ਪੰਜਾਬਦੇਸ਼ਵਿਦੇਸ਼ਖੇਡਾਂਦਿੱਲੀਚੰਡੀਗੜ੍ਹਹਰਿਆਣਾਮਾਲਵਾਮਾਝਾਦੋਆਬਾਸਤਰੰਗਟਰੈਂਡਿੰਗExplainersਫ਼ੀਚਰਪਰਵਾਸੀ
Advertisement

ਐੱਨਸੀਸੀ ਲਈ ਕੈਡੇਟਾਂ ਦੀ ਚੋਣ

ਆਰੀਆ ਕੰਨਿਆ ਕਾਲਜ ਵਿੱਚ ਸਮਾਗਮ; 83 ਵਿਦਿਆਰਥਣਾਂ ਨੇ ਰਜਿਸਟਰੇਸ਼ਨ ਕਰਵਾਈ
ਐੱਨਸੀਸੀ ਦੀ ਚੋਣ ਵੇਲੇ ਪ੍ਰਿੰਸੀਪਲ ਡਾ. ਆਰਤੀ ਤ੍ਰੇਹਨ ਤੇ ਕੈਡੇਟ। -ਫੋਟੋ: ਸਤਨਾਮ ਸਿੰਘ
Advertisement

ਆਰੀਆ ਕੰਨਿਆ ਕਾਲਜ ਵਿੱਚ ਐੱਨਸੀਸੀ ਦੇ ਕੈਡੇਟਾਂ ਦੀ ਪਹਿਲੇ ਸਾਲ ਦੀ ਚੋਣ ਲਈ ਲੜਕੀਆਂ ਨੇ ਆਪਣੀ ਪ੍ਰਤਿਭਾ ਦਾ ਪ੍ਰਦਰਸ਼ਨ ਕੀਤਾ। ਅੱਜ ਐੱਨਸੀਸੀ ਦੇ ਪਹਿਲੇ ਸਾਲ ਦੇ ਕੈਡੇਟਾਂ ਦੀ ਭਰਤੀ ਲਈ ਅੰਤਿਮ ਚੋਣ ਪ੍ਰੀਖਿਆ ਕਾਲਜ ਵਿਚ ਹੋਈ। ਪ੍ਰਿੰਸੀਪਲ ਡਾ. ਆਰਤੀ ਤਰੇਹਨ ਨੇ ਪਹਿਲੀ ਹਰਿਆਣਾ ਗਰਲਜ਼ ਬਟਾਲੀਅਨ ਅੰਬਾਲਾ ਛਾਉਣੀ ਤੋਂ ਆਏ ਸੂਬੇਦਾਰ ਮੇਜਰ ਰਘੁਵੀਰ ਯਾਦਵ ਤੇ ਹਵਲਦਾਰ ਹਰੀ ਰਾਮ ਦਾ ਸਵਾਗਤ ਕੀਤਾ। ਉਨ੍ਹਾਂ ਕਿਹਾ ਕਿ ਪਿਛਲੇ 12 ਸਾਲਾਂ ਤੋਂ ਕੈਪਟਨ ਜੋਤੀ ਸ਼ਰਮਾ ਦੀ ਅਗਵਾਈ ਹੇਠ ਕਾਲਜ ਦੀ ਐੱਨਸੀਸੀ ਯੂਨਿਟ ਰਾਸ਼ਟਰ ਨਿਰਮਾਣ ਤੇ ਸਮਾਜਿਕ ਕਾਰਜਾਂ ਦੇ ਕੰਮਾਂ ਵਿੱਚ ਕੰਮ ਕਰ ਰਹੀ ਹੈ। ਇਸ ਦੌਰਾਨ ਐੱਨਸੀਸੀ ਅਧਿਕਾਰੀ ਕੈਪਟਨ ਜੋਤੀ ਸ਼ਰਮਾ ਦੀ ਅਗਵਾਈ ਹੇਠ ਅੱਜ 21 ਕੈਡੇਟਾਂ ਦੀ ਚੋਣ ਲਈ ਸਰੀਰਕ ਟੈਸਟ ਦੇ ਹਿੱਸੇ ਵਜੋਂ 400 ਮੀਟਰ ਦੀ ਦੌੜ, 20 ਸਿਟ ਅੱਪ ਤੇ ਇੰਟਰਵਿਊ ਕੀਤੇ ਗਏ। ਇਸ ਦੇ ਨਾਲ ਹੀ ਵਿਦਿਆਰਥਣਾਂ ਦੀ ਉਚਾਈ, ਅੱਖਾਂ ਦੀ ਨਜ਼ਰ, ਹੱਥ, ਪੈਰ ਆਦਿ ਨਾਲ ਸਬੰਧਤ ਮੈਡੀਕਲ ਫਿਟਨੈਸ ਦੀ ਜਾਂਚ ਵੀ ਕੀਤੀ ਗਈ। ਸੂਬੇਦਾਰ ਮੇਜਰ ਰਘੁਵੀਰ ਯਾਦਵ ਨੇ ਸਾਰੀਆਂ ਵਿਦਿਆਰਥਣਾਂ ਨੂੰ ਅਗਨੀਵੀਰ ਤੇ ਐੱਨਸੀਸੀ ਦੇ ਦਾਇਰੇ ਤੇ ਭਵਿੱਖ ਵਿਚ ਇਸ ਦੇ ਲਾਭ ਬਾਰੇ ਦੱਸਿਆ। ਬੀਏ, ਬੀਐੱਸਸੀ, ਫੈਸ਼ਨ ਡਿਜ਼ਾਈਨਿੰਗ ਪਹਿਲੇ ਸਾਲ ਦੀਆਂ 83 ਵਿਦਿਆਰਥਣਾਂ ਨੇ ਐੱਨਸੀਸੀ ਪਹਿਲੇ ਸਾਲ ਦੀ ਚੋਣ ਲਈ ਰਜਿਸਟਰੇਸ਼ਨ ਕਰਵਾਈ ਸੀ। ਇਨ੍ਹਾਂ ਵਿੱਚੋਂ 40 ਵਿਦਿਆਰਥਣਾਂ ਨੇ ਚੋਣ ਪ੍ਰਕਿਰਿਆ ਦੇ ਅੰਤਿਮ ਚੋਣ ਟੈਸਟ ਵਿਚ ਹਿੱਸਾ ਲਿਆ। ਇਸ ਮੌਕੇ ਐੱਨਸੀਸੀ ਕਲਰਕ ਰੋਸ਼ਨ, ਸੀਨੀਅਰ ਅੰਡਰ ਅਧਿਕਾਰੀ ਤਨੀਸ਼ਾ, ਯੋਗਿਤਾ, ਐੱਨਸੀਪੀਐਲ ਨੀਰਜ, ਈਰਾ, ਕੈਡੇਟ ਆਰਤੀ ਤੇ ਅਮਰਜੀਤ ਹਾਜ਼ਰ ਸਨ।

Advertisement
Advertisement
Show comments