ਸੀਐੱਮਸੀ ਪਬਲਿਕ ਹੈਲਥ ਕਾਮਿਆਂ ਦੀ ਛਾਂਟੀ ਖ਼ਿਲਾਫ਼ ਨਿਗਮ ਦਫ਼ਤਰ ਅੱਗੇ ਧਰਨਾ

ਫੈਡਰੇਸ਼ਨ ਆਫ ਯੂਟੀ ਐਂਪਲਾਈਜ਼ ਐਂਡ ਵਰਕਰਜ਼ ਚੰਡੀਗੜ੍ਹ ਦੇ ਸੱਦੇ ’ਤੇ ਵੱਖ-ਵੱਖ ਵਿਭਾਗਾਂ ਦੇ ਕਾਮਿਆਂ ਨੇ ਸੀਐੱਮਸੀ ਪਬਲਿਕ ਹੈਲਥ ਕਾਮਿਆਂ ਦੀ ਛਾਂਟੀ ਵਿਰੁੱਧ ਅੱਜ ਸੈਕਟਰ 17 ਸਥਿਤ ਨਗਰ ਨਿਗਮ ਦਫਤਰ ਦੇ ਸਾਹਮਣੇ ਵਿਸ਼ਾਲ ਧਰਨਾ ਦਿੱਤਾ।

ਫੈਡਰੇਸ਼ਨ ਦੇ ਸੀਨੀਅਰ ਉਪ ਪ੍ਰਧਾਨ ਰਾਜੇਂਦਰ ਕਟੋਚ, ਉਪ ਪ੍ਰਧਾਨ ਹਰਕੇਸ਼ ਚੰਦ, ਅਮਰੀਕ ਸਿੰਘ, ਰਣਜੀਤ ਸਿੰਘ, ਟੋਪਲਾਨ, ਨਸੀਬ ਸਿੰਘ, ਤਰੁਣ ਜੈਸਵਾਲ, ਹਰਪਾਲ ਸਿੰਘ ਦੀ ਪ੍ਰਧਾਨਗੀ ਹੇਠ ਗਠਿਤ ਪ੍ਰਧਾਨਗੀ ਮੰਡਲ ਦੁਆਰਾ ਦਿੱਤਾ ਗਿਆ। ਬਿਜਲੀ, ਪਾਣੀ, ਸੜਕ, ਬਾਗਬਾਨੀ, ਸੜਕ, ਬਿਜਲੀ, ਸਮਾਜ ਭਲਾਈ, ਐੱਮਸੀ ਮਨੀਮਾਜਰਾ, ਸਿਹਤ ਆਵਾਜਾਈ, ਮਹਿਲਾ ਅਤੇ ਬਾਲ ਵਿਕਾਸ, ਠੋਸ ਰਹਿੰਦ-ਖੂੰਹਦ, ਕਜੌਲੀ ਵਾਟਰ ਵਰਕਸ ਸਮੇਤ ਯੂਟੀ, ਐੱਮਸੀ ਦੇ ਵੱਖ-ਵੱਖ ਵਿਭਾਗਾਂ ਦੇ ਕਰਮਚਾਰੀਆਂ ਅਤੇ ਪੈਨਸ਼ਨਰ ਐਸੋਸੀਏਸ਼ਨ ਨਾਲ ਜੁੜੇ ਕਰਮਚਾਰੀਆਂ ਨੇ ਹਿੱਸਾ ਲਿਆ।

ਫੈਡਰੇਸ਼ਨ ਦੇ ਜਨਰਲ ਸਕੱਤਰ ਗੋਪਾਲ ਦੱਤ ਜੋਸ਼ੀ, ਸੰਯੁਕਤ ਸਕੱਤਰ ਐਮ.ਐਮ. ਸੁਬਰਾਮਨੀਅਮ, ਬਿਹਾਰੀ ਲਾਲ, ਐਮ. ਰਾਜੇਂਦਰਨ, ਰਣਜੀਤ ਸਿੰਘ, ਰਾਮ ਦੁਲਾਰ, ਹਰਪਾਲ ਸਿੰਘ, ਪ੍ਰੇਮਪਾਲ ਨੇ ਕਰਮਚਾਰੀਆਂ ਦੀ ਬਰਖਾਸਤਗੀ ਦੀ ਨਿੰਦਾ ਕੀਤੀ। ਉਨ੍ਹਾਂ ਦੋਸ਼ ਲਾਇਆ ਕਿ ਠੇਕੇਦਾਰਾਂ ਅਤੇ ਅਧਿਕਾਰੀਆਂ ਨੇ ਆਊਟਸੋਰਸ ਕਾਮਿਆਂ ਨਾਲ ਵਿਤਕਰਾ ਕੀਤਾ ਹੈ। ਰਾਜੇਂਦਰ ਕਟੋਚ, ਹਰਕੇਸ਼ ਚੰਦ, ਰਣਜੀਤ ਸਿੰਘ, ਅਮਰੀਕ ਸਿੰਘ ਟੋਪਲਾਨ, ਨਸੀਬ ਸਿੰਘ ਨੇ ਨਿਗਮ ਪ੍ਰਸ਼ਾਸਨ ਨੂੰ ਚਿਤਾਵਨੀ ਦਿੱਤੀ ਕਿ ਜੇਕਰ ਨਿਗਮ ਬਰਖਾਸਤਗੀ ਦਾ ਫੈਸਲਾ ਵਾਪਸ ਨਹੀਂ ਲੈਂਦਾ ਤਾਂ ਫੈਡਰੇਸ਼ਨ ਅਗਲੇ ਹਫ਼ਤੇ ਸਿੱਧੇ ਸੰਘਰਸ਼ ਦਾ ਐਲਾਨ ਕਰੇਗੀ ਜਿਸ ਵਿੱਚ ਸਾਰੇ ਵਿਭਾਗਾਂ ਵਿੱਚ ਕੰਮ ਦਾ ਬਾਈਕਾਟ ਕਰਨ ਦਾ ਫੈਸਲਾ ਲਿਆ ਜਾਵੇਗਾ।

ਵਿਰੋਧ ਪ੍ਰਦਰਸ਼ਨ ਦੌਰਾਨ, ਵਧੀਕ ਕਮਿਸ਼ਨਰ ਸੁਮਿਤ ਸਿਹਾਗ ਨੇ ਮੰਗ ਪੱਤਰ ਲਿਆ ਅਤੇ ਉਨ੍ਹਾਂ ਨੂੰ ਕਾਮਿਆਂ ਦੀ ਬਹਾਲੀ ਸਮੇਤ 12 ਹੋਰ ਮੰਗਾਂ ਦੇ ਹੱਲ ਬਾਰੇ ਇੱਕ ਮੰਗ ਪੱਤਰ ਦਿੱਤਾ ਗਿਆ।