ਗਰੋਵਰ, ਵਿੰਨਾ ਜਿੰਦਲ (ਵਿਨੋਦ ਕਰਨ ਸਿੰਘ ਮੰਡੇਰ, ਭੁੱਚੋ ਜੈਨ, ਭੁੱਚੋ ਸਿੰਘ), ਡਾ. ਸੱਗੂ, ਰਾਜਿੰਦਰ ਮੌਂਗਾ ਆਦਿ ਹਾਜ਼ਰ ਸਨ।